आंध्रप्रदेश : भारतीय जनता पक्षाने (BJP) आंध्र प्रदेशातील 2024 च्या विधानसभा निवडणूक जिंकल्यानंतर 50 रुपयांना दारू ची बाटली देण्याचे आश्वासन दिले आहे. भाजपच्या या आश्वासनावर आता सर्वत्र टीका होत आहे. विरोधकांनीही पक्षाची खिल्ली उडवली असून, स्वस्त दरात दारू पुरवण्याचे आश्वासन देत मते मागताना भाजप इतका खालच्या पातळीवर गेली आहे.अशी खरमरीत टीका विरोधकांनी केली आहे.
राज्य युनिटचे अध्यक्ष सोमू वीरराजू यांनी मंगळवारी विजयवाडा येथे ‘प्रजा आग्रह सभा’ रॅलीला संबोधित करताना हे वचन दिले. या रॅलीत माजी केंद्रीय मंत्री प्रकाश जावडेकर यांचाही सहभाग होता. वायएसआर काँग्रेस पक्षाचे ज्येष्ठ नेते आणि राज्य उत्पादन शुल्क मंत्री नारायण स्वामी यांनी बुधवारी आश्चर्य व्यक्त केले की वीरराजू हे पक्षाचे राज्य युनिटचे प्रमुख आहेत की दारूच्या दुकानांचे मालक आहेत. ते म्हणाले, “भाजप मते मागण्यासाठी स्वस्त दरात दारू देण्याचे आश्वासन खालच्या पातळीवर पोचले आहे.”
‘वीरराजू यांचे मानसिक संतुलन बिघडले’
भारतीय कम्युनिस्ट पक्षाचे राज्य सचिव के रामकृष्ण (K Ramakrishna) म्हणाले की, भाजपचे प्रदेशाध्यक्ष सोमू वीरराजू यांचे मानसिक संतुलन बिघडले आहे. ते म्हणाले, ‘एक कोटी लोकांना दारूचे व्यसन आहे, असून त्यांनी 50 रुपयांची दारूची बाटली मिळावी यासाठी भाजपला मतदान करावे असे म्हणणे वेडेपणाचे.’ तेलंगणा राष्ट्र समितीचे कार्याध्यक्ष आणि राज्याचे आयटी मंत्री के.टी. रामाराव (KT Rama Rao) यांनीही टीका केली.
त्यांनी ट्विट केले, ‘व्वा काय योजना आहे! किती लाज वाटते! आंध्र प्रदेश भाजप खालच्या पातळीवर गेला आहे.
50 रुपयांना स्वस्त दारू पुरवठा करण्याचे हे भाजपचे राष्ट्रीय धोरण आहे
की ही बंपर ऑफर फक्त त्या राज्यांसाठी आहे जिथे हतबलता जास्त आहे?
निवडणूक जिंकल्यावर त्यांनी राज्यातील जनतेला पन्नास रुपयांना दारूची बाटली देण्याचे आश्वासन दिले आहे.
निवडणूक जिंकली तर 50 रुपयांना दारू देऊ
राज्यातील महागड्या दारूच्या किमतींचा संदर्भ देत वीरराजू म्हणाले, “मी तुम्हाला सांगतो की राज्यात एक कोटी लोक दारू पितात. तुम्ही भाजपला मत द्या, आम्ही तुम्हाला ७५ रुपयांची दारू देऊ. जर यातून चांगली कमाई झाली तर आम्ही ती फक्त 50 रुपयांना देऊ (वाईट दारू नाही) नक्कीच चांगली दारू देऊ.
हेही वाचा समीर वानखेडे जात वैधता प्रमाणपत्र सादर करू शकले नाहीत
जागल्याभारत वरील बातम्या/लेख शेअर करून इतर लोकांपर्यंत पोहोचण्यास आम्हाला मदत करा.मित्रांना सांगा.
(वाचकहो..आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा,मित्रांना सांगा)
First Published by Team Jaaglya Bharat on DEC 30, 2021 14:10 PM
WebTitle – ‘If we win the election, we will give alcohol for Rs 50’ – BJP leader
