4 जानेवारी 2025 | नवी दिल्ली: चीनमधील नवीन व्हायरस : चीनमध्ये सध्या ह्यूमन मेटाप्न्युमोव्हायरस (HMPV) मुळे लोकांमध्ये भीतीचं वातावरण आहे. हा व्हायरस लोकांमध्ये झपाट्याने पसरत आहे, ज्यामुळे चीनमधील रुग्णालयांमध्ये बऱ्याच लोकांना जीव गमवावा लागत आहे. अनेक मीडिया रिपोर्ट्समध्ये असा दावा केला जात आहे की, चीनमध्ये सध्या 5 वर्षांपूर्वी कोरोनाच्या काळात जसे हालात होते, तसेच परिस्थिती निर्माण होत आहे. कोरोनाबद्दल असा दावा केला जातो की, तो चीनमधील वुहान येथील एका प्रयोगशाळेतून पसरला होता आणि त्यानंतर संपूर्ण जगाला त्याने ग्रासले होते. आता लोकांच्या मनात प्रश्न आहे की, HMPV व्हायरस चीनमधून भारतासह संपूर्ण जगभर पसरू शकतो का?

यावर भारताचे आरोग्य मंत्रालय म्हणते की, सध्या भारतीयांनी काळजी करण्याची गरज नाही. सरकार चीनमधील परिस्थितीवर बारीक लक्ष ठेवून आहे.

चीनमधील नवीन व्हायरस चीनने HMPV बाबत काय सांगितले?

चीनच्या परराष्ट्र मंत्रालयाच्या प्रवक्त्या माओ निंग यांनी शुक्रवारी सांगितले की,
“हिवाळ्यात श्वसनसंस्थेशी संबंधित संसर्ग पीकवर असतो. मी तुम्हाला खात्री देऊ शकते की, चीन सरकार, चीनमधील नागरिक आणि चीनला भेट देणाऱ्या परदेशी नागरिकांच्या आरोग्याची काळजी घेत आहे. चीनमध्ये प्रवास करणे सुरक्षित आहे, येथे कोणताही मोठा धोका नाही.”

भारताला काळजी करण्याची गरज आहे का?

चीनमध्ये ह्यूमन मेटाप्न्युमोव्हायरस (HMPV) च्या संसर्गामुळे होणाऱ्या आजारांमध्ये वाढ झाल्याच्या वृत्तांच्या पार्श्वभूमीवर,

भारताचे आरोग्य मंत्रालय म्हणते की, सरकार परिस्थितीवर लक्ष ठेवून आहे. सध्या व्हायरसच्या संक्रमणाचा वेग जास्त नाही.

तज्ज्ञांच्या मते, HMPV हा इतर कोणत्याही सामान्य व्हायरससारखाच आहे, जो मुख्यतः सर्दी आणि खोकल्यास कारणीभूत ठरतो. हा व्हायरस लहान मुलं, वृद्ध, आणि कमकुवत रोगप्रतिकारक शक्ती असलेल्या लोकांवर जास्त परिणाम करतो. यामुळे फ्लूसारखी लक्षणं दिसून येतात. जर भविष्यात रुग्णसंख्या वाढली, तर भारत अशा परिस्थितीला सामोरे जाण्यासाठी सज्ज आहे.

चीनमधील नवीन व्हायरस HMPV कसा पसरतो? आपण यापासून कसे वाचू शकतो?

HMPV मुख्यतः खोकल्यामुळे किंवा शिंकण्यामुळे एका व्यक्तीकडून दुसऱ्यापर्यंत पसरतो.

याशिवाय, संक्रमित व्यक्तीला स्पर्श केल्याने किंवा हात मिळवल्यानेही हा व्हायरस झपाट्याने पसरतो.संक्रमित झाल्यानंतर 5 दिवसांत लक्षणं दिसू लागतात.

तज्ज्ञ सांगतात की, हा व्हायरस नेहमीच अस्तित्वात होता, परंतु हिवाळ्यात तो जास्त सक्रिय होतो आणि लोकांमध्ये वेगाने पसरतो. त्यामुळे घाबरण्याची गरज नाही, परंतु काळजी घेणे अत्यंत महत्त्वाचे आहे.

चीनमधील नवीन व्हायरस HMPV साठी काही खबरदारी

घराबाहेर पडताना मास्क घाला, कारण हा व्हायरस खोकल्याद्वारे पसरतो.
संक्रमित व्यक्तीशी हात मिळवू नका आणि घरात आल्यानंतर हात स्वच्छ धुवा.
डॉक्टरांच्या सल्ल्याशिवाय कोणतीही औषधं घेऊ नका.
गर्दीच्या ठिकाणी जाणं टाळा, कारण अशा ठिकाणी संसर्गाचा धोका अधिक असतो.
सध्या HMPV साठी कोणतीही लस उपलब्ध नाही.

चीनमध्ये व्हायरसचा प्रभाव

विशेष बाब म्हणजे कोविड-19 महामारीच्या 5 वर्षांनंतर, चीनमध्ये पुन्हा एकदा परिस्थिती गंभीर होत असल्याचे दिसून येत आहे. रिपोर्ट्स आणि सोशल मीडियावरील पोस्ट्सनुसार, चीनमधील रुग्णालयांमध्ये मोठी गर्दी आहे. रुग्णालयांबाहेर मोठ्या संख्येने लोक रांगा लावत आहेत.

असा दावा केला जात आहे की, चीनच्या स्मशानभूमींमध्येही मृतदेहांमध्ये वाढ झाली आहे, ज्याचा संबंध चीनमधील नवीन व्हायरस HMPV व्हायरसच्या प्रकोपाशी जोडला जात आहे.मात्र, टाइम्स ऑफ इंडियाने दिलेल्या वृत्तानुसार या दाव्यासंदर्भात समर्थन करणारे इतर कोणतेही पुरावे उपलब्ध नाहीत.

याशिवाय चीनच्या आरोग्य अधिकारी किंवा जागतिक आरोग्य संघटना ‘डब्ल्यूएचओ’ने कोणतेही अधिकृत विधान जारी केलेलं नाही.

ह्यूमन मेटाप्न्युमोव्हायरस म्हणजे काय?

ह्यूमन मेटाप्न्युमोव्हायरस (HMPV) हा असा व्हायरस आहे, जो मुख्यतः सर्दी-जुकामासारखी लक्षणं निर्माण करतो. लहान मुलं, वृद्ध व्यक्ती, आणि कमकुवत रोगप्रतिकारक शक्ती असलेले लोक याला लवकर बळी पडतात.

या व्हायरसमुळे रुग्णांना खोकला, ताप, नाक बंद होणे, अशा समस्या होतात. गंभीर परिस्थितीत, रुग्णांना निमोनिया आणि ब्रॉन्किओलायटिससारख्या आजारांचा सामना करावा लागतो, ज्यामुळे त्यांच्या तब्येतीत जलद बिघाड होतो.

प्रसिद्ध डॉक्टर कफील खान यांनी याबाबत महत्वाचा व्हिडिओ करून माहिती दिली आहे की,मानवी मेटा न्यूमो व्हायरसपासून घाबरू नका
हा नवीन विषाणू नाही (2001 मध्ये शोधला गेला) किंवा तो घातकही नाही.

ह्यूमन मेटा न्यूमो वायरस से घबराने का नहीं
ये कोई नया वायरस नहीं है ( 2001 में खोज हुई ) और ना ही जानलेवा है
For full video plz subscribe my @YouTube
👇🏼https://t.co/s6RRFogqnp #humanmetapneumovirus #hmpvvirus
Human MetaPneumo Virus ( HMPV ) discovered in 2001 .
In 2016 it… pic.twitter.com/HwTd83rBaI
— Dr Kafeel Khan (@drkafeelkhan) January 3, 2025

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.