मध्यप्रदेश : हिंदू संस्कृतीत कन्यादानाचे एक विशेष महत्त्व असल्याचे म्हटले जाते, मात्र नरसिंगपूर जिल्ह्यात जन्मलेल्या IAS तपस्या परिहार यांनी ही परंपरा मोडीत काढली.त्यांनी त्यांच्या लग्नात वडिलांकडून करण्यात येणारे कन्यादान करून घेतले नाही.तपस्या परिहार यांच्या लग्नाची खूप चर्चा आहे कारण त्यांनी कन्यादान नाकारले.त्यांच्या या निर्णयावर त्यांच्या कुटुंबीयांनीही देखिल त्यांना साथ दिली. तपस्या या नरसिंगपूरमधील करेलीजवळील जोबा या छोट्या गावातील रहिवासी असून त्या 2018 च्या बॅचच्या IAS ऑफिसर आहेत.
मुलीचे दान (कन्यादान) न देताही लग्न करता येते
12 डिसेंबर रोजी पचमढी येथील IFS गरवित गंगवार सोबत त्यांचा विवाह झाला. यावेळी तपस्या म्हणाल्या –
लहानपणापासून मला समाजाच्या या विचारसरणीबद्दल प्रश्न पडला होता.
माझे कन्यादान कोणी कसे करू शकते, तेही माझ्या इच्छेशिवाय. हळुहळू मी माझ्या घरच्यांशी या गोष्टीवर चर्चा केली.
घरच्यांनीही या गोष्टीवर सहमती दर्शवली आणि वराची बाजूही मान्य केली की मुलीचे दान (कन्यादान) न देताही लग्न करता येते.
आपण अशा परंपरा/मान्यता हळूहळू दूर करण्याचा प्रयत्न केला पाहिजे
तपस्या म्हणाlल्या की, जेव्हा दोन कुटुंबे एकत्र येऊन लग्न करतात, तेव्हा लहान-मोठा किंवा उच्च-नीच बघणे योग्य नाही.कुणाचे दान का केले जाते? मी लग्नासाठी तयार झाल्यावर घरच्यांशी चर्चा करून कन्यादानाचा सोहळाही लग्नापासून दूर ठेवला. तपस्याचे वडील विश्वास परिहार म्हणतात की मुलगा आणि मुलगी यात फरक नसावा. दान देऊन मुलींना त्यांचे हक्क आणि संपत्तीपासून वंचित ठेवता येत नाही.
आयएएस अधिकारी तपस्याचे वडील विश्वास परिहार म्हणतात की, कायदा मुलगा आणि मुलगी यांना समान वागणूक देण्याचा प्रयत्न करतो. आपल्या सामाजिक परंपरा चुकीच्या आहेत. आपण मुलीला दान देऊन तिचा हक्क हिरावून घेतो.मुलींच्या बाबतीत दान हा शब्दच मला योग्य वाटत नाही.
दुसरीकडे, तपस्याचे पती IFS गरवित गंगवार हे देखील म्हणतात की लग्नानंतर मुलीनेच पूर्णपणे का बदलले पाहिजे. मग तो भांगेत सिंदूर भरून काढण्याचा विषय असो की मुलगी विवाहित असल्याचे सिद्ध करणारी कोणतीही परंपरा असो. मात्र मुलासाठी हे कधीही लागू होत नाही आणि आपण अशा परंपरा/मान्यता हळूहळू दूर करण्याचा प्रयत्न केला पाहिजे.
आईची इच्छा,सुनेला हेलिकॉप्टर ने घेऊन आला दलित नवरदेव
IMDb वर्षातील सर्वाधिक लोकप्रिय 10 चित्रपटांमध्ये जयभीम ला स्थान
जयभीम चित्रपट:नोंदवला आणखी एक विक्रम आंतरराष्ट्रीय सन्मान
बाबासाहेब चित्रपटात कुठेही नाहीत,तरीही ‘सबकुछ’ जयभीम चित्रपटाच्या निमित्ताने
जय भीम सिनेमा :व्यवस्थेने दिलेल्या यातनांचा वास्तवदर्शी थरारक अनुभव
जागल्याभारत वरील बातम्या/लेख शेअर करून इतर लोकांपर्यंत पोहोचण्यास आम्हाला मदत करा.मित्रांना सांगा.
(वाचकहो..आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा,मित्रांना सांगा)
First Published by Team Jaaglya Bharat on DEC 15, 2021 20:40 PM
WebTitle – I am not the object of donation Tapasya parihar female IAS withheld her own donation
