गोहत्या बजरंग दल च्या नेत्यासह ६ जणांना अटक.गोरक्षणाच्या नावाखाली आपले राजकारण करणारे वाढवणारे आणि गोरक्षणाचा दावा करणारे गोहत्या, गोहत्या, गो तस्करी, गोवंश हत्या अशा धंद्यात गुंतलेले आढळून आले आहेत. अशा अनेक बातम्या अधून मधून येतच आहेत. असेच एक प्रकरण मुरादाबादमधून उघडकीस आले आहे. येथे बजरंग दल जिल्हा प्रमुख सुमित उर्फ मोनू विश्नोई जो स्वतःला गोरक्षक म्हणवून घ्यायचा तो गोहत्येचा मुख्य आरोपी निघाला आहे. पोलिसांनी दिलेल्या माहितीनुसार, 16 जानेवारी रोजी छजलत पोलीस स्टेशन हद्दीतील कावन पथावर गाय वंशाचे काही अवशेष सापडले होते. तर दुसरी घटना 28 जानेवारी रोजी छजलेट पोलीस ठाण्याच्या चेतराम गावात घडली, जिथे गोहत्या केल्यानंतर गायीचे शव पडलेले आढळले.
गोहत्या बजरंग दल च्या नेत्यासह ६ जणांना अटक
विशेष म्हणजे या दोन्ही गोहत्या प्रकरणाची घटनांची माहिती बजरंग दल संघटनेच्या कार्यकर्त्यांनीच पोलिसांना दिली. त्यानंतर पोलिसांवरच गोहत्येचा खुलासा न करणे आणि आरोपींशी हातमिळवणी केल्याचा आरोप करत बजरंग दलाच्या कार्यकर्त्यांनी मोनू विश्नोई नावाच्या तरुणाच्या नेतृत्वाखाली पोलिस ठाण्याबाहेर आंदोलन केलं,मोनू बिश्नोई हा बजरंग दलाचा जिल्हा प्रमुख असल्याचं सांगितलं जातंय.या हिंदू धर्मीय संघटनेच्या निदर्शनानंतर पोलिसांनी प्रकरणाचे गांभीर्य लक्षात घेऊन तपास सुरू केला.
या प्रकरणाचा उलगडा करण्यासाठी एसएसपी मुरादाबाद यांनी पोलिसांचे पथक तयार केले. तपासात दोन्ही घटना संशयास्पद आढळल्या. त्यानंतर पोलिसांनी ‘ऑपरेशन पॉसिबल’ सुरू केले असून त्याअंतर्गत पोलिसांनी दोन्ही घटनांचा सविस्तर तपास केला. पोलिसांना माहिती देणाऱ्या व्यक्तीची सखोल चौकशी करण्यात आली आणि घटनास्थळी सापडलेले कपडे, पाकीट आणि मोबाईल क्रमांक सर्व्हिलांस च्या मदतीनं शोधून काढलं गेलं. त्यानंतर या घटनेतील एकेक पदर उलगडत गेला आणि धक्कादायक प्रकारच समोर आला.
पोलिसांना आला संशय आणि फिरली चक्रे
एसएसपी हेमराज मीना यांनी सांगितले की, छजलैट पोलिस ठाण्यात एसपी संदीप कुमार मीना यांच्या नेतृत्वाखाली अटक करण्यात आलेले चार आरोपी हे शहाबुद्दीन, गाव चेतरामपूर पोलिस स्टेशन छजलत येथील रहिवासी आहे. रमण चौधरी हा छजलैट पोलीस ठाण्यात तर मुख्य आरोपी मोनू विश्नोई उर्फ सुमित हा रसूलपूर गुजर पोलीस ठाण्यातील कंठचा रहिवासी आहे.तसेच यापैकी राजीव चौधरी हा छाजलट पोलिस स्टेशनचा रहिवासी आहे.एसएसपी म्हणाले की, 16 आणि 28 जानेवारी रोजी छाजलत पोलिस ठाण्यात गोहत्येच्या दोन प्रकरणांची नोंद झाली होती. दोन्ही घटना गुन्हेगारीदृष्ट्या संशयास्पद असल्याचे दिसून आले. घटनेची माहिती व इतर उपक्रमांवरून या घटना नियोजनातून घडवून आणल्या गेल्याचे दिसते.
पहिली माहिती देणाऱ्या व्यक्तीने सांगितले होते की, दहा मिनिटांपूर्वी ते तिथून गेले तेव्हा तेथे कोणतेही अवशेष नव्हते.
तर दुसरी घटना दि.28 रोजी घडली असून, पाहणी केली असता घटनास्थळी एक पाकीट, लोअर व मोबाईल क्रमांक आढळून आला.
पोलिसांनी क्रमांकावर बोलले असता, त्या व्यक्तीचे गावातील शहादुद्दीन आणि जमशेद यांच्याशी जुने वैर असल्याचे समजले.
ज्यामध्ये मुख्य आरोपी मोनू विश्नोई, रमण चौधरी आणि राजीव चौधरी हे विरोधकांना तुरुंगात पाठवण्यासाठी
अनेकदा पोलिसांवर दबाव आणून त्यांची अनैतिक कृत्ये करून घेत होते. या तीन आरोपींचे भूतकाळातील गुन्हेगारी रेकॉर्डही आहेत.
पोलिसांनी मोनूला मारहाण केल्याप्रकरणी तुरुंगात डांबले होते
मोनू विश्नोई याने पोलिस ठाण्याच्या बाहेर मारहाण केली होती, त्यानंतर पोलिसांनी गुन्हा दाखल करून त्याची कारागृहात रवानगी केली होती.
त्यानंतर कारागृहातून बाहेर आल्यानंतर त्यांनी पुन्हा पोलिसांवर आपले काम करून घेण्यासाठी दबाव आणण्यास सुरुवात केली,
मात्र त्यांनी पोलिसांवर अनैतिक काम करण्यासाठी दबाव आणण्यास सुरुवात केली, परंतु पोलिसांनी त्यांचे ऐकले नाही.
त्यामुळे त्यांनी कट रचून प्रथम 14 रोजी घटनेचा कट रचला व नईम नावाच्या आरोपीला दोन हजार रुपये देऊन
गायीचे अवशेष आणण्यास सांगितले.आणि पोलिसांवर दबाव टाकता यावा म्हणून छजलैट च्या पोलीस चौकीत आसपास हे ठेवण्यास सांगितले गेले.
त्यानंतर पुन्हा एकदा हे काम करण्यात आले आणि गायीचे कापलेले तुकडे,अवशेष जंगलात टाकण्यात आले आणि त्यावर शहाबुद्दीन आणि जमशेद यांना त्यांच्या विरोधकांची नावे लिहिण्यास सांगण्यात आले. त्यानंतर हा सीन फिल्मी स्टाईलमध्ये तयार करण्यात आला. गाईचा गळा कापला. ज्या व्यक्तीला अडकवायचे होते त्याचे पाकीट, मोबाईल नंबर आणि खालची रक्कम तिथे ठेवली गेली.सर्व खोटे पुरावे प्लांट केल्यानंतर हे काम करणाऱ्यांनी पोलिसांना कळवले. विमला देवी नावाच्या महिलेच्या घरातून गाय चोरीला गेली होती.याबाबत एसएसपी म्हणाले की, दोन्ही घटना ज्या पद्धतीने घडवून आणल्या आणि ज्या पद्धतीने पोलिसांना माहिती देण्यात आली आणि आरोपींच्या विरोधात पोलिस ठाण्याबाहेर आंदोलन करण्यात आले, त्यावरून ही घटना नियोजनानुसारच घडल्याचे स्पष्ट होते.
आरोपींवर अनेक गुन्हे दाखल आहेत
गोहत्या संदर्भात पोलिसांनी चार आरोपी बजरंग दल च्या मोनू विश्नोई उर्फ सुमित, रमण चौधरी, राजीव चौधरी आणि शहाबुद्दीन यांना अटक केली आहे तर अन्य दोन आरोपी जमशेद आणि नईम अद्याप फरार आहेत.फरार आरोपींना बक्षीस जाहीर करण्यात आले असून उर्वरित आरोपींनाही लवकरच अटक करण्यात येईल. एसएसपी म्हणाले की, अटक करण्यात आलेल्या आरोपींनी घटना केल्याचे मान्य केले आहे. अटक करण्यात आलेल्या तीन आरोपी मोनू विश्नोई, राजीव चौधरी आणि नमन चौधरी यांच्यावर अनेक गंभीर गुन्हे दाखल आहेत. तर शहाबुद्दीनवरही अनेक गुन्हे दाखल आहेत.
‘मंदिर पिकनिक स्पॉट नाही,बिगरहिंदू जाऊ शकत नाहीत, ‘ न्यायालयाचा आदेश Palani Temple
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on FEB 03,2024 | 16:20 PM
WebTitle – Cow Slaughter Bajrang Dal Leader 6 Arrested
