वाल्मिक कराड ने सरेंडर केल्याची निव्वळ अफवा, बातमी फेटाळली

30 डिसेंबर 2024 :बीड | बीड जिल्ह्यातील मस्साजोगचे सरपंच संतोष देशमुख यांच्या हत्येच्या तपासात सीआयडीच्या नऊ टीम कार्यरत असून, आतापर्यंत चार आरोपींना अटक करण्यात आली आहे. मात्र, संशयित मास्टरमाईंड वाल्मिक कराड अद्याप फरार आहे.वाल्मिक कराड सरेंडर करणार असल्याची चर्चा सोशल मिडियात दोन दिवसांपासून सुरू होती.आणि काल त्याने पुण्यात सरेंडर केल्याच्या बातम्या मोठ्या प्रमाणात पसरल्या होत्या.

सरेंडरच्या अफवेवर स्पष्टीकरण

रविवारी रात्री उशिरा वाल्मिक कराड ने पुण्यात सरेंडर केल्याच्या बातम्या पसरल्या. मात्र, या वृत्तावर सीआयडीचे एडीजी प्रशांत बुरुड यांनी प्रतिक्रिया देत स्पष्ट केलं की, वाल्मिक कराडला अटक करण्यात आलेली नाही किंवा त्याने सरेंडर केल्याचं कोणतंही सत्य नाही.

सीआयडीच्या तपासाची स्थिती

आरोपींचे बँक खाते गोठवले

फरार आरोपींच्या बँक खात्यांसह वाल्मिक कराडचेही खाते गोठवण्यात आले आहे.

मोबाईल आणि पुरावे जप्त

तपास पथकाने दोन मोबाईल जप्त केले असून, आरोपींच्या गाडीवर आढळलेल्या ठशांशी त्यांचा संबंध जुळतो.

चौकशी आणि संशयित

115 हून अधिक लोकांची चौकशी करण्यात आली आहे.
वाल्मिक कराडशी संबंधित दोन महिलांवर सीआयडीची बारीक नजर आहे, त्यांचीही चौकशी करण्यात आली.

फरार आरोपींचा शोध

वाल्मिक कराडसह इतर आरोपींचा शोध केरळ, मध्य प्रदेश, कर्नाटक, आणि गोव्यात घेतला जात आहे.

सीआयडीने वाल्मिक कराडच्या भोवती फास आवळण्यास सुरुवात केली आहे.

त्याला पकडण्यासाठी टीम सतत कार्यरत असून, लवकरच ठोस निकाल अपेक्षित आहे.

वाल्मिक कराडने सरेंडर केल्याच्या बातम्या अफवा असल्याचं स्पष्ट झालं आहे.

तपास अधिकाऱ्यांनी यासंदर्भात माहिती देत चुकीच्या बातम्यांवर विश्वास न ठेवण्याचं आवाहन केलं आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.