चैत्यभूमीवरील अभिवादनातून शिक्षणाचा प्रकाश; ‘एक वही एक पेन’ अभियानातून फॅम चा सामाजिक संदेश अधिक बळकट

फेस ऑफ आंबेडकराईट मुव्हमेंट (फॅम) या सामाजिक संघटनेच्या वतीने दरवर्षी ६ डिसेंबर रोजी चैत्यभूमी, दादर येथे भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त राबवले जाणारे ‘एक वही एक पेन’ अभियान हे केवळ उपक्रम न राहता, शिक्षणाधारित सामाजिक परिवर्तनाची चळवळ म्हणून ओळख निर्माण करत आहे. फॅमकडून हे अभियान गेल्या सलग १२ वर्षांपासून सातत्याने राबवले जात असून, त्यामागील विचारसरणी आणि कृती समाजात सकारात्मक बदल घडवून आणणारी ठरत आहे.

फॅम च्या ‘एक वही एक पेन’ या अभियानाचे स्वरूप अत्यंत साधे, मात्र आशयाने प्रभावी आहे. महामानव डॉ. बाबासाहेब आंबेडकर यांना अभिवादन करण्यासाठी फुले, हार, मेणबत्त्या अशा नाशवंत वस्तू आणण्याऐवजी, त्याच खर्चातून एक वही आणि एक पेन देऊन गरजू विद्यार्थ्यांच्या शिक्षणासाठी हातभार लावावा, असे आवाहन फॅमकडून आंबेडकरी अनुयायांना केले जाते. भावनिक अभिवादनाला सामाजिक जबाबदारीची जोड देणे, हा या उपक्रमाचा केंद्रबिंदू आहे.

एक अभिनव शैक्षणिक उपक्रम

या अभियानातून जमा झालेले शैक्षणिक साहित्य फॅमच्या वतीने होतकरू, हुशार आणि आर्थिकदृष्ट्या गरजू विद्यार्थ्यांना वाटप करण्यात येते.

विशेष म्हणजे, हे वाटप प्रतीकात्मक नसून सामाजिकदृष्ट्या महत्त्वाच्या दिनांशी जोडलेले असते.

दरवर्षी ३ जानेवारी रोजी ज्ञानज्योती सावित्रीमाई फुले यांच्या जयंतीदिनी

आणि १२ जानेवारी रोजी राष्ट्रमाता जिजाऊ यांच्या जयंतीदिनी हे शैक्षणिक साहित्य विद्यार्थ्यांपर्यंत पोहोचवले जाते.

यावर्षी शैक्षणिक साहित्य वाटपाचा कार्यक्रम ३ जानेवारी २०२६ रोजी क्रांतीज्योती सावित्रीमाई फुले यांच्या जयंतीदिनी अहिल्यानगर जिल्ह्यातील पाथर्डी तालुक्यातील नांदूर निंबादैत्य या गावात आयोजित करण्यात आला. या ठिकाणाची निवड केवळ भौगोलिक नव्हे, तर सामाजिक दृष्टीने अत्यंत अर्थपूर्ण होती. कारण या गावात आजिनाथ दहिफळे सर यांच्या मार्गदर्शनाखाली एक अभिनव शैक्षणिक उपक्रम अविरतपणे सुरू आहे.

‘एक वही एक पेन’ अभियानातून फॅम चा सामाजिक संदेश अधिक बळकट one-notebook-one-pen-campaign-fam-education-social-change

नि:स्वार्थ भावनेतून, कोणत्याही मोबदल्याची अपेक्षा न ठेवता विद्यार्थी घडवले जात आहेत

आजिनाथ दहिफळे सर हे केवळ आपल्या गावातीलच नव्हे, तर आसपासच्या सात ते आठ गावांतील ऊसतोड मजूर, शेतमजूर आणि शेतकरी कुटुंबातील विद्यार्थ्यांना गेल्या सात वर्षांपासून शिक्षण देत आहेत. सकाळी आणि संध्याकाळी शाळा संपल्यानंतर रात्रशाळेच्या माध्यमातून हे शिक्षण दिले जाते. विशेष म्हणजे, हा उपक्रम पूर्णतः नि:स्वार्थ भावनेतून, कोणत्याही मोबदल्याची अपेक्षा न ठेवता राबवला जात आहे.

दहिफळे सरांनी सांगितले की, त्यांच्या सातत्यपूर्ण प्रयत्नांमुळे गावातील अनेक विद्यार्थ्यांना केंद्र शासनाच्या विविध शिष्यवृत्ती मिळाल्या आहेत.

हा उपक्रम राबवत असताना अनेक अडचणी, आर्थिक मर्यादा आणि सामाजिक संकटांचा सामना करावा लागला.

मात्र, या सर्व अडथळ्यांवर मात करत त्यांनी आपला संकल्प कधीही सोडला नाही.

विद्यार्थ्यांच्या शिक्षणासाठी सुरू असलेली ही धडपड फॅमच्या कार्यकर्त्यांच्या निदर्शनास आल्यानंतर,

या उपक्रमाशी जोडलेल्या अभ्यासू आणि होतकरू विद्यार्थ्यांना शैक्षणिक साहित्य देण्याचा निर्णय घेण्यात आला.

याच विचारातून फॅमच्या सदस्यांनी नांदूर निंबादैत्य या गावात प्रत्यक्ष भेट देण्याचा निर्णय घेतला.

गावात पोहोचल्यानंतर विद्यार्थ्यांनी आणि स्थानिकांनी अत्यंत प्रसन्न आणि उत्साही वातावरणात फॅमच्या सदस्यांचे स्वागत केले.

ज्ञानज्योती सावित्रीमाई फुले यांच्या जयंतीनिमित्त अभिवादन करून कार्यक्रमाची सुरुवात झाली

आणि संपूर्ण कार्यक्रम अत्यंत सुसंस्कृत, प्रेरणादायी वातावरणात पार पडला.

‘एक वही एक पेन’ अभियानाच्या माध्यमातून अभ्यासू आणि गरजू विद्यार्थ्यांपर्यंत प्रत्यक्ष शैक्षणिक साहित्य पोहोचवण्यात आले.

या उपक्रमामुळे विद्यार्थ्यांच्या चेहऱ्यावर दिसणारा आनंद आणि आत्मविश्वास हा या अभियानाचा खरा यशमापदंड ठरला.

या कार्यक्रमासाठी फॅमचे पुढील सदस्य उपस्थित होते:
सोनल ताकपिरे, मनसुख पवार, धीरज भगत, संतोष कांबळे, कैलास कांबळे, सुशिम कांबळे, सुधीर भालेराव, ऋषी पगारे, मधुकर कांबळे, दिनेश जाधव, मनोज कांबळे, अक्षय जाधव, प्रकाश वालवाटकर, तेजस पवार, हर्षद कांबळे आणि विकी कांबळे.

फॅमच्या या उपक्रमातून बाबासाहेब आंबेडकरांच्या विचारांना केवळ शब्दांत नव्हे, तर कृतीतून पुढे नेण्याचा प्रयत्न स्पष्टपणे दिसून येतो.

सुशिम कांबळे

फॅम सदस्य,आंबेडकरी चळवळ कार्यकर्ते

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

आरएसएस ज्या पद्धतीने गुरुदक्षिणा स्वीकारतो—ना व्यक्ती, ना नोंदणीकृत संघटना—त्याच धर्तीवर, तुम्हीही जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.