गुजरात: गुजरातचे पाटीदार समाजाचे नेते आणि काँग्रेसच्या गुजरात युनिटचे माजी कार्याध्यक्ष हार्दिक पटेल 2 जून रोजी भारतीय जनता पक्षात प्रवेश करणार आहेत. एएनआय या वृत्तसंस्थेशी बोलताना त्यांनी याची पुष्टी केली. अलीकडेच त्यांनी काँग्रेस पक्षाचा राजीनामा दिला होता आणि तेव्हापासून ते भाजप मध्ये प्रवेश करणार असल्याची जोरदार चर्चा होती.विशेष म्हणजे पाटीदार आंदोलनादरम्यान हार्दिक पटेलने तर गृहमंत्री अमित शहा यांना जनरल डायर म्हणून टीका केली होती.
काँग्रेस सोडल्यानंतर हार्दिक पटेल यांनी पक्षावर निशाणा साधण्यास सुरुवात केली. काँग्रेस हिंदूंच्या भावना दुखावत असून काँग्रेसने राम मंदिराला विरोध केला होता.अशी टीका हार्दिक पटेल यांनी केलीय.त्यांनी ट्विट केले आणि लिहिले, “मी यापूर्वीही म्हटले होते की काँग्रेस पक्ष लोकांच्या भावना दुखावण्याचे काम करते. हिंदू धर्माच्या श्रद्धेला नेहमीच हानी पोहोचवण्याचा प्रयत्न करा. आज माजी केंद्रीय मंत्री आणि गुजरात काँग्रेसच्या नेत्याने राम मंदिराच्या विटांवर कुत्रे लघवी करतात असे विधान केले.
राम मंदिराला विरोध करणाऱ्या काँग्रेसवरही हार्दिक पटेल यांनी निशाणा साधला. त्यांनी ट्विट करून लिहिले की,
“मला काँग्रेस आणि त्यांच्या नेत्यांना विचारायचे आहे की, तुमची प्रभू श्रीरामाशी कोणती वैर आहे? हिंदूंचा इतका द्वेष का? शतकानुशतके अयोध्येत भगवान श्रीरामाचे मंदिरही बांधले जात आहे, तरीही काँग्रेसचे नेते भगवान श्रीरामाच्या विरोधात वक्तव्ये करत आहेत.
हार्दिक पटेलने 2015 मध्ये पाटीदार आंदोलनाचे नेतृत्व केले होते.
पाटीदार आंदोलन हे गुजरातमध्ये सरकारी नोकऱ्यांमध्ये आणि इतरत्र ओबीसी दर्जा मिळावा यासाठी
पाटीदार समाजाने हे आंदोलन चालवले होते.2017 च्या विधानसभा निवडणुकीत या आंदोलनामुळे भाजपचेही नुकसान झाले आणि जागाही कमी झाल्या.
2015 ते 2018 या कालावधीत हार्दिक पटेल विरोधात किमान 30 एफआयआर नोंदवण्यात आल्या आहेत. यापैकी 2015 मध्ये 7 गुन्हे दाखल करण्यात आले होते, ज्यामध्ये पाटीदार समाजाच्या, सरकारी नोकऱ्या आणि शिक्षणासाठी कोट्याची मागणी, गुजरातमधील आंदोलनादरम्यान झालेल्या दंगली, देशद्रोह अशा अनेक प्रकरणात हार्दिक पटेलवर गुन्हे दाखल करण्यात आले आहेत. त्याचवेळी, हार्दिक पटेलच्या म्हणण्यानुसार सध्या त्याच्यावर 23 खटले सुरू आहेत.
हार्दिक पटेल भाजप चे अमित शहाना जनरल डायर म्हटले होते
हार्दिक पटेलवर सध्या न्यायालयात 11 खटले सुरू असून, त्यात तो न्यायालयीन कारवाईला सामोरे जात आहे. दोन खटले देशद्रोहाशी संबंधित आहेत. उर्वरित प्रकरणे एकतर राज्याने मागे घेतली आहेत किंवा गुजरात उच्च न्यायालयाने फेटाळून लावली आहेत किंवा कोणतीही कार्यवाही सुरू केलेली नाही.
आंदोलनादरम्यान हार्दिक पटेल भाजपचे तत्कालीन अध्यक्ष अमित शहा यांना जनरल डायर म्हटले होते. काही दिवसांपूर्वी एबीपी न्यूजला मुलाखत देताना हार्दिकनेही हे मान्य केले होते. तेव्हा अमित शहा गृहमंत्री नसून पक्षाचे अध्यक्ष असल्याचे त्यानं स्पष्ट केलं. हार्दिक पटेल च्या म्हणण्यानुसार, गृहमंत्री झाल्यानंतर जेव्हा त्यांनी CAA, कलम 370 बाबत निर्णय घेतला तेव्हा माझे ह्रदय परिवर्तन झाले.
(आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा)
इतर वाचनीय लेख/अपडेट्स सुद्धा पहा
हनुमान जन्मस्थळ वाद ; पुजारी महंत भिडले ; हातातला माईक उगारला
मुस्लिम धर्मीय शेख जफर बनले चैतन्य सिंह राजपूत,राजपूतांचा विरोध
First Published by Team Jaaglya Bharat on MAY 31, 2022 20:05 PM
WebTitle – Hardik Patel joins BJP; once called Amit Shah General Dyer
