हैदराबाद. तेलंगणाचे भाजप खासदार सोयाम बापूराव यांचा एक व्हिडिओ सोशल मिडियावर व्हायरल होत आहे.कार्यकर्त्याना संबोधित करताना त्यांनी स्वत:चा बोलण्याच्या ओघात सरकारी निधीचा दुरुपयोग केल्याची कबुली देऊन टाकली. सोयम बापूराव यांनी स्वत: मान्य केलंय की त्यांनी MP LADS निधी वैयक्तिक कारणांसाठी वापरला आहे. “खासदार निधी घरबांधण्यासाठी, मुलाच्या लग्नासाठी” वापरला असल्याची जाहीर कबुलीच देऊन टाकली.सोयम बापूराव यांनी भाजपच्या प्रतिनिधींसोबत एका कार्यक्रमात उघडपणे कबूल केले की त्यांनी एमपी लोकल एरिया डेव्हलपमेंट स्कीम (LADS) निधी त्यांच्या मतदारसंघाच्या विकासासाठी न वापरता त्यांच्या वैयक्तिक कारणांसाठी वापरला.इतकच नाहीतर त्याचे समर्थन सुद्धा केले.
1993 मध्ये सुरू करण्यात आलेली MPLADS योजना, खासदारांना त्यांच्या मतदारसंघातील विशिष्ट गरजांवर आधारित स्थानिक विकास प्रकल्पांसाठी निधी वाटप करण्याची परवानगी देते. व्हायरल व्हिडिओमध्ये, राव यांना असे म्हणताना ऐकू येते की त्यांनी मिळालेल्या पैशांचा एक भाग महापालिका पोलिस प्रशिक्षण समिती (एमपीटीसी) आणि परिसरातील नगरसेवकांना वाटला.
“खासदार निधी गैरवापर,घरबांधण्यासाठी, मुलाच्या लग्नासाठी” वापरला सरकारी पैसा
गैरवापर करण्याची कबुली देताना खासदार सोयाम बापूराव म्हणाले, ‘दुसऱ्यांदा अडीच कोटी रुपये आले.
त्या निधीतील काही रक्कम एमपीटीसी आणि या भागातील नगरसेवकांना वाटण्यात आली,
मतदारसंघात माझे घर नसल्याने मी या निधीतील काही रक्कम मी घर बांधण्यासाठी वापरली.
हे सत्य दुसरा कोणताही नेता मान्य करणार नाही,पण मी मात्र मान्य करतो,
मुलाच्या लग्नासाठी देखील खासदार निधीतून पैसे खर्च केल्याचेही त्यांनी मान्य केले.
स्वपक्षीय खासदारांना दिला सल्ला
खासदार सोयाम बापूराव म्हणाले की, यापूर्वीही अनेक खासदारांनी त्यांच्या वैयक्तिक कामांसाठी असा संपूर्ण निधी वापरला आहे.
आपल्या पक्षाचे काही नेते आज माझ्यावर टीका करतायत,
पण माझ्या अगोदर त्यांनी जनतेचा पैसा कसा वापरलाय, हे त्यांच्या लक्षात येत नाहीये.
सोयम बापूराव यांच्या वक्तव्याचा व्हिडिओ सोशल मीडियावर व्हायरल होत आहे.यावरून लोक त्याला खूप ट्रोल सुद्धा करत आहेत.
Sanatani Bulldozer सनातनी बुलडोजर आता धार्मिक प्रतिक?
आदिपुरुष का “कपड़ा तेरे बाप का जलेगी भी तेरे बाप की” चुराया हुआ है डायलॉग?
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा....
First Published by Team Jaaglya Bharat on 21 JUN 2023, 10:42 AM
WebTitle – Telangana BJP MP admits used MP LADS funds for own house construction, son’s marriage
