माणुसकीचा पराभव; स्मशानाचा रस्ता नाकारल्याने दलित कुटुंबाने रस्त्यावरच केला अंत्यसंस्कार

बिहार : 30-01-2026 |माणुसकीचा पराभव; स्मशानाचा रस्ता नाकारल्याने दलित कुटुंबाने रस्त्यावरच केला अंत्यसंस्कार : बिहारच्या वैशाली जिल्ह्यातून समोर आलेली ही घटना केवळ एका कुटुंबाची शोकांतिका नाही, तर ती सामाजिक वास्तव, जातीय भेदभाव आणि प्रशासकीय अपयशाचे भयावह प्रतिबिंब ठरते. एका महादलित कुटुंबाला त्यांच्या घरातील वृद्ध महिलेच्या अंत्यसंस्कारासाठी स्मशानभूमीकडे जाणारा सार्वजनिक रस्ता नाकारण्यात आला आणि अखेरीस त्या कुटुंबाने रस्त्यावरच चिता रचून अंत्यसंस्कार करण्याचा अत्यंत वेदनादायक निर्णय घेतला.

दलित रस्त्यावरच अंत्यसंस्कार Bihar Shocker Dalit Family Forced to Perform Last Rites on Road After Being Denied Cremation Path in Vaishali — Bihar Shocker Dalit Family Forced to Perform Last Rites on Road After Being Denied Cremation Path in Vaishali

एकीकडे देशात शैक्षणिक संस्थामध्ये जातीय भेदभावाच्या विरोधात यूजीसी ने नवे नियम बनवल्यावर त्यांचा विरोध करण्यात आला,आणि कालच सर्वोच्च न्यायालयाने या नव्या नियमांना समाजात भेदभाव वाढेल असं कारण देत स्थगिती दिली.युजीसीने नुकत्याच लागू केलेल्या नवीन नियमांना सर्वोच्च न्यायालयाने तूर्तास स्थगिती दिली आहे. पुढील सुनावणी 19 मार्च रोजी होईल. तोपर्यंत 2012 चे यूजीसी नियम लागू राहतील.

माणुसकीचा पराभव; स्मशानाचा रस्ता नाकारल्याने दलित कुटुंबाने रस्त्यावरच केला अंत्यसंस्कार

ही घटना गरौल पोलीस ठाण्याच्या हद्दीतील सोनधो मुबारकपुर मांझी टोला येथे घडली. येथील रहिवासी महादलित ९१ वर्षीय झपकी देवी यांचे निधन झाल्यानंतर कुटुंबीयांनी पारंपरिक पद्धतीने शव हिंदू धर्म पद्धतीने अंत्यसंस्कारासाठी नेण्याची तयारी केली होती. मात्र, स्मशानभूमीकडे जाणाऱ्या मार्गावर पोहोचताच त्यांना अडथळ्यांचा सामना करावा लागला. कुटुंबीयांचा आरोप आहे की स्थानिक दुकानदारांनी सार्वजनिक रस्त्यावर अतिक्रमण करून तो मार्ग अघोषितपणे बंद केला असून, महादलित कुटुंबाला पुढे जाऊ दिले गेले नाही.

कुटुंबीयांनी बराच वेळ विनवण्या केल्या, स्थानिक पातळीवर वादही झाला, मात्र परिस्थितीत कोणताही बदल झाला नाही. अखेर, शोकाकुल आणि संतप्त नातेवाइकांनी रस्त्यावरच चिता उभारून झपकी देवींचा अंत्यसंस्कार केला. धगधगती चिता आणि रस्त्यावर जमलेली गर्दी याचे दृश्य केवळ अस्वस्थ करणारेच नव्हते, तर ते देशाच्या प्रशासनाच्या कार्यक्षमतेवर थेट प्रश्नचिन्ह उभे करणारे होते.

माणुसकीचा पराभव; स्मशानाचा रस्ता नाकारल्याने दलित कुटुंबाने रस्त्यावरच केला अंत्यसंस्कार : पोलिस मूकदर्शक

मृतकाचे पुत्र संदेश मांझी यांनी व्यथित मनाने सांगितले की, “जेव्हा आम्हाला स्मशानाकडे जाण्याचा रस्ताच नाकारला जातो, तेव्हा आमच्यासमोर पर्याय तरी काय उरतो? आईवर अंत्यसंस्कार करणे ही आमची जबाबदारी होती, म्हणून आम्ही रस्त्यावरच तो विधी केला.”

स्थानिक दुकानदार शंकर ठाकूर यांनीही मार्ग पूर्वी अस्तित्वात असल्याचे मान्य करत सांगितले की,

सध्या तो वापरण्यास मज्जाव केला जात आहे. त्यांच्या मते, पोलिसांनी अंत्यसंस्कारापूर्वी घटनास्थळी भेट दिली होती,

मात्र परिस्थिती नियंत्रणात आणण्याऐवजी ते केवळ मूकदर्शक राहिले आणि नंतर निघून गेले.

या घटनेने परिसरात तीव्र संताप व्यक्त केला जात असून, स्थानिक नागरिकांचे म्हणणे आहे की

हा मार्ग दीर्घकाळापासून अतिक्रमणाखाली आहे. याबाबत अनेक वेळा तक्रारी करूनही प्रशासनाने ठोस पावले उचललेली नाहीत.

परिणामी, एका महादलित कुटुंबाला सार्वजनिक रस्त्यावरच अंत्यसंस्कार करण्याची वेळ आली.

प्रकरणाला मोठे स्वरूप मिळाल्यानंतर वैशालीच्या जिल्हाधिकारी वर्षा सिंह यांनी या घटनेची गंभीर दखल घेतली आहे.

अधिकृतरीत्या प्रतिक्रिया देण्याबाबत अधिकारी सध्या टाळाटाळ करत असले तरी उच्चस्तरीय चौकशी समिती स्थापन करण्यात आली आहे.

महुआचे उपविभागीय अधिकारी, डीएसपी आणि गरौलचे बीडीओ संयुक्तपणे या प्रकरणाची चौकशी करणार आहेत.

प्रशासनाकडून अतिक्रमण करणाऱ्यांवर आणि कर्तव्यात कसूर करणाऱ्या अधिकाऱ्यांवर कठोर कारवाई केली जाईल, असा दावा करण्यात आला आहे.

स्थानिक लोकप्रतिनिधी रुबी देवी यांनी ही घटना अत्यंत दुर्दैवी आणि लज्जास्पद असल्याचे म्हटले आहे.

त्यांनी स्पष्ट केले की सर्व संबंधित पक्षांना एकत्र बसवून या समस्येवर कायमस्वरूपी तोडगा काढला जाईल,

जेणेकरून भविष्यात कोणत्याही कुटुंबाला अशा अमानवी परिस्थितीचा सामना करावा लागू नये.

वैशालीतील ही घटना केवळ एका गावापुरती मर्यादित नसून, ती सामाजिक समतेच्या दाव्यांवर

आणि प्रशासनाच्या संवेदनशीलतेवर कठोर प्रश्न उपस्थित करणारी ठरली आहे.

सार्वजनिक रस्ता असूनही जातीय ओळखीच्या आधारे तो नाकारला जात असेल,

तर तो प्रश्न कायदा आणि सुव्यवस्थेपुरता न राहता मानवी प्रतिष्ठेचा ठरतो.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

आरएसएस ज्या पद्धतीने गुरुदक्षिणा स्वीकारतो—ना व्यक्ती, ना नोंदणीकृत संघटना—त्याच धर्तीवर, तुम्हीही जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.