भाजपच्या संसदीय मंडळाच्या बैठकीत प्रधानमंत्री नरेंद्र मोदी यांनी राजकारणातील वाढत्या घराणेशाही परिवारवादावर चिंता व्यक्त केली. पीएम मोदी म्हणाले की, राजकारणात घराणेशाहीचे पक्ष देशाला पोकळ बनवत आहेत. पीएम मोदी म्हणाले की, कुटुंबवादामुळे जातिवाद वाढतो. त्याचवेळी ते म्हणाले, “भाजप खासदारांच्या मुलांना तिकीट मिळाले नाही कारण ते कुटुंबवादात येते. माझ्यामुळे त्याना तिकीट मिळाले नाही.” “त्यासाठी मी जबाबदार आहे.”
संसदीय मंडळाच्या बैठकीत प्रधानमंत्री मोदींनी घराणेशाही ला लोकशाहीचा सर्वात मोठा शत्रू म्हटले. ते म्हणाले की, नुकत्याच झालेल्या निवडणुकांच्या निकालांनी हे स्पष्ट केले आहे की हा परिवारवादाच्या विरोधातला जनादेश आहे. खरं तर, यूपी विधानसभा निवडणुकीदरम्यान भाजप खासदार रिटा बहुगुणा जोशी आणि इतर अनेक नेत्यांनी कुटुंबातील सदस्यांसाठी तिकिटांची मागणी केली होती, त्यामुळे भाजप विरोधकांच्या निशाण्यावर आला होता. मात्र, रिटा बहुगुणा जोशी यांच्या मुलाला पक्षाने तिकीट दिले नाही.
पीएम मोदी म्हणाले की, खासदाराच्या कुटुंबीयांना तिकीट न देणे हे पाप असेल तर भाजपमधील या पापाला मी जबाबदार आहे. अशा लोकांना तिकीट द्यायचे नाही, असे मी ठरवले. मी घराणेशाहीच्या राजकारणाच्या विरोधात आहे.”
जनसत्ता च्या बातमीनुसार 2009 मध्ये भाजपचे 12% खासदार नेत्यांच्या कुटुंबातील होते, आज ती संख्या वाढून 25% खासदार आहेत.
भाजप मधल्या घराणेशाही ची यादी
ज्योतिरादित्य सिंधिया , केंद्रीय मंत्री
सिंधिया हे काँग्रेसचे दिवंगत नेते आणि केंद्रीय मंत्री माधवराव सिंधिया यांचे पुत्र आणि जनसंघ/जनता पक्ष/भाजपचे दिग्गज दिवंगत विजयराजे सिंधिया यांचे नातू आहेत. ते केंद्रीय नागरी विमान वाहतूक मंत्री आहेत. त्यांनी गेल्या वर्षी मार्चमध्ये काँग्रेसविरोधात बंड केले आणि मध्य प्रदेशातील कमलनाथ सरकार पाडून 22 काँग्रेस आमदारांसह भाजपमध्ये प्रवेश केला.
अनुराग ठाकूर, केंद्रीय मंत्री
केंद्रीय माहिती आणि प्रसारण, युवा व्यवहार आणि क्रीडा मंत्री आहेत, ते हिमाचल प्रदेशचे माजी मुख्यमंत्री प्रेम कुमार धुमल यांचे पुत्र आहेत.
पीयूष गोयल, केंद्रीय मंत्री
केंद्रीय मंत्री पीयूष गोयल, हे भाजपचे माजी राष्ट्रीय कोषाध्यक्ष आणि केंद्रीय मंत्री दिवंगत वेदप्रकाश गोयल यांचे पुत्र आहेत.
धर्मेंद्र प्रधान, केंद्रीय मंत्री
प्रधान, केंद्रीय शिक्षण मंत्री आणि कौशल्य विकास आणि उद्योजकता मंत्री, हे अटलबिहारी वाजपेयी सरकारमध्ये मंत्री म्हणून काम केलेले भाजप नेते, देबेंद्र प्रधान यांचे पुत्र आहेत.
किरेन रिजिजू, केंद्रीय मंत्री
किरेन रिजिजू, त्यांना अलीकडेच कायदा आणि न्याय मंत्री बनवण्यात आले आहे आणि ते अरुणाचल प्रदेशचे पहिले प्रो-टेम स्पीकर रिंचिन खारू यांचे पुत्र आहेत.
निर्मला सीतारमण, केंद्रीय मंत्री
निर्मला सीतारामन यांचे पती परकला प्रभाकर काँग्रेससोबत होते आणि आंध्र प्रदेशातील नरसापूरमधून काँग्रेसच्या तिकिटावर विधानसभा निवडणूक लढवून त्यांना विजय मिळवता आला नाही.
पेमा खांडू, मुख्यमंत्री
अरुणाचल प्रदेशचे मुख्यमंत्री आणि राज्याचे माजी मुख्यमंत्री दोरजी खांडू यांचे पुत्र आहेत.
शुभेंदू अधिकारी, पश्चिम बंगाल विधानसभेतील विरोधी पक्षनेते
माजी मंत्री आणि खासदार शिशिर अधिकारी यांचे ते पुत्र आहेत.
पंकज सिंह, आमदार
पंकज सिंह हे उत्तर प्रदेशातील नोएडा येथील आमदार आहेत आणि केंद्रीय संरक्षण मंत्री राजनाथ सिंह यांचे पुत्र आहेत.
विवेक ठाकूर, खासदार
ते पाच वेळा खासदार आणि सुप्रसिद्ध डॉक्टर सी.पी. ठाकूर हे अटलबिहारी वाजपेयी यांच्या काळात केंद्रीय आरोग्य मंत्री होते.
नीरज शेखर, खासदार
माजी पंतप्रधान चंद्रशेखर यांचा मुलगा नीरज हे समाजवादी पक्षाचे राज्यसभेचे खासदार होते, पण त्यांनी भाजपमध्ये प्रवेश केला आणि पुन्हा वरच्या सभागृहाचे सदस्य झाले. जुलै 2019 मध्ये त्यांनी भाजपमध्ये प्रवेश केला.
नबाम रेबिया, खासदार
ते अरुणाचल प्रदेश विधानसभेचे काँग्रेसचे माजी अध्यक्ष होते आणि त्यांचे भाऊ नबाम तुकी मुख्यमंत्री होते. रेबिया जून २०२० मध्ये भाजपच्या तिकीटावर राज्यसभेवर निवडून आले होते.
प्रवेश वर्मा, खासदार
दिल्लीचे माजी मुख्यमंत्री साहिब सिंग वर्मा यांचा मुलगा परवेश वर्मा पश्चिम दिल्ली लोकसभा मतदारसंघातून खासदार आहे.
दुष्यंत सिंग, खासदार
ते राजस्थानमधील झालावाड-बारण येथून लोकसभा सदस्य आहेत आणि राजस्थानच्या माजी मुख्यमंत्री वसुंधरा राजे यांचे पुत्र आहेत.
जयंत सिन्हा, खासदार
ते लोकसभेचे खासदार आणि माजी केंद्रीय मंत्री यशवंत सिन्हा यांचे पुत्र आहेत.
मनेका गांधी , खासदार
काँग्रेस नेते संजय गांधी यांच्या पत्नी,संजय गांधी हे इंदिरा गांधी यांचे पुत्र
वरुण गांधी, खासदार
ते पीलीभीतचे लोकसभा सदस्य तसेच भाजप खासदार मनेका गांधी यांचे पुत्र आहेत.
रिटा बहुगुणा जोशी, खासदार
उत्तर प्रदेशचे माजी मुख्यमंत्री हेमवती नंदन बहुगुणा यांच्या त्या कन्या आहेत.
दिया कुमारी, खासदार
त्यांची आजी महाराणी गायत्रीदेवी या खासदार होत्या.
संगीता सिंग देव, खासदार
त्यांचे पती, कनक वर्धन सिंग देव हे ओडिसा च्या नवीन पटनायक सरकारमध्ये कॅबिनेट मंत्री होते.
बी.वाय राघवेंद्र, खासदार
कर्नाटकचे माजी मुख्यमंत्री बी.एस. येडियुरप्पा यांचा मुलगा.
सनी देओल, खासदार
त्यांचे वडील धर्मेंद्र हे राजस्थानमधून भाजपचे खासदार आहेत.
हिना गावित, खासदार
हिना गावित या नंदुरबार मतदारसंघाच्या खासदार आहेत. त्याच भागातील भाजप आणि राष्ट्रवादी काँग्रेसचे माजी आमदार विजयकुमार गावित यांच्या त्या कन्या आहेत.
पूनम महाजन, खासदार
त्या उत्तर मध्य मुंबईच्या लोकसभा खासदार आणि दिवंगत माजी केंद्रीय मंत्री प्रमोद महाजन यांच्या कन्या आहेत.
प्रीतम मुंडे, खासदार
माजी केंद्रीय मंत्री दिवंगत गोपीनाथ मुंडे यांच्या त्या कन्या आहेत.
पंकजा मुंडे, माजी आमदार
माजी केंद्रीय मंत्री दिवंगत गोपीनाथ मुंडे यांच्या त्या कन्या आहेत.
रक्षा खडसे, खासदार
भाजपमध्ये असताना माजी महसूल मंत्री असणाऱ्या एकनाथ खडसे (सध्या राष्ट्रवादी) यांच्या सून
नितेश राणे , आमदार
नितेश राणे हे केंद्रीय मंत्री नारायण राणे यांचे पुत्र
निलेश राणे,भाजप नेते
निलेश राणे हे केंद्रीय मंत्री नारायण राणे यांचे पुत्र
देवेंद्र फडणवीस, विरोधी पक्षनेते, महाराष्ट्र विधानसभा
देवेंद्र फडणवीस हे गंगाधर फडणवीस यांचे पुत्र आहेत, जे महाराष्ट्र विधान परिषदेचे सदस्य होते. देवेंद्र यांच्या काकू शोभा फडणवीस राज्यमंत्री होत्या.
इतर वाचनीय लेख/अपडेट्स
हिजाब : कोर्टाच्या निर्णयानंतर विद्यार्थिनींचा परीक्षेवर बहिष्कार
श्रीलंका : आशियातील सर्वात प्रसिद्ध हत्ती नंदुगमुवा राजा चं निधन
भगवान बुद्धांचा मृत्यू कोणता पदार्थ सेवन केल्याने झाला? जाणून घ्या..
(आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा)
First Published by Team Jaaglya Bharat on MAR 16, 2022 16: 56 PM
WebTitle – BJP: Dynasty has increased in politics, Prime Minister Narendra Modi is worried
