अहमदनगर : शेवगाव तालुक्यातील सुळे पिंपळगातील दलित कुटुंबाला क्षुल्लक कारणावरून जातीवाचक शिवीगाळ करत मारहाण करण्यात आल्याचा धक्कादायक प्रकार उघडकीस आलाय. या घटनेमध्ये दलित कुटुंबियातील व्यक्तींना मारहाण करण्यात आलीय सोबत असलेल्या लहान मुलांना देखील मारण्यात आल्याचं तक्रारीत नमूद करण्यात आलंय. पोलिसांनी या प्रकरणी पोलिसांनी गावामधील 11 जणांच्याविरोधात अनुसूचित जाती- जमाती प्रतिबंधक कायदा (एट्रोसिटी) व पॉक्सो कायद्यान्वये गुन्हा दाखल केला आहे.सदर घटना घडून दोन दिवस झाले. 48 तास उलटून गेल्यावर देखील या प्रकरणातील अद्यापही एकाही आरोपीला अटक करण्यात आलं नसल्याचं सांगण्यात आलंय.
मिळालेल्या माहितीनुसार, पीडित दलित कुटुंब हे शेगाव येथील सुळे पिंपळगावमध्ये राहायला असून या गावातील गावठाण विभागातील शेती करत होते. यावेळी त्यांच्या शेजारील गटनंबर असलेल्या व्यक्तींनी टाकलेला कचरा, उकिरडा व सरपण उचलून घे असं म्हणत वाद घालायला सुरुवात केली.या क्षुल्लक कारणावरून सुरू झालेल्या वादात दलित कुटुंबाला जातीवाचक शिवीगाळ करत सोबत असणाऱ्या लहान मुलांना देखील मारहाण करण्यात आलीय असं तक्रारीत म्हटलं आहे.
आरोपी घटनेच्या दोन दिवसांनंतरही फरार
या प्रकरणी तक्रार दाखल झाल्यानंतर शेवगावच्या स्थानिक पोलिसांनी भाऊसाहेब मारुती मासाळ, संदीप किसन मासाळ, आजिनाथ रावसाहेब मासाळ, प्रकाश रावसाहेब मासाळ गंगाधर रावसाहेब मासाळ, गणेश अभिमान मासाळ, रमेश मोतीराम माने, प्रताप रोहिदास मासाळ, महेश अभिमान मासाळ,भास्कर रावसाहेब मासाळ , नानासाहेब देवराम माळी यांच्याविरोधात भादवी कलम 354 (अ) 143, 147, 148, 149, 323, 504, 506 अनुसूचित जाती जमाती प्रतिबंधक कायदा तसेच बाललैंगिक अत्याचार (पॉक्सो) कलमानुसार गुन्हा दाखल करण्यात आलाय. गुन्हा दाखल झाल्यानंतर या घटनेतील सर्व आरोपी घटनेच्या दोन दिवसांनंतरही फरार असल्याचे तसेच त्यांचा शोध घेण्यात येत असल्याचे पोलिसांकडून सांगण्यात आले.
घटनेतील पीडित दलित कुटुंबियांना संरक्षण देण्यात यावं, तसेत या घटनेची समाजकल्याण खात्यानं दखल घ्यावी,
या कुटुंबीयांवर दाखल केलेल्या तक्रारीची चौकशी होऊन अत्याचार करणाऱ्यांवर गुन्हा दाखल करण्यात यावा ,
अशा विविध मागण्यांसहित तीव्र स्वरूपाचं आंदोलन करण्यात येणार असल्याचं
पँथर रिपब्लिकन पार्टीचे राज्य संघटक व माजी जि.प. सदस्य पवनकुमार साळवे यांच्याकडून सांगण्यात आले आहे.
जाणून घ्या उत्कर्ष पांडे बनावट फ्लाइंग लेफ्टनंट कसा बनला आणि फसवणूक करू लागला
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on JULY 24,2023 | 21:30 PM
WebTitle – Dalit family was beaten up in Shevgaon, fir against 11 people
