दाक्षिणात्य चित्रपटसृष्टीतील सुपरस्टार थलपति विजय यांनी राजकारणात प्रवेश करून आपली स्वतःचा राजकीय पक्ष स्थापन केला आहे. विजयच्या पक्षाचे नाव “तमिलगा वेत्री कडगम” म्हणजेच टीव्हीके TVK आहे.
विजयच्या टीव्हीके पक्षाची पहिली रॅली तमिळनाडूच्या विल्लुपुरम जिल्ह्यातील विक्रवंडी येथे रविवारी आयोजित करण्यात आली होती. या पहिल्या रॅलीला लाखो लोक उपस्थित होते, जे विजय यांना ऐकण्यासाठी उत्सुकतेने आले होते.
पहिल्या जनसभेत विजय यांनी आपल्या समर्थकांना उद्देशून सांगितले की, काही पक्ष समाजात फूट पाडणारे राजकारण करीत आहेत, आणि असे पक्ष आमचे वैचारिक शत्रू आहेत.
फेब्रुवारीमध्ये थलपति विजय यांनी तमिळनाडू आणि पुदुचेरीमध्ये काम करण्यासाठी स्वतंत्र राजकीय पक्ष “तमिलगा वेत्री कडगम” TVK स्थापन केला होता, आणि ऑगस्ट महिन्यात त्यांनी पक्षाचा झेंडा आणि चिन्ह देखील लॉन्च केले. सप्टेंबरमध्ये, टीव्हीकेला निवडणूक आयोगाने अधिकृत मान्यता दिली आणि निवडणुकीत भाग घेण्याची परवानगी दिली.
विचारधारा धर्मनिरपेक्षता आणि सामाजिक न्यायावर आधारित
विजय यांनी जनसभेत आपल्या पक्षाच्या विचारधारेबद्दल सांगताना म्हटले की, “आम्ही द्रविड राष्ट्रवाद आणि तमिळ राष्ट्रवाद यांना वेगळं करणार नाही.”
त्यांची विचारधारा धर्मनिरपेक्षता आणि सामाजिक न्यायावर आधारित आहे, आणि टीव्हीके हेच उद्दिष्ट ठेवून काम करणार आहे.
विजय यांनी सांगितले की त्यांचा पक्ष पेरियार यांनी दिलेल्या महिला सशक्तीकरण आणि सामाजिक न्यायाच्या मार्गावर चालणार आहे,
परंतु पेरियार यांचे नास्तिकतेचे विचार त्यांनी मान्य केले नाहीत.
दोन भाषांचा आग्रह
विजय यांनी हेही स्पष्ट केले की, टीव्हीके राज्यात तमिळ आणि इंग्रजी या दोन भाषा अधिकृत स्वरूपात वापरण्याच्या धोरणावर काम करेल.
त्यांनी जाती आधारित जनगणनेचे समर्थनही केले.
विल्लुपुरम जिल्ह्यातील विक्रवंडी जवळील वी. सलाई येथे झालेल्या राज्यस्तरीय परिषदेत विजय यांनी “सांप्रदायिक आणि भ्रष्ट शक्तींविरुद्ध” लढण्याचा संकल्प घेतला. त्यांनी म्हटले, “आपल्या ‘पिरापोक्कुम एल्ला उयिरुक्कुम’ (जन्माने सर्व प्राणी समान आहेत) या विचारावर आम्ही आधारीत आहोत. तमिळनाडू धर्मनिरपेक्षतेच्या तत्त्वावर आधारित राज्य आहे, आणि आमच्या लोकांना हे माहीत आहे की कोण इथे यायला हवे आणि कोण नाही.”
2026 मध्ये होणाऱ्या विधानसभा निवडणुकीत भाग घेणार
थलपति विजय यांनी पुढे सांगितले की, “आमचा पुढील राजकीय शत्रू स्वार्थी कौटुंबिक गट आहे,
जो द्रविड मॉडेलच्या आडोशाखाली थानथाई पेरियार आणि पेरारिग्नर अन्ना यांच्या नावाचा वापर करून तमिळनाडूला लुटत आहे.”
विजय यांनी सांगितले की, टीव्हीके 2026 मध्ये होणाऱ्या विधानसभा निवडणुकीत भाग घेणार आहे
आणि ते त्यासाठी आघाडी करण्यास तयार आहेत.
विजय यांच्या या घोषणेनंतर, तमिळनाडूतील पुढील विधानसभा निवडणूक अधिक रोमांचक होणार आहे, असे मानले जात आहे. तमिळनाडूमध्ये आतापर्यंत द्रविड मुनेत्र कळगम (डीएमके) आणि ऑल इंडिया अन्ना द्रविड मुनेत्र कळगम (एआयएडीएमके) यांचे वर्चस्व आहे. भारतीय जनता पक्ष देखील के. अन्नामलाई यांच्या नेतृत्वाखाली राज्यात आपले स्थान प्रस्थापित करण्याचा प्रयत्न करत आहे, पण यावर्षी झालेल्या लोकसभा निवडणुकीत त्यांना एकही जागा मिळू शकली नाही.
#ThalapathyVijay #TVKParty #TamilNaduPolitics #DravidianNationalism #Periyar #TamilPolitics #VijayFans #SouthCinema #PoliticalDebut #TamilNews
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on OCT 29,2024 | 09:25 AM
WebTitle – Thalapathy Vijay’s TVK Party Launch: Key Highlights on Periyar, Dravidian Nationalism & Tamil Politics
