प्रसिद्ध महाबोधी विहार मध्ये बीएसएपी जवानाच्या बंदुकीतून गोळ्या सूटल्या,जवान मृत्युमुखी

बिहारमधील जगप्रसिद्ध गया येथील महाबोधी विहार येथे शुक्रवारी एक विचित्र घटना घडली. या घटनेत एका सुरक्षा जवानाला जीव गमवावा लागला. मंदिराच्या आवारात जाणारा बीएसएपी जवान घसरला आणि त्याच्या हाताने बंदुकीचा ट्रिगर दाबला गेला हे दुर्दैवच म्हणावे लागेल.कार्बाइनचा ट्रिगर दाबताच एकापाठोपाठ तीन गोळ्या झाडल्या गेल्या, या घटनेत सुरक्षा जवान मृत्युमुखी पडला. त्यामुळे विहार परिसरात गोंधळाचे वातावरण निर्माण झाले होते.

महाबोधी विहार परिसरात गोळीबारानंतर प्रवेश बंदी

गोळीबारामुळे जगप्रसिद्ध महाबोधी विहार परिसरात गोंधळ उडाला. येथे देशी-विदेशी पर्यटकांची गर्दी असते. या घटनेत एक जवान मृत्युमुखी झाल्यानंतर सर्व उपस्थितांना बोधगया येथील महाबोधी विहारातून बाहेर काढण्यात आले.विहार रिकामे केल्याने प्रवेशावर बंदी घालण्यात आली आहे. विहार परिसरात मोठ्या प्रमाणात फौजफाटा तैनात करण्यात आला आहे.विहार परिसर आणि परिसरातील सर्व सीसीटीव्ही फुटेज तपासले जात आहेत.

एकामागून एक गोळ्या सूटल्या

बीएसएपी जवान अमरजित कुमार (43) हे शुक्रवारी दुपारी आपल्या ड्युटीसाठी जात होते. वाटेत निसरड्या जागेतील एका दगडावर त्यांचा पाय घसरला. यादरम्यान त्यांच्या हातातील कार्बाइनचा ट्रिगर दाबला गेला आणि एकापाठोपाठ सलग तीन गोळ्या झाडल्या गेल्या.एक गोळी छातीत घुसली.जवान अमरजित कुमार तिथेच जागेवर बेशुद्ध पडले. आजूबाजूला लोकांचा जमाव जमला. माहिती मिळताच पोलिसांचे पथक घटनास्थळी पोहोचले आणि जखमी जवानाला तातडीने रुग्णालयात नेण्यात आले,मात्र तेथे जवान अमरजित कुमार यांना डॉक्टरांनी मृत घोषित केले.

एफएसएल टीम पुरावे गोळा करणार आहे

एसएचओ रूपेश कुमार सिंह यांनी दिलेल्या माहितीनुसार, जवान अमरजित कुमार यांना तीन गोळ्या लागल्या आहेत. एफएसएलची टीम चौकशीसाठी येत आहे. या प्रकरणाचा तपास सुरू आहे. काही लोकांची चौकशीही केली जात आहे.

@bihar_police @IPRD_Bihar @thegreatkbc #gayapolice #gaya_police_at_your_service pic.twitter.com/LuylFVTO6h
— GAYA POLICE (गया (बिहार) पुलिस ) (@GAYAPOLICEBIHAR) August 25, 2023