आंबेडकरांचा हाय म्हटल्यावर...आज्जीला समजलं असेल की "न्याय" आंबेडकरच देणार

आंबेडकरांचा हाय म्हटल्यावर…आज्जीला समजलं असेल की “न्याय” आंबेडकरच देणार

जमिनीच्या केसेस मध्ये पक्षकार वयस्कर लोकं असली तरी तारखा अटेंड करायला सहसा त्यांची मुले नातवंडे वगैरे येतात…

काल मात्र एका दिवाणी दाव्यातील पक्षकार असणाऱ्या तीन “अज्जीबाई” आल्या होत्या, केस बद्दल त्यांना माहिती देत असताना एका म्हातारीने जवळ बोलावून कुतुहलाने विचारले, “जाधव म्हणजे चिखलीचे का…?

“नाही मी पिंपरीला असतो” असे सांगितले तर… पुन्हा सांगू लागल्या, “माझी मुलगी चिखलीला दिली आहे वगैरे…” मी नुसते ऐकत होतो…

मग न राहून त्यांनी विचारले,”तुम्ही माळीच हाय ना…? मी उत्तरलो,”नाही मी बुद्धिस्ट आहे” आज्जीला कळाले नसावे,

त्यामुळे आज्जीने प्रश्नार्थक चेहऱ्याने विचारले, म्हणजे…?

बाजूची तिच्यापेक्षा लहानी आज्जी म्हणाली, “आंबेडकर चे हायेत ते…”

तशी त्या आज्जीने “माझे दोन्ही हाथ हातात घेतले आणि स्वतःच्या कपाळाला लावले…”

डोळ्यात असवं आणत सांगू लागल्या, “आमचं वय झालंय आता, आम्ही पुढच्या तारखेला येऊ की नाही हे पण सांगता येत नाही, आमचं आता झालं गेलं, पण ही नातवंडं हायेत त्यांच्यासाठी इथपर्यंत येतोय, तेवढा जमिनीचा तुकडा सोडवून द्या पोरांना… तुमचे लय उपकार होतील, या अगुदर आमच्याच लोकांनी आम्हाला लय फसवल हाय… तुमच्यावर “विश्वास” हाय…”

एवढ्या गर्दीत तो भावनिक क्षण लोकं डोळ्यात टिपत होती, हाथ सोडवत आज्जींना धीर देत केस बद्दल माहिती देऊ लागलो तसा आज्जीला बरं वाटतं होतं…

एवढा पसारा लिहिण्याचे कारण, “तुमचा विश्वास ठेवण्याचे मापक “तुमच्या जातीचा” हे कसे असु शकते…? इतिहास गवाह है, जातीच्या लोकांनी माती खाल्ली आहे ते…

माझ्याकडे देखील अनेक लोकं येतात आणि तुम्ही आपले म्हणून तुमच्याकडे आलोय सांगतात…

आज्जीने सांगितल्या प्रमाणे तुम्हाला देखील अनुभव आला असेल की, “आपलेच लोक आपलीच मारतात”…

त्यामुळे या क्षेत्रात “आपला” वकील नाही, तर “चांगला” वकील बघून केस द्या… मग तो कोणत्याही जातीचा का असेना फक्त अभ्यासू आणि हुशार हवा…

क्युंकी…

“काला कोट कोई सबूत नहीं “वकील” होणे का, “ज्ञान” से साबित करो “वकील” हो…

राज जाधव

वकिल आणि सामाजिक कार्यकर्ते

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.