मुंबई महापालिका निवडणूक: उमेदवारांच्या मालमत्तेत लक्षणीय वाढ, प्रतिज्ञापत्रांतून कोट्यवधींचे चित्र स्पष्ट

मुंबई : उमेदवारांच्या मालमत्तेत लक्षणीय वाढ, प्रतिज्ञापत्रांतून कोट्यवधींचे चित्र स्पष्ट : मुंबई महानगरपालिकेच्या निवडणुकीच्या पार्श्वभूमीवर विविध प्रभागांतील उमेदवारांनी सादर केलेल्या प्रतिज्ञापत्रांमधून धक्कादायक आणि लक्षवेधी बाब समोर आली आहे. दोन निवडणुकांदरम्यान अनेक उमेदवारांच्या मालमत्तेत प्रचंड वाढ झाल्याचे स्पष्ट झाले असून, पहिल्यांदाच निवडणुकीच्या रिंगणात उतरलेल्या काही उमेदवारांकडेही कोट्यवधी रुपयांची मालमत्ता आणि लाखोंच्या आलिशान गाड्या असल्याचे उघड झाले आहे. यामुळे मुंबई महापालिकेची निवडणूक केवळ राजकीय नव्हे तर आर्थिक अंगानेही चर्चेचा विषय ठरत आहे.

उमेदवारांच्या मालमत्तेत लक्षणीय वाढ, प्रतिज्ञापत्रांतून कोट्यवधींचे चित्र स्पष्ट

उत्तर मुंबईतील प्रभाग क्रमांक १ मधून काँग्रेसतर्फे शीतल म्हात्रे निवडणुकीच्या रिंगणात आहेत.

२०१७ मध्ये सादर केलेल्या प्रतिज्ञापत्रानुसार त्यांच्याकडे एकूण १७ लाख २९ हजार रुपयांची मालमत्ता होती.

मात्र सध्याच्या प्रतिज्ञापत्रात त्यांची एकूण मालमत्ता तब्बल ४ कोटी २७ लाख रुपये इतकी असल्याचे नमूद करण्यात आले आहे.

यामध्ये २३ लाखांहून अधिक किमतीचे सोने आणि दागिने यांचा समावेश आहे.

A प्रभाग क्रमांक २ मधून भाजपकडून निवडणूक लढवत असलेल्या तेजस्वी घोसाळकर यांची मालमत्ताही मोठ्या प्रमाणात वाढलेली दिसून येते. त्या यापूर्वी शिवसेनेकडून प्रभाग क्रमांक १ मधून निवडून आल्या होत्या. त्यानंतर पक्षांतर्गत फूटीनंतर त्या शिवसेना (उबाठा) गटात होत्या. निवडणुकीच्या काळात त्यांनी भाजपमध्ये प्रवेश केला. संगणक अनुप्रयोग (Computer Application) विषयातील पदवीधर असलेल्या घोसाळकर यांच्याकडे २०१७ मध्ये २५ लाख ८२ हजार रुपयांची मालमत्ता होती. सध्याच्या प्रतिज्ञापत्रानुसार त्यांची मालमत्ता ५ कोटी १५ लाख रुपये इतकी आहे. यामध्ये ८५ लाख ५२ हजार रुपये किमतीचे सोने आणि दागिने आहेत. तसेच अलीकडेच त्यांनी सुमारे ४० लाख रुपये किमतीची चारचाकी गाडी खरेदी केल्याचा उल्लेखही प्रतिज्ञापत्रात आहे.

B प्रभाग क्रमांक ७ मधून शिवसेना (उबाठा) पक्षाकडून सौरभ घोसाळकर निवडणूक लढवत आहेत. ते बीई सिव्हिल इंजिनिअर असून त्यांच्या नावावर दोन घरे आणि दोन जागा आहेत. त्यांच्या एकूण मालमत्तेची किंमत १० कोटी ३९ लाख रुपये इतकी आहे. सौरभ घोसाळकर यांच्याकडे २२ लाख रुपयांचे दागिने असून त्यांच्या पत्नीच्या नावावर ५२ लाख रुपयांचे दागिने असल्याची नोंद आहे. याशिवाय त्यांनी २०२२ मध्ये सुमारे २९ लाख रुपये किमतीची गाडी खरेदी केली होती.

C प्रभाग क्रमांक ९ मधून भाजपच्या तिकिटावर निवडणूक लढवत असलेले शिवानंद शेट्टी यांचे शिक्षण नववीपर्यंत झाले आहे.

२०१२ च्या निवडणुकीच्या वेळी सादर केलेल्या प्रतिज्ञापत्रानुसार त्यांच्याकडे ५९ लाख ९५ हजार रुपयांची मालमत्ता होती.

सध्याच्या निवडणुकीत सादर केलेल्या प्रतिज्ञापत्रानुसार त्यांची एकूण मालमत्ता ९ कोटी ३८ लाख रुपये इतकी झाली आहे.

त्यांच्याकडे सुमारे ११ लाख रुपयांचे दागिने असून प्रत्येकी चार लाख रुपये किमतीच्या दोन गाड्याही त्यांच्या मालकीच्या आहेत.

D प्रभाग क्रमांक १२ मधून प्रीती चोगले दांडेकर अपक्ष उमेदवार म्हणून निवडणूक लढवत आहेत.

त्या कला शाखेच्या पदवीधर असून २०१७ च्या निवडणुकीतील प्रतिज्ञापत्रानुसार त्यांच्याकडे १ कोटी ८७ लाख रुपयांची मालमत्ता होती.

सध्याच्या प्रतिज्ञापत्रात त्यांची मालमत्ता ११ कोटी ३३ लाख रुपये इतकी झाल्याचे नमूद करण्यात आले आहे.

E प्रभाग क्रमांक १८ मधून शिवसेनेतर्फे संध्या दोशी निवडणूक रिंगणात आहेत. त्या वाणिज्य शाखेच्या पदवीधर असून त्यांच्या मालमत्तेतील वाढ वर्षानुवर्षे सातत्याने झालेली दिसते. २००२ मध्ये त्यांची मालमत्ता ६ लाख १९ हजार रुपये होती. २००७ मध्ये ती १६ लाख ७५ हजार, २०१२ मध्ये १ कोटी ७१ लाख, २०१७ मध्ये ३ कोटी २ लाख इतकी झाली. सध्याच्या प्रतिज्ञापत्रानुसार त्यांची मालमत्ता थेट १९ कोटी २६ लाख रुपयांवर पोहोचली आहे. त्यांच्या नावावर पाच घरे आणि एक दुकान आहे. त्यांच्याकडे ३४ लाखांहून अधिक किमतीचे सोने व दागिने असून त्यांच्या पतीजवळ सुमारे २७ लाख रुपयांचे सोने आणि दागिने असल्याची नोंद आहे.

मालाड पश्चिमेतील प्रभाग क्रमांक ३३ मधून काँग्रेसच्या तिकिटावर कमरजहाँ सिद्दीकी निवडणूक लढवत आहेत. त्या कला शाखेच्या पदवीधर असून २०१२ मध्ये त्यांच्याकडे ६३ लाख ८८ हजार रुपयांची मालमत्ता होती. २०१७ मध्ये ती वाढून सुमारे १ कोटी ९१ लाख रुपये झाली होती. सध्याच्या प्रतिज्ञापत्रानुसार त्यांची मालमत्ता ४ कोटी ७३ लाख रुपये इतकी आहे. त्यांच्याकडे ६७ लाख ५० हजार रुपये किमतीचे सोने व दागिने असून त्यांच्या पतीजवळ सुमारे २८ लाख रुपयांचे सोने व दागिने आहेत.

प्रभाग क्रमांक ३४ मधून काँग्रेसकडून पहिल्यांदाच निवडणूक लढवत असलेले हैदर अस्लम शेख यांच्याकडे व्यवस्थापन अभ्यासक्रमाची पदवी आहे.

पहिल्याच निवडणुकीत त्यांच्या नावावर ११ कोटी ५५ लाख रुपयांची मालमत्ता असल्याचे प्रतिज्ञापत्रातून समोर आले आहे.

याशिवाय सुमारे ३५ लाख रुपये किमतीची गाडीही त्यांच्या मालकीची आहे.

उमेदवारांच्या मालमत्तेत लक्षणीय वाढ, प्रतिज्ञापत्रांतून कोट्यवधींचे चित्र स्पष्ट झाले असून

या सर्व प्रतिज्ञापत्रांमधून मुंबई महापालिका निवडणुकीत उतरलेल्या उमेदवारांची आर्थिक पार्श्वभूमी,

मालमत्तेतील झपाट्याने झालेली वाढ आणि राजकारणातील आर्थिक समीकरणे पुन्हा एकदा ऐरणीवर आली आहेत.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

आरएसएस ज्या पद्धतीने गुरुदक्षिणा स्वीकारतो—ना व्यक्ती, ना नोंदणीकृत संघटना—त्याच धर्तीवर, तुम्हीही जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.