देवेंद्र फडणवीसांनी यात पडू नये, नाहीतर .. - संजय राऊत यांचा इशारा

महाराष्ट्रात राजकीय उलथापालथ सुरू असतानाच शिवसेना नेते संजय राऊत यांनी बंडखोर आमदार एकनाथ शिंदे (Eknath Shinde) यांना इतरांना मुंबईत परतण्याची 24 तासांची मुदत दिली होती,मात्र एकनाथ शिंदे यांनी आता उशीर झाल्याचे सूचक विधान केले होते,एकनाथ शिंदेंच्या बंडानंतर राज्यात निर्माण झालेल्या परिस्थितीमध्ये अनेक तर्क-वितर्कांना उधाण आलं आहे. एकनाथ शिंदें यांच्यासोबत शिवसेनेचे ४० आमदार आणि इतर काही अपक्ष आमदार गुवाहाटीमध्ये आहेत. असा दावा केला जात आहे.त्यामुळे सरकार दोलायमान स्थितीत असताना मुख्यमंत्री उद्धव ठाकरेंनी शुक्रवारी राज्यातील शिवसेना पदाधिकाऱ्यांशी बोलताना आपण या दबावाला घाबरून कधीही भाजपासोबत हातमिळवणी करणार नाही, असं ठणकावून सांगितलं आहे. या पार्श्वभूमीवर देवेंद्र फडणवीस बैठकांमधून आगामी परिस्थितीत काय पावलं उचलावीत, याविषयी सल्लामसलत करत असल्याबाबत शिवसेना खासदार संजय राऊतांनी खोचक शब्दांत टोला लगावला आहे.देवेंद्र फडणवीसांनी यात पडू नये,नाहीतर.. असा इशारा संजय राऊत यांनी दिला आहे.

देवेंद्र फडणवीसांनी यात पडू नये,नाहीतर ..संजय राऊत

‘मी देवेंद्र फडणवीस यांना एक सल्ला देईल,ते बऱ्याच वर्षांपासून राजकारणात आहे, ते चांगले खेळाडू आहे. तुम्ही यात पडू नका, आधी सकाळी झालं होतं ना. आता संध्याकाळी होईल. तुम्ही या भानगडीमध्ये पडू नका. भाजपने जी काही प्रतिष्ठा कमावली आहे, ती धुळीला मिळवू नये. आमचे राजकीय मतभेद असले तरी चांगले संबंध आहे. त्यामुळे त्यांनी या फंद्यात पडू नये, निवडणुकीमध्ये पाहू या, उगाच तुम्ही फसाल. आम्ही आमचं पाहून घेऊ, असा सल्लावजा टोलाही राऊत यांनी फडणवीस यांना लगावला.

We'll sit together at meeting, discuss party's expansion, and its future. Party is very big, & cannot be hijacked with such ease. It's been made with our blood. Several sacrificed to make it. No one can break it with money- Shiv Sena leader Sanjay Raut @rautsanjay61 pic.twitter.com/1827r8DHtv
— Dynamite News (@DynamiteNews_) June 25, 2022

तसंच ‘राष्ट्रीय कार्यकारणी ही प्रत्येक पक्षासाठी अत्यंत महत्त्वाची आहे. त्याची बैठक आज बोलावली आहे. तिथे चर्चा होईल, पक्षाच्या भविष्य़ आणि विस्ताराबाबत चर्चा होणार आहे. पक्ष हा खूप मोठा आहे. देशात हा पक्ष मोठा आहे. या पक्षाला बनवण्यासाठी आम्ही रक्त आटवले आहे. बाळासाहेब ठाकरे, उद्धव ठाकरे यांनी प्रचंड मेहनत घेऊन हा पक्ष उभा केला आहे. कुणाकडून पैसे घेऊन हा पक्ष उभा राहिलेला नाही. आजच्या बैठकीत चर्चा होणार आहे. कुणी तरी महाशक्ती म्हणवणारा पक्ष आमच्या पाठीमागे नाही. शिवसेना हायजॅक केलेला पक्ष नाही .आज हजारो लाखो शिवसैनिक उद्धव ठाकरे यांच्या पाठिशी आहे. पक्ष एकसंध आहे आणि एकजूट आहे’ असंही राऊत म्हणाले.