"दलित व्यक्तीने RSS ला प्रश्न विचारण्याची गरज काय?"; भाजप खासदारांच्या वक्तव्यावरून नवा वाद

नवी दिल्ली 19/06/2026 : राष्ट्रीय स्वयंसेवक संघ (RSS) आणि पारदर्शकतेच्या मुद्द्यावरून कर्नाटकचे मंत्री प्रियांक खर्गे यांनी उपस्थित केलेल्या प्रश्नांवर प्रतिक्रिया देताना भाजपचे लोकसभा खासदार रमेश जिगजिणगी यांच्या वक्तव्यामुळे नवा राजकीय वाद निर्माण झाला आहे. “एका दलित व्यक्तीने RSS ला प्रश्न विचारण्याची गरज काय?” असे वक्तव्य करत त्यांनी प्रियांक खर्गे यांच्यावर टीका केली. त्यांच्या या विधानानंतर राजकीय आणि सामाजिक क्षेत्रात तीव्र प्रतिक्रिया उमटू लागल्या आहेत.

प्रियांक खर्गे यांनी अलीकडेच RSS प्रमुख मोहन भागवत यांना पत्र लिहून संघटनेच्या कायदेशीर नोंदणी, निधीचे स्रोत, करसवलती आणि सार्वजनिक उत्तरदायित्वासंदर्भात प्रश्न उपस्थित केले होते. या पत्रात कुठेही जातीय संदर्भ नसतानाही जिगजिणगी यांनी प्रतिक्रिया देताना दलित ओळखीचा उल्लेख केल्याने वाद अधिकच वाढला आहे.

“दलित व्यक्तीने RSS च्या बाबतीत का पडावे? शांत राहावे आणि आपले काम करावे.”

पत्रकारांशी बोलताना रमेश जिगजिणगी म्हणाले, “दलित व्यक्तीने RSS च्या बाबतीत का पडावे? शांत राहावे आणि आपले काम करावे.” याशिवाय त्यांनी “RSS विरोधात जाणारा कोणीही टिकलेला नाही,” असे वक्तव्यही केले. या विधानावरून विरोधकांनी तीव्र आक्षेप घेतला आहे.

पत्रकारांनी RSS मध्ये दलितांना समान संधी मिळत नसल्याच्या आरोपांबाबत प्रश्न विचारल्यानंतर जिगजिणगी यांनी प्रियांक खर्गे यांच्यावर वैयक्तिक टीका केली.

“त्यांच्या वडिलांनी काँग्रेसमध्ये काम केले म्हणून त्यांना संधी मिळाली. त्यांनी लोकांसाठी काम करून नाव कमवावे,” असे ते म्हणाले.

दरम्यान, कर्नाटकचे मंत्री प्रियांक खर्गे यांनी सोशल मीडियावर या वक्तव्याला जोरदार प्रत्युत्तर दिले आहे.

“रमेश जिगजिणगी स्वतः दलित समाजातून येतात. RSS च्या सर्वोच्च निर्णयप्रक्रियेत त्यांना स्थान मिळाले नाही म्हणून ही त्यांची नाराजी आहे का?” असा सवाल त्यांनी उपस्थित केला.

हे वक्तव्य भीतीपोटी केले आहे की मला घाबरवण्यासाठी?

तसेच “RSS विरोधात जाणारा कोणीही टिकत नाही” या विधानावरही खर्गे यांनी प्रश्नचिन्ह उपस्थित केले.

“हे वक्तव्य भीतीपोटी केले आहे की मला घाबरवण्यासाठी? RSS ही अशी कोणती संघटना आहे की तिच्यावर प्रश्न विचारणारे संपवले जातात?”

असा सवाल त्यांनी केला.

खर्गे यांनी पुढे म्हटले की, “मी दलित असल्यामुळे RSS ला प्रश्न विचारण्याचा अधिकार नाही, असा संदेश या वक्तव्यातून दिला जात आहे का?

सामाजिक श्रेष्ठत्वाच्या मानसिकतेचे संरक्षण करण्यासाठी स्थापन झालेल्या संघटनेवर प्रश्न विचारण्याची पात्रता माझ्यात नाही,

असे त्यांना म्हणायचे आहे का?” असा सवालही त्यांनी उपस्थित केला.

“मी धमक्यांना घाबरत नाही. मी फक्त नैतिकतेला घाबरतो. आमच्या नसांमध्ये डॉ. बाबासाहेब आंबेडकरांचा विचार वाहतो,”

असे प्रत्युत्तर प्रियांक खर्गे यांनी दिले.

या संपूर्ण प्रकरणामुळे दलित प्रतिनिधित्व, सामाजिक न्याय, RSS ची भूमिका आणि राजकीय वक्तव्यांची मर्यादा या मुद्द्यांवर पुन्हा एकदा राष्ट्रीय पातळीवर चर्चा सुरू झाली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.