अल्पवयीन मुलगी बलात्कार प्रकरणी भाजप आमदाराविरोधात अटक वॉरंट

उत्तर प्रदेशातील सोनभद्र जिल्ह्यातील एका न्यायालयाने आठ वर्षे जुन्या बलात्कार प्रकरणात अल्पवयीन मुलीला धमकावून तिच्यावर बलात्कार केल्याच्या प्रकरणातील आरोपी भारतीय जनता पक्षाच्या आमदाराविरुद्ध अटक वॉरंट जारी केले आहे. याप्रकरणी दुधी विधानसभा मतदारसंघातील भाजप आमदार रामदुलार यांच्यावर अल्पवयीन मुलीला धमकावून बलात्कार केल्याचा आरोप आहे.

बलात्कार प्रकरणी भाजप आमदाराविरोधात अटक वॉरंट

सोनभद्रचे अतिरिक्त सत्र न्यायाधीश राहुल मिश्रा यांनी गुरुवारी त्याच्याविरुद्ध अटक वॉरंट जारी केले. या प्रकरणी रामदुलार यांना न्यायालयात हजर राहण्यासाठी अनेकवेळा समन्स पाठवण्यात आले मात्र ते न्यायालयात हजर झाले नाहीत. न्यायालयाने आपल्या आदेशात म्हटले आहे की, अमला रामदुलारला अटक करून 23 जानेवारीला न्यायालयात हजर करावे.

या खटल्यातील सरकारी वकील सत्य प्रकाश त्रिपाठी यांनी पीटीआय या वृत्तसंस्थेला सांगितले की, ४ नोव्हेंबर २०१४ रोजी मयरपूर भागातील एका व्यक्तीने पोलिसांकडे तक्रार दाखल केली होती की रामदुलारने त्याच्या अल्पवयीन बहिणीला धमकी देऊन बलात्कार केला होता. या प्रकरणी पोलिसांनी तपास करून आरोपपत्रही दाखल केले होते.

सत्यप्रकाश त्रिपाठी यांनी सांगितले की, या प्रकरणी न्यायालयाने त्यांना अनेकदा न्यायालयात हजर राहण्यासाठी समन्स पाठवले होते, परंतु प्रकृतीचे कारण सांगून रामदुलार नेहमी हजर राहण्यापासून पळ काढत होता.तारखांना न्यायालयात हजर न राहिल्याने अटक वॉरंट जारी करण्यात आले आहे. सोनभद्र एसपी यांना दुधीचे आमदार रामदुलार गौर यांना अटक करून 23 जानेवारी रोजी न्यायालयात हजर करण्याचे आदेश देण्यात आले आहेत.

दुसऱ्या एका प्रकरणात- भारतीय ऑलिम्पिक संघटनेने लैंगिक छळ प्रकरणी

सात सदस्यीय चौकशी समिती स्थापन केल्याची माहिती समोर आलीय.

भारतीय ऑलिम्पिक संघटनेने कुस्ती महासंघाचे अध्यक्ष आणि भाजप नेते ब्रिजभूषण शरण सिंग यांच्याविरुद्ध

महिला कुस्तीपटूंच्या लैंगिक छळाच्या प्रकरणाची चौकशी करण्यासाठी सात सदस्यीय समिती स्थापन केली आहे.

या समितीत मेरी कोम, डोला बॅनर्जी, अलकनंदा अशोक, योगेश्वर दत्त, सहदेव यादव आणि दोन वकिलांची नियुक्ती करण्यात आली आहे.

भारतीय ऑलिम्पिक संघटनेने या समितीची माहिती दिली आहे.

मी ला भारत मुस्लिम राष्ट्र बनवायचंय,म्हणून बंदी -केंद्र

भारतातील मुस्लिमांना घाबरण्याची गरज नाही – मोहन भागवत

आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा)

जागल्याभारत वर माफक दरात जाहिरात देण्यासाठी संपर्क करा