वक्फ दुरुस्ती विधेयक: मोदी सरकारने का आणले ? किरेन रिजिजू यांनी स्पष्ट केले

लोकसभेत आज वक्फ दुरुस्ती विधेयक प्रचंड गदारोळाच्या मध्ये सादर करण्यात आले. अल्पसंख्याक कल्याण मंत्री किरेन रिजिजू यांनी हे विधेयक मांडताना या विधेयकाची आवश्यकता स्पष्ट केली. रिजिजू म्हणाले, “आम्ही २०१४ मध्ये निवडणूक लढवली. त्यापूर्वी २०१३ मध्ये काही आश्चर्यकारक पावले उचलण्यात आली होती.हे सुधारित दुरुस्ती विधेयक जर आणले गेले नसते, तर आज ज्या संसद भवनात चर्चा सुरू आहे, ते देखील वक्फ मालमत्ता झाले असते.”

वक्फ दुरुस्ती विधेयक रिजिजू waqf-amendment-bill-modi-government-rijiju-explains — waqf-amendment-bill-modi-government-rijiju-explains

वक्फ बोर्डचे दावे

रिजिजू यांनी सांगितले की, “वक्फ बोर्ड १९७० पासून संसद भवनासह इतर अनेक ठिकाणांवर दावा करत आहे. ही ठिकाणे २०१३ मध्ये डिनोटिफाय करण्यात आली आणि यामुळे वक्फ बोर्डाची दावेदारी झाली. सेक्शन १०८ मध्ये असे म्हटले आहे की, वक्फ कायदा हा कोणत्याही इतर कायद्यापेक्षा वरचढ असेल. जर मोदी सरकारने वक्फ दुरुस्ती विधेयक आणले नसते तर हा संसद परिसर देखील वक्फचा भाग असता.”

विधेयकाची गरज

वक्फ दुरुस्ती विधेयक संदर्भात केंद्रीय मंत्री रिजिजू यांनी स्पष्ट केले की, “वसंत कुंज आणि दिल्ली विमानतळासह एकूण १२३ ठिकाणांवर वक्फ बोर्डाने दावा केला होता. या विधेयकात मुस्लिमांच्या धार्मिक बाबींमध्ये हस्तक्षेप करणारी कोणतीही तरतूद नाही.”

विधेयकाआधीची प्रक्रिया

रिजिजू यांनी म्हटले, “हे विधेयक आणण्यापूर्वी सर्व पक्षांची मते जाणून घेण्यात आली आहेत.

देशभरातून ९७ लाखांहून अधिक सूचना ऐकल्या गेल्या. २५ राज्यांच्या वक्फ बोर्डांनीही सूचना दिल्या. त्यांचाही विचार करण्यात आला.”

ऐतिहासिक पार्श्वभूमी

त्यांनी सांगितले, “स्वतंत्र भारतात पहिल्यांदाच १९५४ मध्ये वक्फ बोर्ड कायदा लागू झाला. त्याचदरम्यान राज्य वक्फ बोर्डाचा प्रस्ताव सुद्धा समोर आला होता.

तेव्हापासून त्यात अनेक वेळा सुधारणा करण्यात आल्या आहेत आणि १९९५ मध्ये एक मोठा बदल झाला.

तेव्हा कोणीही हे विधेयक असंवैधानिक असल्याचे म्हटले नाही.”

तथ्यांवर आधारित भाषण

रिजिजू यांनी जोर देऊन सांगितले, “मी एकही गोष्ट माझ्या मानाने बोललेली नाही, तर तथ्यांच्या आधारावर बोललो आहे. जे तथ्य आहेत, तेच समोर ठेवले आहेत. आपण जर खऱ्या मनाने विचार केला असता, तर लोकांची दिशाभूल केली नसती.”

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.