नोबेल पारितोषिक विजेते अमर्त्य सेन यांच्या निधनाची बातमी खोटी

नोबेल पारितोषिक विजेते आणि प्रख्यात अर्थतज्ज्ञ अमर्त्य सेन यांच्या निधनाची बातमी बनावट ट्विटने मंगळवारी खळबळ उडवून दिली. News of death of Nobel laureate Amartya Sen is false 89 वर्षीय भारतीय अर्थतज्ज्ञ बरे असून ते त्यांच्या कुटुंबासोबत आहेत. अमेरिकन अर्थतज्ज्ञ क्लॉडिया गोल्डिन यांच्या नावाने बनावट ट्विटर हँडलवरून ट्विट केल्यानंतर त्यांच्या मृत्यूची अफवा पसरली होती.एक जाणून घेण्याची बाब अशी की या वर्षी म्हणजेच 2023 चा अर्थशास्त्राचा नोबेल पुरस्कार आर्थिक इतिहासकार क्लॉडिया क्लॉडिया गोल्डिन यांना प्रदान करण्यात आला आहे.

बनावट ट्विटर अकाऊंट वरून ट्विट

क्लॉडिया गोल्डिनच्या नावाने बनवलेल्या ट्विटर हँडलने स्वतः ट्विट केले आणि लिहिले की हे बनावट खाते आहे.

ट्विट करताना लिहिले आहे की, “हे अकाऊंट इटालियन पत्रकार टॉमासो डीबेनेडेटी यांनी बनवलेले बनावट खाते आहे.” Tommaso Debenedetti एक इटालियन लेखक आणि रोममधील एक शाळा शिक्षक आहे जो खोट्या बातम्या लिहिण्यासाठी ओळखला जातो.

हे बनावट ट्विट व्हायरल झाल्यानंतर अमर्त्य सेन यांच्या कुटुंबीयांनीच त्यांच्या मृत्यूच्या अफवांचे खंडन केले आहे.

अमर्त्य सेन यांची मुलगी नंदना देब सेन हिने त्यांचे वडील नोबेल पारितोषिक विजेते अर्थतज्ञ अमर्त्य सेन

यांच्या निधनाच्या वृत्ताचे खंडन केले आहे. अफवांवर लक्ष देऊ नका असे ते म्हणाले. अमर्त्य सेन यांच्या निधनाची बातमी खोटी आहे.

News of death of Nobel laureate Amartya Sen is false

डॉ. अमर्त्य सेन यांनी अर्थशास्त्र विभागात उल्लेखनीय कामगिरी केली आहे त्यांच्या अर्थशास्त्र संबंधित अतुलनीय कार्याची जगावर एक अमिट छाप पाडली आहे, यासाठी त्यांना जगभरातून प्रशंसा आणि आदर मिळाला आहे. 3 नोव्हेंबर 1933 रोजी पश्चिम बंगालमधील शांतिनिकेतन येथे जन्म झालेल्या अमर्त्य सेन यांचा शैक्षणिक प्रवास त्यांना जगभरातील प्रतिष्ठित विद्यापीठे आणि संशोधन संस्थांमधून घेऊन गेला. अमर्त्य सेन यांना अर्थशास्त्रातील योगदानाबद्दल १९९८ मध्ये अर्थशास्त्रातील नोबेल पारितोषिक मिळाले आहे.

मुलीने दिली माहिती

अभिनेत्री नंदना देब सेनने मंगळवारी त्यांचे वडील आणि नोबेल पारितोषिक विजेते अमर्त्य सेन यांच्या निधनाचे खंडन केले.

त्या म्हणाल्या की 90 वर्षीय अमर्त्य सेन हार्वर्डमध्ये आठवड्यातून दोन अभ्यासक्रम शिकवत आहेत आणि त्यांच्या पुस्तकावर काम करत आहेत.

Friends, thanks for your concern but it’s fake news: Baba is totally fine. We just spent a wonderful week together w/ family in Cambridge—his hug as strong as always last night when we said bye! He is teaching 2 courses a week at Harvard, working on his gender book—busy as ever! pic.twitter.com/Fd84KVj1AT
— Nandana Sen (@nandanadevsen) October 10, 2023

त्यांनी सोशल साइटवर लिहिले, ‘मित्रांनो, तुमच्या काळजीबद्दल धन्यवाद पण ही फेक न्यूज आहे: बाबा पूर्णपणे ठीक आहेत. केंब्रिजमध्ये माझ्या कुटुंबासोबत आमचा हा आठवडा खूप छान होता – काल रात्री आम्ही निरोप घेतला तेव्हा त्यांची मिठी नेहमीसारखीच मजबूत होती! ते हार्वर्डमध्ये दर आठवड्याला 2 कोर्स शिकवत आहे, तसेच त्यांच्या पुस्तकावर कामही करत आहे – ते नेहमीप्रमाणे व्यस्त आहेत!’

Deleting tweet on Amartya Sen based on a post from an unverified account in the name of Claudia Goldin. Actor Nandana Dev Sen denies news of death of her father, Nobel prize winner Amartya Sen.
— Press Trust of India (@PTI_News) October 10, 2023

लोकसभा निवडणुकीपूर्वी भाजप ला आणखी एक मोठा धक्का, आणखी एक पक्ष एनडीए आघाडी मधून बाहेर