केंद्रीय अर्थमंत्री निर्मला सीतारमण यांनी सादर केलेल्या अर्थसंकल्पात मध्यमवर्गीय आणि नोकरदारांसाठी मोठी सुट्टी जाहीर केली आहे. नवीन करसुधारणांनुसार, 12 लाख रुपयांपर्यंत वार्षिक उत्पन्न असलेल्या व्यक्तींना आयकर भरावा लागणार नाही. यामुळे प्रत्येक वर्षी 80 हजार रुपये वाचतील, तर 25 लाख रुपये कमावणाऱ्यांना 10 हजार रुपयांचा फायदा होईल.
नवीन करसुधारणा: तपशीलवार माहिती
नव्या करप्रणालीत खालीलप्रमाणे करस्लॅब ठरवण्यात आले आहेत:
| क्र. | आयकर स्लॅब (रुपये) | कर दर (%) |
|---|---|---|
| १ | ० – ४,००,००० | ०% |
| २ | ४,००,००१ – ८,००,००० | ५% |
| ३ | ८,००,००१ – १२,००,००० | १०% |
| ४ | १२,००,००१ – १५,००,००० | १५% |
| ५ | १५,००,००१ – २०,००,००० | २०% |
| ६ | २०,००,००१ – २४,००,००० | २५% |
| ७ | २४,००,००० पेक्षा अधिक | ३०% |
ज्येष्ठ नागरिकांसाठी सवलतींचा खजिना
नवीन करसुधारणा नुसार ज्येष्ठ नागरिकांसाठी व्याजावरील करमुक्त मर्यादा 50 हजारांवरून 1 लाख रुपयांपर्यंत वाढवण्यात आली आहे. तसेच, आयकर रिटर्न दाखल करण्याची मुदत 2 वर्षांवरून 4 वर्षांपर्यंत वाढवली गेली आहे.
जुनी vs नवीन कररचना: तुलनात्मक विश्लेषण
नवीन कररचना (2023 पासून)
| क्र. | आयकर स्लॅब (रुपये) | कर दर (%) |
|---|---|---|
| १ | ० – ३,००,००० | ०% |
| २ | ३,००,००१ – ७,००,००० | ५%* |
| ३ | ७,००,००१ – १०,००,००० | १०% |
| ४ | १०,००,००१ – १२,००,००० | १५% |
| ५ | १२,००,००१ – १५,००,००० | २०% |
| ६ | १५,००,००० पेक्षा अधिक | ३०% |
| ७ लाख रुपयांपर्यंत कमावणाऱ्यांना २५,००० रुपये रिबेट; शुद्ध कर शून्य. |
जुनी कररचना
६० वर्षांखालील:
| क्र. | आयकर स्लॅब (रुपये) | कर दर (%) |
|---|---|---|
| १ | ० – २,५०,००० | ०% |
| २ | २,५०,००१ – ५,००,००० | ५% |
| ३ | ५,००,००१ – १०,००,००० | २०% |
| ४ | १०,००,००० पेक्षा अधिक | ३०% |
६०-८० वर्षे वयोगटातील:
| क्र. | आयकर स्लॅब (रुपये) | कर दर (%) |
|---|---|---|
| १ | ० – ३,००,००० | ०% |
| २ | ३,००,००१ – ५,००,००० | ५% |
| ३ | ५,००,००१ – १०,००,००० | २०% |
| ४ | १०,००,००० पेक्षा अधिक | ३०% |
८०+ वर्षे वयोगटातील:
| क्र. | आयकर स्लॅब (रुपये) | कर दर (%) |
|---|---|---|
| १ | ० – ५,००,००० | ०% |
| २ | ५,००,००१ – १०,००,००० | २०% |
| ३ | १०,००,००० पेक्षा अधिक | ३०% |
शेतकरी आणि लघुउद्योजकांसाठी धोरणात्मक पाऊल
- किसान क्रेडिट कार्ड (KCC): कर्जमर्यादा ३ लाखांवरून ५ लाख रुपयांपर्यंत वाढवली.
- मखाना बोर्ड: बिहारमध्ये स्थापन करण्यात येईल, लहान शेतकऱ्यांना फायदा.
- MSME क्षेत्र: कर्ज हमी रक्कम ५ कोटीवरून १० कोटी रुपयांपर्यंत.
महागाईवर नियंत्रण आणि सवलतींचा ठसा
- स्वस्त होणार: मोबाइल, एलईडी टीव्ही, कपडे, लिथियम बॅटरी, इलेक्ट्रिक वाहने.
- चामड्याची उत्पादने: आयात शुल्क रद्द, किमतीत घट.
- LPG सिलेंडर: कमर्शियल सिलेंडरच्या किमतीत घट.
या सर्व सुधारणांमुळे मध्यमवर्ग, शेतकरी आणि लघु उद्योजकांना आर्थिक सुट मिळणार आहे. अधिकृत माहितीसाठी आयकर विभागाच्या अधिकृत सूचनांची वाट पहा!
समजून घेऊ या, १२ लाखांवर मुक्त आहे का?
“१२ लाखांपर्यंत उत्पन्न करमुक्त” असं जाहीर झालं, असलं तरी १०% टॅक्स का कापला जातो? हा प्रश्न अनेकांच्या मनात आहे. चला, सोपं गणित समजून घेऊ!
जुनी पद्धत vs नवी पद्धत:
- पूर्वी: ७ लाखांपर्यंत उत्पन्न करमुक्त होतं, पण २५,००० रुपये कर भरावा लागत असे. मात्र, सेक्शन ८७ च्या जोराने हा कर परत मिळायचा (रिबेट). म्हणजे, ७ लाखांवर २५ हजार कर कापला, पण तो परत मिळाल्यामुळे निव्वळ उत्पन्न करमुक्त!
- आता: हीच मर्यादा ७ लाखांऐवजी १२ लाख झाली आहे. याचा अर्थ, १२ लाखांपर्यंत उत्पन्न असलेल्यांवर १०% कर आकारला जातो (म्हणजे १,२०,००० रुपये). पण… इथेच गम्मत आहे!
रिबेटचा जादू:
- १२ लाखांवर १०% कर म्हणजे १,२०,००० रुपये. पण, सेक्शन ८७ नुसार तुम्हाला १ लाख २० हजार रुपये पर्यंत रिबेट मिळते! म्हणजे, टॅक्स डिपार्टमेंट तुमच्या केलेल्या करपेमेंटमधील ही रक्कम परत देते. त्यामुळे, निव्वळ उत्पन्न करमुक्तच राहातं!
स्टँडर्ड डिडक्शनचा फायदा
- नोकरीधंदा करणाऱ्यांसाठी ७५,००० रुपये स्टँडर्ड डिडक्शन अतिरिक्त मिळतं. म्हणजे, एकूण उत्पन्न १२.७५ लाख (१२ लाख + ०.७५ लाख) होईपर्यंत करमुक्त राहू शकतात!
- हा फायदा फक्त सॅलरीड व्यक्तींनाच मिळतो. भांडवली नफा, व्यवसाय इत्यादीतून मिळणाऱ्या उत्पन्नावर ही सवलत लागू होत नाही.
- जुन्या करप्रणालीत LIC, पीएफ, हाऊसिंग लोनसारखे डिडक्शन्स (सेक्शन 80C) वापरता येत. पण नव्या पद्धतीत हे बदलले आहे. येथे रिबेट थेट मिळतो, गुंतवणुकीची अट नाही!
एक उदाहरण
समजा, तुमचं वार्षिक उत्पन्न १२ लाख आहे.
- कर = १२ लाख x १०% = १,२०,००० रुपये
- पण, रिबेट म्हणून १,२०,००० रुपये परत मिळतील.
- त्यामुळे, निव्वळ कर = शून्य!
म्हणजेच, “१०% कर” फक्त कागदोपत्री दिसेल, पण प्रत्यक्षात तुमच्या पाकिटात काहीही कपात होणार नाही! ही सवलत सरकारने नोकरदारांसाठी केलेली सुधारणा आहे. हो,पण जर तुम्ही नोकरदार असून व्यवसाय सुद्धा असेल तर मात्र ही सवलत तुम्हाला मिळणार नाही.
तरीही, टॅक्स प्लानिंग करताना कोणती पद्धत फायद्याची आहे, ते एकदा सीए च्या सल्ल्याने तपासून घ्या! 😊
थोडक्यात: “कर आकारला जातो, पण रिबेटमुळे परत मिळतो. त्यामुळे १२ लाखांपर्यंत उत्पन्न खरं तर करमुक्त आहे !”
लेख आवडला तर तुमच्यामित्रांसोबत नक्की शेअर करा.
Support Jaaglyabharat.com, – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on FEB 01,2024 | 17:24 PM
WebTitle – new-tax-regime-marathi-budget-2025-income-tax-reforms
#Budget2023 #TaxReforms #MarathiNews #IncomeTaxSlab #FarmersRelief
