धक्कादायक : उमा शंकर मिश्रा याने तीन वर्षांच्या बालिकेसोबत लैंगिक अत्याचार केल्याचा आरोप

उत्तरप्रदेश :12-11-2025 😐समाजाला हादरवून सोडणारी घटना उत्तर प्रदेशातील कौशांबी येथे घडली असून,६० वर्षीय उमा शंकर मिश्रा या वृद्धावर तीन वर्षांच्या बालिकेसोबत अमानुष अत्याचार केल्याचा गंभीर आरोप झाला आहे.घटना पाहून मुलीची आई भयभीत झाली. तिने आरडाओरडा करताच, उमा शंकर मिश्रा ने घराला कुलूप लावून पलायन केले. पोलिसप्रशासनाने घटनेचे गांभीर्य ओळखून तत्काळ कारवाई करूत आरोपीला अटक केली आहे.

मिळालेल्या माहितीनुसार, मंझनपूर पोलिस ठाण्याच्या हद्दीतील एका गावातील महिला आपल्या तीन वर्षांच्या मुलीसह शहरात भाड्याच्या घरात राहत होती.

तिचा पती दुसऱ्या राज्यात नोकरी करत होता. त्या घराच्या शेजारीच बसुहार येथील उमा शंकर मिश्र हा इसम भाड्याने राहत होता.

दृश्य पाहून हादरली आई

शुक्रवारी दुपारी मुलगी घराबाहेर खेळत असताना मिश्रा यांनी तिला चॉकलेट देऊन आपल्या खोलीत नेले, अशी माहिती आहे. दरम्यान, मुलीची आई सामान आणण्यासाठी घराबाहेर निघाली असता तिने मुलीला शोधत मिश्रा यांच्या खोलीत पाहिले आणि तेथील दृश्य पाहून ती हादरली, थरकापली.

आईने जोरात आरडाओरडा केल्यावर उमा शंकर मिश्र ने घाईघाईने मुलीला बाहेर फेकून खोलीला कुलूप लावले आणि पळ काढला. घटनेनंतर बाळाच्या आईने पोलिस ठाण्यात लेखी तक्रार दाखल केली. वरिष्ठ अधिकाऱ्यांनाही या प्रकरणाची माहिती देण्यात आली. पोलिस अधीक्षक राजेश कुमार यांच्या सूचनेनुसार, पोलिसांनी आरोपीविरुद्ध गुन्हा दाखल करून तपास सुरू केला आहे.

मुलीची प्रकृती चिंताजनक असल्याने कुटुंबीय चिंतेत

रविवारी रात्री पोलिसांनी या विकृत नराधम आरोपीला अटक केली. तो रायबरेलीला पळण्याच्या प्रयत्नात असल्याचे सांगितले जाते.

घटनेनंतर बालिकेला संसर्ग झाल्याचे समोर आले असून तिच्यावर उपचार सुरू आहेत.
मुलीची प्रकृती चिंताजनक असल्याने कुटुंबीय चिंतेत आहेत. पोलिस अधिकारी सतत कुटुंबाच्या संपर्कात असून वैद्यकीय मदत पुरवली जात आहे.

या घटनेमुळे परिसरात तीव्र संतापाचे वातावरण निर्माण झाले आहे. स्थानिक नागरिक या घटनेने हादरले आहेत.

तीन वर्षांच्या बालिकेसोबत झालेल्या अमानुष प्रकारामुळे लोकांमध्ये प्रचंड संताप आहे. अनेकजण आपल्या लहान मुलांच्या सुरक्षेबद्दल चिंतेत आहेत.

आईने पोलिसांना दिलेल्या निवेदनात म्हटले आहे की, “अशा अत्याचार करणाऱ्या नराधमांपासून आता मुलांना घराबाहेर सोडायलाही भीती वाटते.”

पोलिस अधीक्षक राजेश कुमार यांनी सांगितले की, “आरोपीविरुद्ध गुन्हा दाखल करण्यात आला आहे. त्याला न्यायालयात हजर करून जेलमध्ये पाठविण्यात आले आहे. पुढील तपास सुरू आहे.”

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.