शेतकऱ्याला कर्जफेडीसाठी किडनी विकावी लागली

चंद्रपूर १७-१२-२०२५ : महाराष्ट्रातील चंद्रपूर जिल्ह्यातील एक धक्कादायक आणि माणुसकीला काळिमा फासणारी घटना समोर आली आहे. रोशन सदाशिव कुडे या शेतकऱ्याला सावकारांच्या कर्जातून सुटका मिळवण्यासाठी थेट आपली किडनी विकण्यास भाग पाडण्यात आले.

रोशनकडे चार एकर शेती होती, त्यावर त्याच्या कुटुंबाचा उदरनिर्वाह चालत होता. शेतीत तोटा झाल्यानंतर उत्पन्नाचा पर्यायी मार्ग म्हणून त्यांनी दुग्धव्यवसाय सुरू करण्यासाठी सावकारांकडून एक लाख रुपयांचे कर्ज घेतले. मात्र दुर्दैवाने व्यवसाय सुरू होताच जनावरे दगावली आणि परिस्थिती आणखी गंभीर झाली. त्यातच पीकही हातचे गेले.

रोशन सदाशिव कुडे शेतकऱ्याला कर्ज फेडसाठी किडनी विकावी लागली chandrapur farmer kideny roshan sadashiv kude

शेतकऱ्याला कर्जफेडीसाठी किडनी विकावी लागली

यानंतर सावकारांनी एक लाख रुपयांवर दररोज दहा हजार रुपयांप्रमाणे व्याज आकारण्यास सुरुवात केली. कर्ज फेडण्यासाठी रोशनने दोन एकर जमीन विकली, ट्रॅक्टर विकला, घरातील मौल्यवान वस्तू विकल्या, तरीही कर्ज कमी झाले नाही. उलट मूळ एक लाख रुपयांचे कर्ज वाढत जाऊन तब्बल 74 लाख रुपयांपर्यंत पोहोचले.

कर्ज फेडण्यासाठी रोशनने दुचाकी, ट्रॅक्टर तसेच साडेतीन एकर शेती विकली; तरीही व्याजाचा बोजा कमी झाला नाही.

अखेर आर्थिक कोंडीत सापडलेल्या रोशनला आपली किडनी विकण्याची वेळ आली.

सर्व काही विकूनही कर्ज फिटत नसल्याने एका सावकाराने रोशनला किडनी विकण्याचा सल्ला दिला. एजंटच्या माध्यमातून त्याला आधी कोलकाता येथे नेण्यात आले, तेथे वैद्यकीय तपासणी करण्यात आली. त्यानंतर त्याला कंबोडियाला नेऊन शस्त्रक्रियेद्वारे किडनी काढण्यात आली. ही किडनी आठ लाख रुपयांना विकली गेली. ही घटना शेतकऱ्यांची आर्थिक कोंडी, सावकारशाही आणि प्रशासनाच्या अपयशाचे भयावह वास्तव समोर आणते.

या प्रकरणात ब्रह्मपुरी पोलीस ठाण्यात सहा जणांविरुद्ध भादंवि कलम 120-ब, 326, 342, 294, 387, 506, 34 तसेच महाराष्ट्र सावकारी (विनियमन) अधिनियम 2014 मधील कलम 39 व 44 अंतर्गत मंगळवारी रात्री 7 वाजता गुन्हा दाखल करण्यात आला असून आरोपींना अटक करण्यात आली आहे.

“शेतकऱ्याचा आसूड“ महात्मा जोतीराव फुले

या घटनेमुळे “शेतकऱ्याचा आसूड“ हे महात्मा जोतीराव फुले यांनी लिहिलेले 1881 साली प्रकाशित झालेले अत्यंत महत्त्वाचे पुस्तक आठवले

सदर पुस्तकातून फुले यांनी शेतकऱ्यांच्या दयनीय अवस्थेवर, शोषणावर आणि अन्यायावर तीव्र प्रहार केला आहे.

या ग्रंथात इंग्रज सरकारच्या करप्रणाली त्यांनी कठोर टीका केली आहे. सावकारशाही, जमीनदारांचे शोषण,

अज्ञानात ठेवलेली शेतकरी जनता आणि शिक्षणाचा अभाव यांवर कठोर टीका करण्यात आली आहे.

शेतकरी मेहनत करतो, पण त्याच्या श्रमाचे फळ मात्र इतरच लुटतात, हे फुले यांनी ठामपणे मांडले आहे.

शेतकऱ्याचा आसूड“ हे केवळ पुस्तक नसून, शोषित शेतकऱ्यांसाठीचा इशाराचा घंटानाद आणि परिवर्तनाचा दस्तऐवज आहे.

आजही शेतकऱ्यांच्या प्रश्नांवर विचार करताना हा ग्रंथ तितकाच महत्त्वाचा आणि मार्गदर्शक ठरतो.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.