सैफ अली खान हल्ला : १००० पानांची चार्जशीट ,आरोपी शरीफुल कडील चाकूचे तुकडे मॅच झाले

09 एप्रिल 2025 | मुंबई: बॉलिवूड अभिनेता सैफ अली खानवर झालेल्या हल्ल्याच्या प्रकरणात मुंबई पोलिसांनी १००० पानांची विस्तृत चार्जशीट कोर्टात सादर केली आहे. वांद्रे पोलिसांनी बांग्लादेशी नागरिक मोहम्मद शरीफुल इस्लाम उर्फ शहजाद याला या प्रकरणात मुख्य आरोपी ठरवले आहे. चार्जशीटमध्ये फॉरेन्सिक अहवाल, फिंगरप्रिंट्स, हल्ल्यात वापरलेल्या हत्यारांचा समावेश करण्यात आला आहे. १६ जानेवारी रात्री सैफ अली खान यांच्या वांद्रे स्थित घरात या हल्ल्यात त्यांना गंभीर जखमा आल्या होत्या.

सैफ अली खान हल्ला शरीफुल शहजाद बांग्लादेशी Saif Ali Khan Attack Case Accused shariful Shahzad Had Hammer - Full 70-Hour Story Revealed — Saif Ali Khan Attack Case Accused shariful Shahzad Had Hammer – Full 70-Hour Story Revealed

सैफ अली खान वर शरीफुल ने कसा केला हल्ला?

पोलिस अधिकाऱ्यांनी चार्जशीटच्या आधारे माहिती देताना सांगितले की, सैफ अली खानवर हल्ला करणारा आरोपी शरिफूल शहजादने आपल्या बॅगमध्ये चाकू, हैकसॉ ब्लेड आणि हातोडा ठेवला होता. चार्जशीटमध्ये हल्ल्यानंतरच्या घटनाक्रमाचे तपशीलवार वर्णन करण्यात आले आहे – आरोपी कसा चोरीच्या हेतूने घरात शिरला, हल्ला केला आणि नंतर दादर-वरळी परिसरात लपून राहिला. फॉरेन्सिक तपासात सैफच्या शरीरात सापडलेला चाकूचा तुकडा आणि आरोपीकडे सापडलेला तुकडा जुळत असल्याचे निष्कर्ष निघाले आहेत.

फॉरेन्सिक पुरावे:

या चार्जशीटमध्ये पोलिसांनी आरोपी शहजादविरुद्ध ठोस पुरावे असल्याचा दावा केला आहे. १००० पानांच्या या दस्तऐवजात फॉरेन्सिक लॅबच्या अहवालाचा उल्लेख आहे.

घटनास्थळी सापडलेला चाकूचा तुकडा, सैफच्या शरीरातील तुकडा आणि आरोपीकडे सापडलेला तिसरा तुकडा असे सर्व तुकडे एकमेकांना मॅच झाल्याचे नमूद केले आहे.

सैफ अली खान वर हल्ला करण्यासाठी शरीफुल ने घरात प्रवेश कसा मिळवला?

वृत्तसंस्था ‘एएनआय’ला दिलेल्या माहितीनुसार, पोलिसांनी आरोपीच्या डाव्या हाताच्या फिंगरप्रिंट अहवालाचाही उल्लेख केला आहे.

चार्जशीटनुसार, आरोपीने मुख्य गेटमधून इमारतीत प्रवेश करण्याचा प्रयत्न केला पण फिंगरप्रिंट लॉकमुळे तो यशस्वी झाला नाही.

त्यानंतर त्याने वायुवीजन नळीच्या मार्गाने पहिल्या मजल्यावर चढत जाऊन सैफच्या अपार्टमेंटमध्ये प्रवेश केला.

१ कोटी रुपयांची मागणी:

‘मिडडे’शी बोलताना पोलिस अधिकाऱ्याने सांगितले, “आरोपी शहजादने बाहेरील शिडी वापरून ८व्या मजल्यावर चढत जाऊन सैफ अली खानच्या फ्लॅटमध्ये प्रवेश केला. त्याच्या बॅगमध्ये चाकू, हैकसॉ ब्लेड आणि हातोडा होता. त्याने केअरटेकर एलियामा फिलिपवर चाकूने हल्ला केला आणि १ कोटी रुपयांची मागणी केली. जेव्हा सैफ ने हा गोंधळाचा आवाज ऐकला आणि नोकरावर हल्ला करताना पाहिले, तेव्हा त्यांनी आरोपीला मागून पकडले.”

आरोपीला माहिती नव्हतं की तो कोणावर हल्ला करतोय

पोलिस अधिकाऱ्याने पुढे स्पष्ट केले की, “आरोपी शरिफूल ला माहिती नव्हते की तो सैफ अली खानवर हल्ला करतोय.

जेव्हा त्याला कळले की त्याने प्रसिद्ध अभिनेत्यावर हल्ला केला आहे, तेव्हा तो घाबरून पळून गेला. त्याचा मूळ हेतू फक्त लूट करणे होता.“

गुन्हानंतरचा फरार

सैफ अली खानवरील हल्ला वांद्रे (पश्चिम) येथील सतगुरू शरण या हाय प्रोफाइल इमारतीत झाला. हल्ला केल्यानंतर शहजाद नॅशनल कॉलेज बस स्टॉपवर गेला जे सैफच्या अपार्टमेंटपासून फक्त ३०० मीटर अंतरावर आहे. तेथे त्याने कपडे बदलले आणि सकाळपर्यंत तेथेच राहिला. नंतर तो वांद्रे तलाव परिसरात गेला जेथे त्याने चाकू आणि हल्ल्याच्या वेळी परिधान केलेले कपडे टाकून दिले.

७० तासांनंतर असा लागला हाती

शहजाद नंतर वांद्रे रेल्वे स्टेशनवर गेला आणि २० मिनिटे फिरल्यानंतर दादरला निघून गेला. सकाळी ८:४५ वाजता दादर पश्चिम स्टेशनवर पोहोचल्यानंतर तो एका छोट्या दुकानातून हेडफोन खरेदी करताना सीसीटीव्हीमध्ये कॅप्चर झाला. त्यानंतर त्याला भुर्जी पाव खाताना पाहिले गेले. पोलिस अधिकाऱ्याने सांगितले, “तो इकरा मोबाईल शॉपमध्ये ५० रुपयांना वायर्ड हेडफोन खरेदी करण्यासाठी गेला होता. शेवटी त्याला ठाणे येथील घोडबंदर परिसरातील मॅंग्रोव्ह जंगलात जिथे तो लपून बसला होता तिथून ७० तासांनंतर पकडण्यात आले.”

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.