धक्कादायक : राजकोट मध्ये विम्याच्या पैशासाठी मुलानेच केली वडिलांची हत्या

राजकोट: इस्रायलमध्ये स्थायिक होण्याची इच्छा आणि पैशाच्या लालसेतून रचलेला एक अत्यंत भीषण कट गुजरातच्या राजकोट जिल्ह्यातील भायवाडर शहरात उघडकीस आला आहे. पोलिसांनी 25 वर्षीय युवकाला अटक केली असून, त्याने आयुष्यविम्याच्या रकमेसाठी मुलानेच स्वतःच्या वडिलांची हत्या करण्याचा कट रचल्याचा आरोप आहे.

पोलिसांनी गुरुवारी रामदे जोग या तरुणाला अटक केली. तपासात समोर आले की, रामदेने आपल्या 39 वर्षीय चुलत भावाला विरम याला हाताशी धरून आपल्या 50 वर्षीय वडिलांचा, काना जोग यांचा खून घडवून आणला. विम्याची रक्कम मिळवून इस्रायलमध्ये जाऊन स्थायिक होण्याचा त्याचा मानस होता.

एक वर्षापासून वडिलांच्या हत्येची योजना आखत होता

तपास अधिकाऱ्यांनाही धक्का बसला, जेव्हा रामदेने कबुली दिली की तो गेल्या एक वर्षापासून वडिलांच्या हत्येची योजना आखत होता. या योजनेचा भाग म्हणून त्याने वडिलांच्या नावावर आयुष्यविमा पॉलिसी काढली होती. वडिलांचा मृत्यू झाल्यास त्याला सुमारे 60 ते 70 लाख रुपयांची विमा रक्कम मिळणार होती, याची त्याला पूर्ण कल्पना होती.

9 डिसेंबर रोजी विरमने केलेला प्राणघातक हल्ला हा 24 तासांतील दुसरा प्रयत्न होता.

याआधीही विरमने आपल्या काकांचा मृत्यू अपघात असल्याचे भासवण्याचा प्रयत्न केला होता. मात्र पोलिसांनी सखोल तपास करत त्याचा खोटेपणा उघड केला.

ढोराजी विभागाच्या सहाय्यक पोलीस अधीक्षक सिमरन भारद्वाज यांनी सांगितले की, पुढील विमा हप्ता भरण्याची तारीख जवळ येत असताना रामदेने विरमला विश्वासात घेतले. वडिलांचा खून केल्यास एक लाख रुपये रोख रक्कम आणि आयुष्यभर मोफत जेवण देण्याचे आमिष त्याने विरमला दाखवले. विरम यासाठी त्वरित तयार झाला.

सहा महिन्यांपूर्वी काना जोग यांनी चार एकर जमीन विकून मिळालेली रक्कम रामदेला दिली होती.

मात्र रामदेने ही रक्कम स्वतःच्या मौजमजेसाठी आणि कर्जफेडीसाठी खर्च केली. यामध्ये एका एसयूव्ही वाहनाची खरेदीही समाविष्ट होती.

अगोदर दिले होते उंदीर मारण्याचे औषध

8 डिसेंबर रोजी रामदेने वडिलांना विषमिश्रित थंड पेय देऊन मारण्याचा निर्णय घेतला.

विरमने उंदरांवर वापरल्या जाणाऱ्या विषाची भुकटी थंड पेयात मिसळून काना यांना दिली.

मात्र काना यांना उलट्या झाल्या आणि ते वाचले. यानंतर रामदेने विरमला कुऱ्हाडीने काम तमाम करण्याचे आदेश दिले.

9 डिसेंबर रोजी विरम आपल्या काकांना शेतावर दारू पिण्याच्या बहाण्याने दुचाकीवर घेऊन गेला.

तेथे त्याने कुऱ्हाडीने काना यांच्या डोक्यावर वार करत त्यांची जागीच हत्या केली.

चौकशीसाठी ताब्यात घेतल्यानंतर गुन्ह्याची कबुली दिली

रामदेच्या सांगण्यावरून विरमने पोलिसांना सांगितले की,

राजपरा–धानक रस्त्यावर दुचाकी घसरून काना यांचा अपघात झाला आणि त्यांना रक्तबंबाळ अवस्थेत शेतावर आणले गेले.

मात्र पोलिसांना हा दावा संशयास्पद वाटला. तपासात संबंधित रस्त्यावर कोणताही अपघात झाल्याचे पुरावे आढळले नाहीत.

त्याच वेळी रामदेची बहीण देवी हिनेही विरमवर संशय व्यक्त केला, कारण काही दिवसांपूर्वी विरम आणि काना यांच्यात पैशांवरून वाद झाला होता.

चौकशीसाठी ताब्यात घेतल्यानंतर विरमने गुन्ह्याची कबुली दिली आणि संपूर्ण कट रामदेने रचल्याचे उघड केले. त्यानंतर पोलिसांनी रामदेलाही अटक केली.

तपास अधिकारी व्ही. सी. परमार यांनी सांगितले की, हत्येसाठी वापरण्यात आलेली कुऱ्हाड पोलिसांनी जप्त केली आहे.

प्राथमिक तपासात असेही समोर आले की, विरमवर 2015 ते 2018 या कालावधीत भायवाडर पोलीस ठाण्यात दारूबंदी कायद्यांतर्गत आठ गुन्हे दाखल होते.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.