नेपाळचे नवे पीएम बालेन शाह? भारताविरोधी टिप्पण्या आणि हिंदी चित्रपटावरील बंदीमुळे चर्चेत

काठमांडू: विद्यार्थ्यांच्या हिंसक प्रदर्शनानंतर नेपाळचे प्रधानमंत्री केपी शर्मा ओली यांनी राजीनामा दिला आहे. मात्र विद्यार्थ्यांचे प्रदर्शन अजूनही सुरू असताना पंतप्रधान केपी शर्मा ओली यांच्या राजीनाम्यानंतर देश कसा चालेल याविषयी अद्याप कोणतीही माहिती उपलब्ध नाही. देश सध्या कोणाच्याच ताब्यात नाही. सोशल मीडियावर घातलेली बंदी आणि भ्रष्टाचाराच्या आरोप यामुळे निर्माण झालेल्या रोषामुळे शाळा-कॉलेजातील विद्यार्थी रस्त्यावर उतरले आहेत. ‘जनरेशन झेड प्रोटेस्ट’ या नावाने ओळखल्या जाणाऱ्या या प्रदर्शनांमुळे केवळ ओली सरकार बरखास्त झाले नाही तर नेपाळची नवीन पिढी पारंपरिक पक्षांकडून आणि जुन्या नेत्यांकडून आता आशा गमावून बसली आहे हेही स्पष्ट झाले आहे.

ओली यांच्या राजीनाम्यानंतर बलेंद्र शाह उर्फ ‘बालेन’ देशाचे नवे पंतप्रधान होऊ शकतात. मात्र बालेन शाह यांनी भारताविषयी अनेक वेळा विरोधी भूमिका घेतली आहे. मात्र त्यांना पूर्णपणे भारतविरोधी असे म्हणता येणार नाही, परंतु अनेक वेळा त्यांनी भारतावर टीका केली आहे. अशा परिस्थितीत जर बालेन शाह खरोखरच पंतप्रधान झाले तर भारताने नेपाळची धोरणे अतिशय सावधगिरीने आखावी लागतील. नवीन सरकारसोबत संवेदनशील पद्धतीने संबंध प्रस्थापित करावे लागतील.

नेपाळ काठमांडूचे महापौर बालेन शाह कोण आहेत?

नेपाळ प्रधानमंत्री केपी शर्मा ओली बालेन शाह Nepal's New PM Balen Shah? Controversial Statements on India and Film Ban Spark Debate — Nepal’s New PM Balen Shah? Controversial Statements on India and Film Ban Spark Debate

बालेन शाह यांनी भूतकाळात काही अशा विधाने दिली आहेत ज्याला भारतावर टीका म्हणून संबोधित केले जाऊ शकते. उदाहरणार्थ, एका वेळी त्यांनी नेपाळ सरकारला ‘भारताचा गुलाम’ असे संबोधले होते. इतकेच नाहीतर त्यांनी हिंदी चित्रपट आदिपुरुष यावर राजधानी काठमांडूमध्ये बंदी घातली होती कारण चित्रपटात सीता माता नेपाळऐवजी भारतातील दाखवल्या गेल्या होत्या. बालेन शाह यांच्या राजकीय कारकिर्दीचा विचार केला तर बालेन शाह यांचा उदय नेपाळच्या राजकारणात कोणत्याही चित्रपट कथेपेक्षा कमी नाही. व्यवसायाने सिव्हिल इंजिनियर आणि ओढीने रॅपर असलेल्या बालेन यांनी नंतर राजकारणात प्रवेश केला. त्यानंतर ते नेपाळची राजधानी काठमांडूचे महापौर निवडून आले आणि ते सतत तरुणांचा आवाज उठवत असतात.

बालेन शाह यांनी केवळ तरुणांच्या समस्यांना मजबूत आवाज दिला नाही तर पारदर्शिता, जबाबदारी आणि प्रामाणिक नेतृत्वाचे वचन देऊन स्वतःची ओळख निर्माण केली. यामुळेच ओली यांच्या राजीनाम्यानंतर सर्वात जास्त चर्चा या नावाची होत आहे की बालेन शाह आता नेपाळचे प्रधानमंत्री होऊ शकतात का?

जनरेशन झेडच्या दृष्टीकोनातून बालेन शाह हे बदलाचे प्रतीक आहेत.

काठमांडूच्या रस्त्यावर उतरलेले तरुण त्यांना त्यांचा आवाज मानतात कारण ते स्वतः त्या डिजिटल पिढीतून आले आहेत

ज्यांनी सोशल मीडिया आणि नागरी चळवळीना शस्त्र म्हणून वापरले आहे.

बालेन शाह देशाचे नेतृत्व करू शकतील का?

प्रदर्शनकारांनी बालेन शाह यांना देशाचे अंतरिम पंतप्रधान म्हणून नियुक्त करण्याची मागणी केली आहे.

परंतु प्रश्न असा आहे की स्थानिक स्तरावर यशस्वी ठरलेले बालेन शाह राष्ट्रीय राजकारणाच्या गुंतागुंतीच्या परिस्थितीला तोंड देऊ शकतील का?

संसदेत पारंपरिक पक्षांचे अजूनही वर्चस्व आहे आणि सत्ता हाती घेण्यासाठी केवळ लोकप्रियता पुरेशी नाही.

नेपाळ काठमांडूचे महापौर बालेन शाह कोण आहेत?रस्त्यावरून लढा देऊन पंतप्रधान होणे सोपे असू शकते, परंतु रस्त्यावरील लोकांच्या अपेक्षा पूर्ण करणे तितकेच अवघड आहे.

बालेन शाह यांचे नेतृत्व भारतासाठी अडचणीचे ठरेल का? तुम्हाला काय वाटते? कमेंट करून कळवा.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.