Pankaj Udhas Death: गझल गायक पंकज उधास यांचे वयाच्या ७२ व्या वर्षी निधन झाले. गायक दीर्घ आजाराने त्रस्त होते. गायक पंकज उधास यांच्या कुटुंबीयांनी एक निवेदन जारी करून त्यांच्या निधनाची माहिती दिली आहे. निवेदनात असे लिहिले आहे- ‘जड अंत:करणाने, 26 फेब्रुवारी 2024 रोजी प्रदीर्घ आजाराने पद्मश्री पंकज उधास यांचे दुःखद निधन झाल्याची माहिती देताना आम्हाला दुःख होत आहे. पंकज यांना स्वादुपिंडाच्या कर्करोग पॅनक्रियाज कॅन्सर Pancreatic cancer झाला होता.
पंकज उधास यांचे आज सकाळी ११ वाजता मुंबईत निधन झाले. काही काळ त्यांना मुंबईतील ब्रीच कँडी रुग्णालयात दाखल करण्यात आले होते. याच रुग्णालयात त्यांनी अखेरचा श्वास घेतला. मिळालेल्या माहितीनुसार, पंकज उधास यांना काही महिन्यांपूर्वी कॅन्सर झाल्याचे निदान झाले असून ते गेल्या काही महिन्यांपासून कुणालाही भेटत नव्हते. त्यांच्या पार्थिवावर उद्या मुंबईत अंत्यसंस्कार होणार आहेत.
गझल गायक पंकज उधास स्वादुपिंडाच्या कर्करोगाशी झुंज देत होते
गायक अनूप जलोटा यांनी माध्यमांशी बोलताना सांगितलं की ,
पंकज उधास स्वादुपिंडाच्या कर्करोगाने ग्रस्त होते, चार महिन्यांपूर्वी त्याना याची माहिती मिळाली होती.
पंकज उधास हे गझल गायनाच्या विश्वातील एक मोठे नाव होते. ‘चिठ्ठी आयी है’ या गझलेने त्यांना प्रसिद्धी मिळाली.ही गझल 1986 मध्ये प्रदर्शित झालेल्या ‘नाम’ चित्रपटात होती. पंकजने ‘ये दिल्लगी’, ‘फिर तेरी कहानी याद आयी’, ‘चले तो कट ही जायेगा’ आणि ‘तेरे बिन’ अशा अनेक गझलांना आपला आवाज दिला. याशिवाय ‘ना कजरे की धार’, ‘चंदी जैसा रंग है तेरा’ ही पंकजची यादगार गाणी आहेत.
पंकज यांना या पुरस्कारांनी गौरविण्यात आले
पंकज उधास यांनी गायनात आपली क्षमता सिद्ध केली आणि त्यांच्या उत्कृष्ट आवाजासाठी त्यांना अनेक पुरस्कारांनी सन्मानित करण्यात आले.
यातील सर्वात महत्त्वाचा पद्मश्री पुरस्कार त्यांना 2006 मध्ये देण्यात आला.
गायन पार्श्वभूमी
पंकज उधास यांचा जन्म १७ एप्रिल १९५१ रोजी गुजरातमधील सर्वकुंड येथे झाला. सुरुवातीपासूनच त्यांच्याकडे गाण्याच्या पार्श्वभूमीचा होती.
त्यांचा मोठा भाऊ मनहर उधास हे आधीपासूनच बॉलिवूडमध्ये पार्श्वगायक म्हणून ओळखले जात होते.
त्यांचे दुसरे भाऊ निर्मल उधास हे देखील उत्कृष्ट गझल गायक होते.
जेव्हा 51 रुपये बक्षीस म्हणून मिळाले
पंकज उधास यांचा मोठा भाऊ मनहर देखील थिएटर अभिनेता होता. पंकजने त्याच्यासोबत काम केले आणि त्याच्या पहिल्या स्टेजवर ए मेरे वतन के लोगों हे गाणे गायले आणि प्रेक्षक त्यांच्या आवाजाने प्रभावित झाले. तेव्हा एका प्रेक्षकाने पंकजला बक्षीस म्हणून ५१ रुपये दिले. नंतर पंकज उधास संगीत नाट्य अकादमीत रुजू झाले आणि तबला वाजवू लागले. सेंट झेवियर्स कॉलेजमधून पदवी घेतल्यानंतर त्यांनी बारमध्ये काम केले होते.
प्रसिद्ध गायक पंकज उधास यांनी करोडोंची संपत्ती मागे ठेवली आहे. त्यांच्या पश्चात पत्नी फरीदा उधास आणि दोन मुली नायब उधास आणि रिवा उधास असा परिवार आहे.रिपोर्ट्सनुसार, त्यांनी 25 कोटी रुपयांपेक्षा जास्त संपत्ती मागे सोडली आहे. ते विलासी जीवन जगले आणि चित्रपट आणि कार्यक्रमांमध्ये गाण्याव्यतिरिक्त ते यूट्यूबच्या माध्यमातून पैसेही कमावत होते.
लोकशाही आणि संविधानिक मुल्यांवर बोलायला आलेल्या निताशा कौल यांना का घाबरलं मोदी सरकार?
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on FEB 26,2024 | 19:52 PM
WebTitle – Pankaj Udhas Death
