उत्तरप्रदेश : मुख्याध्यापकांच्या जाचाला कंटाळून विद्यार्थिनीची आत्महत्या : बॅगेत मोबाईल सापडला, पाऊण तास कार्यालयाबाहेर उभं केलं.आझमगडमध्ये मुख्याध्यापकांच्या शिक्षेमुळे त्रस्त झालेल्या विद्यार्थिनीने शाळेच्या तिसऱ्या मजल्यावरून उडी मारून आपले जीवन संपवले. मुख्याध्यापक आणि वर्गशिक्षकाविरुद्ध खुनाचा गुन्हा दाखल केल्यानंतर पोलिसांनी शाळेत लावलेले सीसीटीव्ही तपासले. पोलिसांनी सांगितले की, सीसीटीव्ही फुटेजमध्ये हा विद्यार्थी थेट मुख्याध्यापकांच्या खोलीतून वर जाताना दिसत आहे.सोमवारी आझमगढमधील चिल्ड्रन गर्ल्स स्कूलमधील ११वीची विद्यार्थिनी तिसऱ्या मजल्यावरून खाली पडली. त्यामुळे विद्यार्थ्याचा मृत्यू झाला. फॉरेन्सिक अहवालात विद्यार्थिनीच्या डोक्याला मार लागल्याने मृत्यू झाल्याचे कारण समोर आले आहे. याप्रकरणी मुख्याध्यापक आणि वर्गशिक्षकाविरुद्ध खुनाचा गुन्हा दाखल करण्यात आला आहे. त्यांनंतर मंगळवारी नातेवाईकांनी मुलीवर अंत्यसंस्कार केले.
मुख्याध्यापकांच्या जाचाला कंटाळून विद्यार्थिनीची आत्महत्या : बॅगेत मोबाईल सापडला, पाऊण तास कार्यालयाबाहेर उभं केलं. रुद्री रोड येथे राहणारी (नाव बदललं आहे) रिया तिवारी (17) ही सिधरी पोलीस स्टेशन हद्दीतील चिल्ड्रन गर्ल्स कॉलेजमध्ये इयत्ता 11 वीत शिकत होती. तिने सोमवारी शाळेच्या तिसऱ्या मजल्यावरून उडी मारून जीवनयात्रा संपवली. वडिलांच्या तक्रारीवरून पोलिसांनी मुख्याध्यापक आणि वर्गशिक्षकाविरुद्ध खुनाचा गुन्हा नोंदवला होता. या घटनेच्या तपासासाठी एसपी अनुराग आर्य यांनी सीओ सिटी गौरव शर्मा यांच्या नेतृत्वाखाली एक टीम तयार केली.
मुख्याध्यापीका म्हणाल्या – मोबाईल सापडल्यामुळे ओरडले होते
याप्रकरणी पोलिसांनी मुख्याध्यापिका सोनम मिश्रा आणि वर्ग शिक्षक अभिषेक राय यांना अटक केली आहे. चौकशी केली असता मुख्याध्यापक व वर्गशिक्षकाने दिशाभूल करण्याचा प्रयत्न केला. मात्र पोलिसांनी कडक उलटतपासणी केल्यावर मुख्याध्यापकांनी सगळा प्रकार सांगितला.मुख्याध्यापिका म्हणाल्या की, “31 जुलै रोजी शाळेतील विद्यार्थिनीच्या बॅगेत मोबाईल आढळून आला. वर्गशिक्षिकेने विद्यार्थिनीला मोबाईल जमा करण्यास सांगितले. तिने नकार दिला.याबद्दल वर्ग शिक्षकाने चेंबरमध्ये येऊन मला हे सांगितले. मी विद्यार्थिनीला 12 वाजता बोलवून घेतलं आणि फोन जमा करून टेबलवर ठेवला.
मुख्याध्यापिका सोनम मिश्रा पुढे म्हणाल्या की, “त्यानंतर शिक्षा म्हणून तिला ऑफिसबाहेर उभे केले होते. दुपारी 1.15 पर्यंत उभे केले. नंतर फोन आणू नकोस,असे बजावले होते. आणि वर्गात जाण्यास सांगितले. त्यानंतर ती शाळेच्या वरच्या मजल्यावर जाऊ लागली. मला वाटले की ती एखाद्या मैत्रिणीला भेटायला चालली आहे म्हणून मी तिला थांबवलं नाही,मात्र,तिने वर जाऊन तिसऱ्या मजल्यावरून उडी मारली.”
मुख्याध्यापकांनी पाण्याने रक्त स्वच्छ केले
एसपी अनुराग आर्य यांनी सांगितले की, विद्यार्थ्याच्या कुटुंबीयांच्या तक्रारीवरून
शाळेचे मुख्याध्यापक आणि शिक्षकांना ताब्यात घेण्यात आले आहे.
यासोबतच शाळेत लावलेले सीसीटीव्ही आणि डीव्हीआरही जप्त करण्यात आला आहे.
यामध्ये 31 जुलै रोजी विद्यार्थीनी 12 वाजता मुख्याध्यापकांच्या ऑफिसमध्ये जाताना दिसते.
यानंतर 1.15 पर्यंत ती बाहेर उभी राहिली असल्याचे दिसते..
नंतर ती वरच्या मजल्यावर पायऱ्यांवरू जाताना दिसते.त्यानंतर तिने तिथून उडी मारली.
एसपी म्हणाले, बेन्झाडाइन चाचणीत विद्यार्थीनी ज्या ठिकाणी छतावरून खाली पडली त्या ठिकाणी रक्त सांडल्याचे आढळून आले.
त्यावर मुख्याध्यापकांनी पाणी टाकून स्वच्छता केली. विद्यार्थिनीचा फोन मुख्याध्यापकांकडून जप्त करण्यात आला आहे.
प्रोफेशनल समुपदेशनाऐवजी छळ केला
एसपी म्हणाले की, शाळेच्या मुख्याध्यापक आणि शिक्षकांनी विद्यार्थिनीसोबत प्रोफेशनल समुपदेशन केले नाही.
त्याचा मानसिक छळ केला. यामुळे त्रासलेल्या विद्यार्थीनीने उडी मारली.
शाळेतील इतर कर्मचारी आणि विद्यार्थ्यांचे जबाब नोंदवण्यात येत असल्याचे त्यांनी सांगितले.जेणेकरून आरोपींना कठोर शिक्षा होईल.
याप्रकरणी कलम 306 आणि 201 अंतर्गत गुन्हा दाखल करण्यात आला आहे.
न्यायालयीन कोठडीसाठी पाठवण्यात येत आहे.
खाजगी शिक्षण संस्थाचालक बचावासाठी पुढे आले
अकरावीच्या विद्यार्थिनीने कथित आत्महत्येप्रकरणी आझमगढमधील एका खाजगी शाळेच्या मुख्याध्यापिका आणि वर्गशिक्षकाला अटक केल्याच्या निषेधार्थ मंगळवारी यूपीमधील सर्व खाजगी शाळा (सीबीएसई, आयसीएसई आणि यूपी बोर्ड) बंद राहतील.असा निर्णय घेण्यात आला आहे.शनिवारी विनाअनुदानित खाजगी शाळा संघटना (UPSA) आणि खाजगी शाळांच्या संघटनेच्या बैठकीत हा निर्णय घेण्यात आला.
“हिंदी चे गुलाम बनणार नाही”: तामिळनाडूचे मुख्यमंत्री एमके स्टॅलिन यांची अमित शहा वर टीका
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on AUG 04,2023 | 16:36 PM
WebTitle – Azamgarh Student commits suicide after getting tired of principal’s harassment
