नवी दिल्ली: बुधवारी (11 ऑक्टोबर) सकाळी जम्मू आणि काश्मीर मधिल पूंछ जिल्ह्यातील मनकोट सेक्टरमध्ये नियंत्रण रेषेजवळील फॉरवर्ड पोस्टवर गोळी लागल्याने एका अग्निवीर चा मृत्यू झाला.
इंडियन एक्स्प्रेसच्या वृत्तानुसार, अमृतपाल सिंग असे मृताचे नाव असून, सहा महिन्यांच्या प्रशिक्षणानंतर नुकतेच तो सीमेवर तैनात करण्यात आला होता.
पोलिसांनी दिलेल्या माहितीनुसार, जम्मू आणि काश्मीर मधिल पूंछ जिल्ह्यातील मनकोट सेक्टरमध्ये नियंत्रण रेषेजवळील फॉरवर्ड पोस्टवर गोळी लागल्याने एका अग्निवीर जवानाचा मृत्यू स्वत:च्या शस्त्राने झालेला हा अपघाती गोळीबार झाला होता की हे आत्महत्येचे कृत्य होते याचाही शोध घेण्यासाठी तपास सुरू करण्यात आला आहे.
केंद्र सरकारने गेल्या वर्षी सहा महिन्यांच्या प्रशिक्षणानंतर चार वर्षांच्या कालावधीसाठी सैनिकांची भरती करण्यासाठी
अग्निवीर योजना सुरू केली होती. ही योजना लागू झाल्यानंतर गोळी लागल्याने अग्निवीरचा मृत्यू होण्याची ही पहिलीच घटना आहे.
ग्रेटर काश्मीरमधील वृत्तानुसार, अधिकाऱ्यांनी सांगितले की, सध्या पूंछ जिल्ह्यातील मेंढर उपविभागातील मनकोट भागात
नियंत्रण रेषेजवळ तैनात असलेले कॉन्स्टेबल (अग्नवीर) अमृतपाल सिंग घटनेच्या वेळी सेन्ट्री ड्युटीवर होते.
त्याचा जागीच मृत्यू झाल्याचे त्यांनी सांगितले. त्यानंतर पोलिसांच्या पथकाने घटनास्थळी भेट दिली
आणि सर्व कायदेशीर औपचारिकता पूर्ण केल्यानंतर मृतदेह पोस्टमॉर्टमसाठी रुग्णालयात नेण्यात आला.
नोबेल पारितोषिक विजेते अमर्त्य सेन यांच्या निधनाची बातमी खोटी
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on OCT 12,2023 | 16:55 PM
WebTitle – Jammu and Kashmir: Agniveer soldier shot dead in Poonch
