Prophet Muhammad Protest : प्रेषित मोहम्मद यांच्या संदर्भातील वादाच्या पार्श्वभूमीवर देशभरातील अनेक शहरांमध्ये शुक्रवारी हिंसक निदर्शने झाली. आता झारखंडच्या रांचीमधून एक मोठी बातमी समोर आली आहे, ज्यामध्ये येथे हिंसक निदर्शनात दोन जणांचा मृत्यू झाल्याचे सांगण्यात आले आहे. हे दोघेही आंदोलक असून गोळी लागल्याने त्यांचा मृत्यू झाल्याचे सांगण्यात आले. निदर्शनादरम्यान लोकांनी पोलिसांवर दगडफेक केली, त्यानंतर पोलिसांनी केलेल्या प्रत्युत्तरादाखल या दोन आंदोलकांचा मृत्यू झाला.
गोळी लागल्याने मृत्यू झालेल्यांमध्ये एकाचे नाव मोहम्मद शाहिद असल्याची ओळख पटली आहे. त्याचवेळी या हिंसाचारात जखमी झालेले रांचीचे एसएसपीही रुग्णालयात दाखल आहेत. त्यांच्या जागी डीएसपी अंशुमन यांनी आता सूत्रे हाती घेतली आहेत.तसेच 8 जखमी आंदोलकांना रुग्णालयात दाखल करण्यात आल्याचे सांगण्यात येत आहे.
भाजपच्या प्रवक्त्या नुपूर शर्मा यांच्या वक्तव्यावर शुक्रवारी 10 जून रोजी राजधानी रांचीच्या मुख्य रस्त्यावर संतप्त लोकांनी निदर्शने केली. येथे अचानक लोकांचा जमाव जमू लागला आणि निदर्शनाला हिंसक वळण लागले. यानंतर जमावाला पांगवण्यासाठी पोलिसांना हवेत गोळीबार करावा लागला.पोलिसांनी लाठीमार केला तेव्हा जमावाकडून दगडफेक करण्यात आली. दगडफेकीत अनेक पोलीस कर्मचारी जखमी झाले. हवाई गोळीबार करून जमावाला नियंत्रणात आणण्यात आले. यादरम्यान गोळ्या लागल्याची बाब दोन जणांच्या निदर्शनास आली, ज्यांचा आता मृत्यू झाला आहे.
पश्चिम बंगाल: हावडामध्ये हिंसाचार, अनेक भागात कलम 144 लागू, इंटरनेट बंद
पश्चिम बंगालच्या हावडामध्ये पुढील तीन दिवस अनेक भागात कलम 144 लागू करण्यात आले आहे. भाजपच्या प्रवक्त्या नुपूर शर्मा हीच्या अटकेच्या मागणीसाठी हावडाच्या अनेक भागात निदर्शने आणि जाळपोळ झाली. हावडामधील उलुबेरिया, पांचला, डोमजूर येथे कलम 144 लागू करण्यात आले आहे. हावडा जिल्ह्यात शुक्रवारी संध्याकाळी हिंसक निदर्शनांदरम्यान इंटरनेट सेवा बंद करण्यात आली होती.
गृह आणि डोंगरी व्यवहार विभागाने जारी केलेल्या आदेशात सोमवारी सकाळी ६ वाजेपर्यंत इंटरनेट बंद राहणार असल्याचे म्हटले आहे.
मात्र व्हॉईस कॉल आणि एसएमएस सेवा सुरू राहतील, असे आदेशात म्हटले आहे.
बेकायदेशीर कृत्यांबाबत कोणत्याही प्रकारची अफवा पसरू नये म्हणून इंटरनेट सेवा बंद करण्यात आल्याचे आदेशात म्हटले आहे. आदेशानुसार, काही भागातील अलीकडच्या घटना पाहता, अतिरिक्त महासंचालक आणि पोलीस महानिरीक्षक (कायदा व सुव्यवस्था) यांच्याकडून विनंती प्राप्त झाल्यानंतर हा निर्णय घेण्यात आला आहे.
इतर वाचनीय अपडेट्स,लेख/बातम्या
राज्यसभा निवडणूक,आघाडीची मते फुटली – फडणवीसांची स्ट्रेटेजी यशस्वी
नूपुर शर्मा च्या अटकेच्या मागणीवरून हिंसाचार, रांचीमध्ये संचारबंदी
भीमा कोरेगाव चौकशी समितीचे मुख्यमंत्र्यांसह 6 राजकीय पक्षांना समन्स
दलित मुलाशी प्रेम ; पित्याने केली मुलीची हत्या : आई पाहत राहिली
शिवाजी महाराज यांच्यावरील चित्रपट यामुळे पुढे ढकलला – नागराज मंजुळे
Samrat Prithviraj Review : प्रेक्षकांनी टॅक्स फ्री सम्राट पृथ्वीराज का नाकारला?
Samrat Prithviraj Box Office Collection पहिल्याच दिवशी निराशा
शिवाजी महाराज यांच्यावरील चित्रपट यामुळे पुढे ढकलला – नागराज मंजुळे
(आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा)
First Published by Team Jaaglya Bharat on JUNE 11 2022, 10 : 35 AM
WebTitle – Prophet Muhammad Protest: Two killed, several policemen injured in violence
