बार्टी आणि सी-डॅक यांच्या सहकार्याने अनुसूचित जातीच्या युवकांसाठी पीजी सर्टिफिकेट कौशल्य विकास कार्यक्रम

पुणे 26-12-2025: डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे ही महाराष्ट्र शासनाच्या सामाजिक न्याय व विशेष सहाय्य विभागाची स्वायत्त संस्था असून, बार्टीच्या माध्यमातून महाराष्ट्रातील अनुसूचित जाती प्रवर्गातील युवक व युवतींसाठी पीजी सर्टिफिकेट प्रोग्रॅम २०२६ अंतर्गत कौशल्य विकासासाठी विशेष प्रायोजकत्व जाहीर करण्यात आले आहे.हा उपक्रम सेंटर फॉर डेव्हलपमेंट ऑफ अ‍ॅडव्हान्स्ड कम्प्युटिंग (सी-डॅक), पुणे येथील अ‍ॅडव्हान्स्ड कम्प्युटिंग ट्रेनिंग स्कूल (ACTS) यांच्या सहकार्याने राबविण्यात येणार आहे.

या योजनेअंतर्गत फेब्रुवारी २०२६ पासून सुरू होणाऱ्या पीजी सर्टिफिकेट प्रोग्रॅममध्ये प्रवेश घेतलेल्या पात्र

आणि यशस्वी उमेदवारांचे केवळ अभ्यासक्रम शुल्क बार्टीकडून प्रायोजित करण्यात येणार आहे.

या प्रायोजकत्वाचा लाभ घेण्यासाठी उमेदवारांनी सी-डॅकच्या अधिकृत समुपदेशन प्रक्रियेद्वारे नेमून दिलेल्या केंद्रावर प्रवेश घेणे आवश्यक आहे.

बार्टी च्या या योजनेसाठी पात्र होण्यासाठी उमेदवारांनी सी-डॅक च्या कॉमन अ‍ॅडमिशन टेस्ट

बार्टी च्या या योजनेसाठी पात्र होण्यासाठी उमेदवारांनी सी-डॅक च्या कॉमन अ‍ॅडमिशन टेस्ट (C-CAT) साठी अर्ज करून ती परीक्षा दिलेली असणे आवश्यक आहे.तसेच परीक्षेत आवश्यक गुणक्रमांक म्हणजेच रँक प्राप्त केलेला असावा. समुपदेशनाच्या फेऱ्यांमधून कोणत्याही केंद्रावर पीजी सर्टिफिकेट अभ्यासक्रमासाठी जागा मिळालेली असावी. याशिवाय उमेदवारांनी स्वतंत्रपणे बार्टीच्या प्रायोजकत्व योजनेसाठी अर्ज करणे बंधनकारक आहे.

या उपक्रमाबाबत माहिती देताना बार्टीच्या अधिकाऱ्यांनी सांगितले की, आधुनिक तंत्रज्ञान, उद्योग क्षेत्रातील बदलत्या गरजा

आणि वाढत्या रोजगाराच्या संधी लक्षात घेऊन हा कार्यक्रम राबविण्यात येत आहे.

या प्रशिक्षणामुळे अनुसूचित जातीतील युवक-युवती सक्षम, स्वावलंबी आणि स्पर्धात्मक बनण्यास मदत होणार आहे.

तसेच वंचित घटकांना मुख्य प्रवाहात आणण्याचे महत्त्वपूर्ण कार्य या उपक्रमातून साध्य होणार आहे.

बार्टीचे महासंचालक श्री. सुनील वारे (IRAS) यांनी दिलेल्या माहितीनुसार, सामाजिक न्याय व विशेष सहाय्य विभागाचे प्रधान सचिव डॉ. हर्षदीप कांबळे (IAS) यांच्या मार्गदर्शनाखाली हा कौशल्य विकास आणि उद्योजकता विकास कार्यक्रम प्रभावीपणे राबविला जात आहे. सामाजिक समावेशन वाढविणे आणि युवक-युवतींना व्यावसायिक कौशल्ये आत्मसात करण्यासाठी प्रेरित करणे हा या उपक्रमाचा मुख्य उद्देश असल्याचे त्यांनी स्पष्ट केले.

बार्टी आणि सी-डॅक यांच्या सहकार्याने अनुसूचित जातीच्या युवकांसाठी पीजी सर्टिफिकेट कौशल्य विकास कार्यक्रम BARTI and CDAC Launch PG Certificate Skill Development Program for SC Youth in Maharashtra — BARTI and CDAC Launch PG Certificate Skill Development Program for SC Youth in Maharashtra 2

कौशल्य विकास विभागाचे प्रमुख आणि उपजिल्हाधिकारी श्री. अनिल कारंडे यांनी सांगितले की,

राज्यातील सर्व ३६ जिल्ह्यांमध्ये अनुसूचित जातीच्या उमेदवारांसाठी रोजगाराभिमुख आणि स्वयंरोजगाराभिमुख प्रशिक्षण प्रक्रिया सुरू आहे.

या प्रशिक्षण कार्यक्रमांतर्गत महाराष्ट्रातील विविध प्रशिक्षण केंद्रांमध्ये एकूण १२ पेक्षा अधिक पीजी सर्टिफिकेट अभ्यासक्रमांसाठी अर्ज मागविण्यात आले आहेत.

उद्योगाभिमुख आणि प्रगत कौशल्ये देणाऱ्या या अभ्यासक्रमांमुळे युवक-युवतींच्या रोजगाराच्या संधी वाढणार असून आर्थिक स्वावलंबनाला चालना मिळणार आहे.

पीजी सर्टिफिकेट प्रोग्रॅम २०२६ अंतर्गत अ‍ॅडव्हान्स्ड कम्प्युटिंग, बिग डेटा अ‍ॅनालिटिक्स, एम्बेडेड सिस्टिम्स डिझाइन, आर्टिफिशियल इंटेलिजन्स, व्हीएलएसआय डिझाइन, रोबोटिक्स आणि संबंधित तंत्रज्ञान, फिनटेक व ब्लॉकचेन डेव्हलपमेंट तसेच सायबर सिक्युरिटी आणि फॉरेन्सिक्स असे विविध अभ्यासक्रम उपलब्ध आहेत. प्रत्येक अभ्यासक्रमाचा कालावधी एकूण १२०० तासांचा असून सुमारे सहा महिन्यांचा आहे.

सी-कॅट प्रवेश परीक्षेसाठी ऑनलाईन नोंदणी आणि अर्ज करण्याची अंतिम तारीख २९ डिसेंबर २०२५ आहे. अधिक माहितीसाठी उमेदवारांनी

acts.cdac.in आणि www.barti.in या संकेतस्थळांना भेट द्यावी.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

आरएसएस ज्या पद्धतीने गुरुदक्षिणा स्वीकारतो—ना व्यक्ती, ना नोंदणीकृत संघटना—त्याच धर्तीवर, तुम्हीही जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.