तामिळनाडू : महिला ग्राहकाच्या रागामुळे व्यथित, नोकरी जाण्याची भीती… डिलिव्हरी बॉय ने संपवलं जीवन, सुसाईड नोटमध्ये लिहिली ही गोष्ट : तामिळनाडूच्या कोलाथूर भागात 19 वर्षीय डिलिव्हरी बॉय नं आपलं जीवन संपवलं. आत्महत्या करण्यापूर्वी त्याने एक सुसाईड नोट देखील लिहिली. सुसाइड नोटमध्ये त्याने लिहिलं की, तो एका महिला ग्राहकाच्या घरी सामान डिलीव्हर करण्यासाठी उशीर झाला होता. महिला ग्राहकानं उशिरा आल्यामुळे त्याला ओरडलं होतं. या गोष्टीमुळे व्यथित होऊन त्यानं हे पाऊल उचललं. मृताची ओळख बी.कॉम विद्यार्थी जे. पवित्रन म्हणून झाली असून, तो एका अॅग्रिगेटर कंपनीत पार्ट-टाइम काम करत होता.
काय आहे संपूर्ण प्रकरण?
11 सप्टेंबर रोजी पवित्रन कोराट्टूरमध्ये एका घरी किराणा मालाची डिलीव्हरी करण्यासाठी गेला होता.
पोलिसांनी सांगितलं की, त्याला घर शोधण्यास उशीर झाला ज्यामुळे डिलीव्हरीला उशीर झाला. जेव्हा त्याने महिला ग्राहकाला सामान दिले, तेव्हा महिला ग्राहकानं त्याच्याशी वाद घातला. पोलिस सूत्रांनी सांगितलं, नंतर महिला ग्राहकानं डिलीव्हरी कंपनीकडे तक्रार केली आणि पवित्रनला पुन्हा डिलीव्हरीसाठी न पाठवण्याची विनंती केली.आम्हाला माहित नाही की कंपनीनं काय कारवाई केली.
महिला ग्राहकाच्या घरावर फेकला होता दगड
दोन दिवसांनी पवित्रननं कथितपणे महिला ग्राहकाच्या घरावर दगड फेकला आणि खिडकीची काच तोडली होती.
त्यानंतर महिलेने पोलिसांत तक्रार दाखल केली आणि त्यावेळी त्याला इशारा देऊन सोडण्यात आले होते.
पोलिसांनी सांगितलं की, पवित्रनला महिला ग्राहकाशी झालेल्या वर्तनाचं खूप दुःख झालं होतं. त्याला भीती होती की त्याची नोकरी जाईल. त्याने आपल्या पालकांना याबाबत सांगितलं होतं. घटनेच्या दिवशी त्याचे पालक कामावर गेले होते. जेव्हा ते दुपारी घरी आले तेव्हा त्यांनी पवित्रनला गळफास घेतलेल्या अवस्थेत पाहिलं.
सुसाइड नोटमध्ये लिहिलं हे
पोलिसांनी सांगितलं की, पवित्रनने आपल्या सुसाइड नोटमध्ये लिहिलं आहे की, “मला त्या महिलेच्या वर्तनामुळे खूप दुःख झालं आहे. मला माहित नव्हतं की उशिरा डिलीव्हरीसाठी मला इतक्या वाईट पद्धतीनं ओरडले जाईल.” ही घटना डिलीव्हरी कर्मचाऱ्यांशी होणाऱ्या वाईट वागणुकीचं दर्शन घडवते. डिलीव्हरी कर्मचारी अनेकदा वेळेवर डिलीव्हरी करण्याच्या दबावात काम करतात. अनेक वेळा त्यांना ग्राहकांच्या रागाचा सामना करावा लागतो.
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on SEP 20,2025 | 14:24 PM
WebTitle – A Tamil Nadu delivery boy, distressed by the anger of a female customer, ended his life
