अहमदाबाद १७-११-२०२५ – डॉक्टर म्हणजे रुग्णांसाठी आधार. डॉक्टर जे सांगतात त्यावर लोक विश्वासाने उपचार घेतात. पण या विश्वासाचा गैरफायदा काही डॉक्टर घेत आहेत, हे गुजरातमधील एका मोठ्या घोटाळ्यातून समोर आले आहे. आरोग्य विभागालाही हादरवणारा प्रकार जामनगरच्या एका सुपर स्पेशालिटी हॉस्पिटलमध्ये उघड झाला असून, संशयास्पद पद्धतीने निरोगी लोकांवर हार्ट सर्जरी आणि स्टेंट बसवण्याचे धक्कादायक प्रकरण समोर आले आहे.
जामनगरमधील जेसीसी हार्ट इन्स्टिट्यूटमध्ये गेल्या दीड वर्षात तब्बल 800 हृदय शस्त्रक्रिया केल्याची नोंद आरोग्य विभागाला मिळाली. या सर्व शस्त्रक्रियांचे एकूण बिल 6 कोटी रुपये दाखवून प्रधानमंत्री जन आरोग्य योजनेअंतर्गत पैसे लाटले गेले. इतक्या मोठ्या संख्येने ऑपरेशन्स अन बिलाची रक्कम पाहून संशय निर्माण झाला आणि तपास सुरू करण्यात आला.
रुग्णांना कोणतीही हार्ट समस्या नव्हती
आरोग्य विभागाच्या प्राथमिक तपासातच धक्कादायक माहिती समोर आली. तब्बल 105 जणांना स्टेंट बसवण्यात आले होते, आणि त्यापैकी सर्वजण पूर्णपणे निरोगी होते. त्यांना कोणतीही हार्टची समस्या नव्हती. तरीही डॉक्टर पार्श्व वोरा यांनी त्यांच्यावर अनावश्यक शस्त्रक्रिया हार्ट सर्जरी केल्याचा आरोप आहे.
तपासानुसार, प्रधानमंत्री जन आरोग्य योजनेचे पैसे हडप करण्यासाठी हा संपूर्ण घोटाळा रचला गेला. रुग्णालयातील इतर संचालक किंवा भागीदारांना याबद्दल माहिती होऊ नये म्हणून आयुष्मान कार्ड लाभार्थ्यांची नोंदणी आणि ऑनलाइन प्रक्रिया डॉक्टरने स्वतःकडेच ठेवली होती. तसेच तपासात हेही समोर आले की काही औषध कंपन्या रुग्ण पाठवल्याबद्दल डॉक्टरांना सुमारे 20% कमिशन देत होत्या.
फक्त सहा लाख रुपये दंड
मीडिया रिपोर्टनुसार, या प्रकारानंतर जेसीसी हार्ट इन्स्टिट्यूटला प्रधानमंत्री जन आरोग्य योजनेतून वगळण्यात आले आहे
आणि 6 लाख रुपयांचा दंडही ठोठावण्यात आला. संबंधित डॉक्टरलाही निलंबित केल्याची माहिती समोर आली आहे.
गुजरातमध्ये असा प्रकार पहिल्यांदाच घडलेला नाही.
याआधी अहमदाबादच्या ख्याती रुग्णालयातही आयुष्मान योजनेतील मोठा गैरव्यवहार उघड झाला होता.
तिथे 19 लोकांची जबरदस्ती अँजिओग्राफी करण्यात आली होती. त्यापैकी 7 जणांवर अँजिओप्लास्टी करण्यात आली, ज्यात 2 जणांचा मृत्यू झाला आणि 5 रुग्ण आयसीयूमध्ये गेले.
हा संपूर्ण प्रकार आरोग्य व्यवस्था आणि सरकारी योजनांच्या गैरवापराकडे गंभीरपणे लक्ष वेधतो.
रुग्णांच्या जीवाशी केलेला हा प्रकार अत्यंत गंभीर असून पुढील तपास सुरू आहे.
Support Jaaglyabharat.com, – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on NOV 17,2025 | 16:50 PM
WebTitle – gujarat-hospital-heart-surgery-scam-800-fake-operations
