जोगेंद्र कवाडे महाविकास आघाडीत असूनही सत्तेत वाटा नसल्याने खंत

जळगाव : “पीपल्स रिपब्लिकन पार्टी ऑफ इंडिया सत्तेत असूनही नेत्यांना कोणतंही मंत्रिपद देण्यात आलं नाही, याचा आम्हाला राग नाही, मात्र खंत आहे” अशा शब्दात पीआरपीचे राष्ट्रीय अध्यक्ष प्राध्यापक आणि माजी खासदार जोगेंद्र कवाडे (Jogendra Kawade) यांनी नाराजी व्यक्त केली. शिवसेना-राष्ट्रवादीने मित्रपक्षांचा सन्मान केला, मंत्रीपदे दिली तसा आम्हाला सत्तेत वाटा का नाही? असा सवाल जोगेंद्र कवाडे यांनी काँग्रेसला विचारला आहे.

राज्यात महाविकास आघाडी सरकारमध्ये पीआरपी देखिल सहभागी आहे. (Jogendra Kawade on Congress Maha Vikas Aghadi) मात्र त्यांना कोणतेही मंत्रिपद देण्यात आलेले नाही.

काय म्हणाले कवाडे?

“महाविकास आघाडी सरकारचं आम्ही स्वागत केलं. काँग्रेससोबत आमची आघाडी असल्यामुळे पर्यायाने आम्ही महाविकास आघाडीचे घटकपक्ष आहोत. पण सत्तेत जो वाटा मिळाला पाहिजे, तो मिळत नाही.शिवसेना,राष्ट्रवादी,यांनी मित्रपक्षांना सत्तेत वाटा दिला,आम्हालाही अपेक्षा होती,आम्ही वारंवार काँग्रेस प्रदेशाध्यक्ष बाळासाहेब थोरात यांच्याशी चर्चा केली. योग्य सन्मान मिळण्याची आमची अपेक्षा होती आणि तसं अभिवचनही आम्हाला मिळालं होतं. विधानपरिषदेवर नियुक्त केलेल्या आमदारांमध्ये आम्हाला वाटा मिळेल असं वाटत होतं.” असं जोगेंद्र कवाडे म्हणाले.

“राग नाही, मात्र खंत”

राग नाही मात्र खंत जरूर आहे असं कवाडे यांनी म्हटलं आहे. “सत्तेमध्ये असलेल्या राष्ट्रवादी काँग्रेसने मित्रपक्षांना सोबत घेऊन त्यांचा वाटा दिला आहे. स्वाभिमानी शेतकरी संघटनेचे अध्यक्ष राजू शेट्टी यांना पद दिले आहे. शिवसेनेने प्रहार जनशक्ती पक्षाचे अध्यक्ष आणि अपक्ष आमदार बच्चू कडू यांना मंत्रिपद दिले, अहमदनगरचे नेते शंकरराव गडाख यांना मंत्रिपद दिले, तसे काँग्रेसकडून अद्यापही पीपल्स रिपब्लिकन पार्टी ऑफ इंडियाच्या नेत्यांना कोणतेही मंत्रिपद देण्यात आले नाही. याचा आम्हाला राग नाही, मात्र खंत असल्याचे प्रा. जोगेंद्र कवाडे भुसावळमधील एका खासगी कार्यक्रमात बोलताना म्हणाले.

प्रा. जोगेंद्र कवाडे यांची ही मुलाखत आपण खालील टीव्ही9 च्या यूट्यूब चॅनेलवर पाहू शकाल.

https://www.tv9marathi.com/politics/jogendra-kawade-on-congress-maha-vikas-aghadi-349764.html

कोरेगांव भीमा जयस्तंभ अभिवादन संदर्भात शासनाचे परिपत्रक

जागल्याभारत वरील बातम्या/लेख  शेअर करून इतर लोकांपर्यंत पोहोचण्यास आम्हाला मदत करा.मित्रांना सांगा.

(वाचकहो..आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा,मित्रांना सांगा)