पुणे 08-12-2025 : कष्टकऱ्यांचे नेते आणि ज्येष्ठ समाजसेवक बाबा आढाव यांचे सोमवार 8 डिसेंबर 2025 रोजी वयाच्या 96 व्या वर्षी निधन झाले. मागील 13 दिवसांपासून त्यांच्यावर पुण्यातील एका खासगी रुग्णालयात उपचार सुरू होते. उपचारादरम्यानच त्यांनी अखेरचा श्वास घेतल्याची माहिती समोर आली आहे.
1 जून 1930 रोजी जन्मलेले बाबा आढाव हे महाराष्ट्रातील समाजवादी आंदोलनाचे महत्त्वाचे व्यक्तिमत्त्व होते.
1970 च्या दशकात त्यांनी पुणे महापालिकेत नगरसेवक म्हणून काम केले.
समाजवादी पक्षाशी त्यांनी दीर्घकाळ निष्ठा ठेवली असून रिक्षा पंचायतीचे नेते म्हणून त्यांनी मोठे योगदान दिले.
बाबा आढाव यांना मागील 10–12 दिवसांपासून पुण्यातील पुना हॉस्पिटलमध्ये दाखल करण्यात आले होते.
हृदयरोगतज्ज्ञ डॉ. अभिजित वैद्य आणि तज्ज्ञ डॉक्टरांच्या देखरेखीखाली त्यांच्यावर उपचार सुरू होते.
प्रकृती गंभीर असल्याने त्यांना आयसीयूमध्ये ठेवण्यात आले होते. अखेर उपचारांना प्रतिसाद न मिळाल्याने आज 8 डिसेंबर 2025 रोजी रात्री 8.25 वाजता त्यांची प्राणज्योत मालवली.
कष्टकरी, मजूर, उपेक्षित आणि भटक्या समुदायांच्या हक्कांसाठी त्यांनी आयुष्यभर लढा दिला. त्यांच्या नेतृत्वाखालील ‘एक गाव – एक पाणवठा’ आंदोलनाने सामाजिक समतेसाठी मोठा बदल घडवून आणला. सामाजिक संघर्षाच्या वाटेवर चालताना 55 वेळा तुरुंगवास भोगण्याचा विक्रमही त्यांच्या नावावर आहे. आणीबाणीच्या काळातही त्यांनी निर्भीड भूमिका घेतली होती.
बाबा आढाव यांच्या निधनाने महाराष्ट्रातील समाजकार्य, कष्टकरी चळवळ आणि मानवतावादी संघर्षाचा एक अखंड दीप विझला असल्याची भावना सर्व स्तरातून व्यक्त होत आहे.
हेही वाचा महत्वाचे —‘साधना’ ची अयशस्वी होळी,दलित पँथर आणि बाबा आढाव
Support Jaaglyabharat.com, – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on DEC 08,2025 | 21:00 PM
WebTitle – Senior social worker Baba Adhav passes away
