नवीदिल्ली : दिल्लीतील महिला कुस्तीपटू आंदोलन हा राष्ट्रीय मुद्दा होऊ लागल्यामुळे आता भाजप ला त्रास होऊ लागला आहे. ज्या आंदोलनावर पक्ष आधी गप्प बसला होता, तेच आता प्रकरण चिघळल्याचेही वाटू लागले आहे.त्यामुळे मनाविरुद्ध का होईना हळूहळू भाजपला यावर बोलावं लागतंय,अन काही पाऊले देखील उचलावी लागत आहेत.
भाजपसाठी अडचणीचे कारण
महिला कुस्तीपटू आंदोलन सुरू झाल्यापासून देशातील बदलत्या वातावरणामुळे भाजपलाही त्रास झाला असून,
हे प्रकरण अधिक चांगल्या पद्धतीने हाताळता आले असते, असे आता भाजप नेत्यांना वाटू लागले आहे.
त्या दिशेने आता पावलं उचलायला सुरुवात झालीय,गृहमंत्री अमित शहा यांनी ज्या प्रकारे कुस्तीपटूंची भेट घेतली,
त्यांना ज्या प्रकारे आश्वासन दिलं, त्यादृष्टीने निश्चितच परिस्थिती सुधारण्याचा प्रयत्न भाजपकडून आता होतो आहे.
आता या प्रयत्नाला कितपत यश येते, हे आताच सांगता येणार नाही, पण हा मुद्दा हळूहळू आंतरराष्ट्रीयही होऊ शकतो हे स्पष्ट आहे.
आणि हे जनआंदोलन स्वरूपात बदलू शकण्याची क्षमता आहे.असे एकूण चित्र निर्माण झाले आहे.
अमेरिका दौरा,प्रधानमंत्री उचलणार मोठे पाऊल?
नरेंद्र मोदींच्या अमेरिका दौऱ्यापूर्वी हे प्रकरण मिटवायला हवे,
किंवा निदान अशा टप्प्यावर तरी आणले पाहिजे की हा मुद्दा थंड केला जाईल.
वाचकांच्या माहितीसाठी, प्रधानमंत्री नरेंदर मोदी हे 21 ते 24 जून दरम्यान अमेरिकेच्या दौऱ्यावर जाणार आहेत.
हा दौरा भारतासाठी खूप महत्त्वाचा आहे, या दौऱ्यात अनेक करार होऊ शकतात,अशी अटकळ आहे.
अशा परिस्थितीत कोणत्याही प्रकारच्या वादापासून दूर राहण्याची गरज आहे. सध्या पक्ष दोन गटात विभागलेला दिसत आहे,
एक ब्रिजभूषण याच्या विरोधात आहे आणि दुसरा अजूनही समर्थनात आहे,
परंतु संपूर्ण पक्षाचं एका गोष्टीवर एकमत आहे – या वादामुळे पक्षाचे मोठे नुकसान झाले आहे,त्यांची प्रतिमा डागाळली आहे.
आमचा जीव धोक्यात आहे, त्यासमोर नोकरी ही फार छोटी गोष्ट – sakshi malik
ज्यांनी आमच्या पदकांची किंमत 15 रुपये असल्याचं म्हटलं ते आता आमच्या नोकरीच्या मागे लागले आहेत.
आमचा जीव धोक्यात आहे, त्यासमोर नोकरी ही फार छोटी गोष्ट आहे.
नोकरी न्यायाच्या मार्गात अडथळा ठरत असेल, तर ती सोडायला दहा सेकंदही लागणार नाहीत. नोकरीची भीती दाखवू नका.
पक्षाने मान्य केले – चूक झाली
द इंडियन एक्स्प्रेसशी बोलताना भाजपच्या चार नेत्यांनी सहमती दर्शवली की परिस्थिती आणखी वाढू दिली नसती तर ती अधिक चांगल्या प्रकारे हाताळता आली असती. भाजपच्या खासदार मनेका गांधी, प्रतिमा मुंडे यांनी आंदोलन करणाऱ्या महिला कुस्तीपटू ना न्याय मिळाला पाहिजे, असे जाहीरपणे म्हटले आहे. तसे, या संपूर्ण वादाला आणखी एक कोन आहे जो पक्षाला आता समजू लागला आहे.
खरे तर हे केवळ महिला कुस्तीपटू यांचेच आंदोलन नसून महिलांचे देखील आंदोलन आहे.2014 पासून भाजप ला महिला मतदारांचा चांगला पाठिंबा मिळाला आहे, उज्ज्वला सारख्या योजनांनी भाजपला खूप लोकप्रिय केले आहे. मात्र दरम्यानच्या काळात या आंदोलनामुळे पक्षाच्या मनात भीती निर्माण झाली आहे. या संदर्भात भाजपच्या एका नेत्याने हा वाद इतक्या टोकाला नेण्याचे कारण नसल्याचे म्हटले आहे. पण हे आंदोलन अचानक इतके बळकट होईल असे वाटले नव्हते हे मान्य करावेच लागेल.हे आंदोलन महिलांच्या प्रश्नांशी जोडलेले आहे.
2024 ची निवडणूक, विरोधक एकत्र, भाजप काय करणार?
दरम्यान, पक्षाने आणखी एक गोष्ट स्वीकारण्यास सुरुवात केली आहे, ती म्हणजे या आंदोलनामुळे विरोधक एकत्र येत आहेत. यापूर्वी शेतकरी आंदोलनात ज्या प्रकारे विरोधी एकजूट दिसून येत होती आणि सरकारवर दबाव होता, आता तीच विरोधी एकजूट या महिला कुस्तीपटू आंदोलन दरम्यान दिसून येत आहे.पक्षाच्या नेत्यांनीही याचा उल्लेख केला आहे, म्हणजे पुढे आव्हाने आहेत, 2024 च्या निवडणुका जवळ आल्या आहेत आणि महिला कुस्तीपटू यांचे आंदोलन अजूनही सुरूच आहे, भाजप पक्ष पुढे काय पावले उचलतो, याकडे सर्वांचे लक्ष असेल.
क्रिकेट बॉल ला स्पर्श केला म्हणून दलित व्यक्तीचा अंगठा कापला, दोघांना अटक
शहीद अक्षय भालेराव हत्या प्रकरण सोशल मिडियात लिहिणाऱ्यांची चौकशी प्रकाश आंबेडकर
रेल्वे अपघात ; 35 पैशांमध्ये 10 लाखांचा रेल्वे प्रवास विमा Train Travel Insurance
8 वर्षीय मुलीवर बलात्कार, 80 वर्षीय पुजारी ला अटक
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा..
First Published by Team Jaaglya Bharat on 07, JUN 2023, 10:48 AM
WebTitle – Women’s Wrestlers agitation against Brij Bhushan BJP accepted its mistake
