फ्रान्स : ट्रॅफिक तपासणी दरम्यान पॅरिसजवळ पोलिसांनी नाहेल एम Nahel M या 17 वर्षांच्या मुलावर मंगळवारी केलेल्या जीवघेण्या गोळीबारावर सामूहिक अशांततेच्या तीसऱ्या रात्री फ्रान्समध्ये किमान 1000 पेक्षा जास्त लोकांना अटक करण्यात आली आहे.शांतता सुनिश्चित करण्यासाठी, देशभरात सुमारे 40,000 कायदे अंमलबजावणी अधिकारी एकत्रित करण्यात आले, 5,000 पॅरिस आणि त्याच्या आसपासच्या भागात तैनात करण्यात आले. किशोरवयीन मुलाच्या हत्येच्या घटनेनंतर ब्रुसेल्स, बेल्जियममध्येही हिंसचाराच्या बातम्या येत आहेत,आठ लोकांना अटक करण्यात आली आहे आणि पोलिसांची वाढती उपस्थिती दिसून आली आहे.
ज्या पोलीस अधिकाऱ्याने गोळीबार केला त्याची आता हत्येच्या संदर्भात औपचारिक चौकशी केली जात आहे.
काय आहे प्रकरण ?
फ्रान्स मध्ये नाहेल एम Nahel M shot dead Nanterre, France ला पॉईंट-ब्लँक रेंजवर गोळी मारण्यात आली त्यातच त्याचा मृत्यू झाला.
ही बातमी फ्रान्स मध्ये आगीसारखी पसरली.आणि हिंसाचाराला सुरुवात झाली. पोलिसांनी केलेल्या गोळीबाराचा व्हिडिओ सोशल मिडियात व्हायरल होत असून जागल्याभारत च्या हाती लागला आहे.
पोलिसांनी गोळीबार करणे कायदेशीररित्या न्याय्य नव्हते असा युक्तिवाद फ्रेंच वकिलांनी केला.
फ्रेंच पोलिसांनी एका 17 वर्षाच्या तरुणाला दिवसाढवळ्या वाहतूक थांबवताना निर्दयपणे ठार मारले. पोलिसांनी सुरुवातीला खोटे बोलून तरुणावर एका अधिकाऱ्यावर धावून जाण्याचा प्रयत्न केल्याचा आरोप केला. जे की बर्‍याचदा घडते त्याप्रमाणे, फ्रांसच्या राष्ट्रीय माध्यमांनी पोलिसांच्या बनावट गोष्टी तथ्य म्हणून नोंदवल्या – परंतु नंतर घटनेचे फुटेज व्हिडिओ सोशल मिडियात व्हायरल झाले आणि पोलिसांचा दावा खोटा ठरला.
या घटनेनंतर फ्रान्समधील जनतेचा रोष उसळला. फ्रान्समध्ये अनेक ठिकाणी हिंसक जमावाने प्रचंड गोंधळ माजवला आणि हिंसक घटना घडवून आणल्या.गोळी लागल्याची घटना 27 जून रोजी संध्याकाळची आहे.
लोकांच्या मनात पोलिसांबद्दलचा राग
या घटनेमुळे फ्रान्समधील लोकांच्या मनात पोलिसांविरुद्ध द्वेष निर्माण झाला आहे. अशा छोटय़ा छोटय़ा घटनांवर कारवाई करताना पोलीस गोळीबार कसा करतात, याबाबत लोकांच्या मनात संताप आहे. हिंसाचार दरम्यान, हिंसक जमावाने अनेक सरकारी वाहनांची जाळपोळ केली. त्याचवेळी पोलिसांवरही दगडफेक करण्यात आली. काही ठिकाणी जाळपोळही करण्यात आली.
फ्रान्सचे अध्यक्ष इमॅन्युएल मॅक्रॉन यांच्या नेतृत्वाखालील सरकार या हिंसक घटनांवर लवकरात लवकर नियंत्रण आणण्याचा प्रयत्न करत आहे. फ्रान्सचे प्रधानमंत्री एलिझाबेथ बोर्न म्हणाले की, राष्ट्रपती इमॅन्युएल मॅक्रॉन यांनी बोलावलेल्या आपत्कालीन मंत्रिमंडळाची बैठक राष्ट्रीय एकात्मता आणि देशातील कायदा व सुव्यवस्था लागू करण्याच्या उद्देशाने आहे.
घटनेचा ट्रिगर ठरले ट्विट आणि बाजू घेणे
ट्रॅफिक तपासणी दरम्यान पॅरिसजवळ पोलिसांनी 17 वर्षांच्या नाहेल एम Nahel M नामक मुलावर मंगळवारी केलेल्या जीवघेण्या गोळीबारावनंतर हिंसा सुरू झाली.टाऊन हॉल, शाळा आणि पोलीस ठाण्यांना आग लावण्यात आली.
अध्यक्ष इमॅन्युएल मॅक्रॉन म्हणाले की ही घटना “अयोग्य” आणि “अक्षम्य” आहे.आम्ही नाहेल एम च्या कुटुंबियांच्या दु:खात सहभागी आहोत.
परंतु इमॅन्युएल मॅक्रॉन यांच्या टिप्पण्यांवर पोलिस संघटनांकडून संतप्त प्रतिक्रिया उमटल्या, संघटनांनी आरोप करत म्हटलं की यात आरोपित असलेल्या अधिकाऱ्यांची बाजू न ऐकता घाई केली गेली.यावेळी अलायन्स पोलिस युनियनने आरोपी पोलिसांवरील दोष सिद्ध होईपर्यंत त्यांना निर्दोष मानण्याचे आवाहन केले, तर एसजीपी पोलिसांनी देखील अशी वक्तव्ये “पोलिसविरोधी द्वेष” ला प्रोत्साहन देणारी ठरतात असे म्हटले.
श्री दरमनिन म्हणाले की, किशोरवयीन मुलाच्या हत्येचे समर्थन करण्यासाठी त्यांनी “अस्वीकार्य आणि घृणास्पद” ट्विट प्रकाशित केल्यानंतर, फ्रान्स पोलिस या दुसर्‍या गटावर कायदेशीर कारवाई करणार आहे.
श्री दरमनिन म्हणाले की, जे आमचे ऐकतात त्यांना मी सांगू इच्छितो की जे लोक हिंसेसाठी नेटवर्क वापरतात
त्या सर्वांवर आम्ही खटला भरू आणि सोशल नेटवर्क्स प्रजासत्ताक कायद्याचा आदर करत नाहीत
हे लक्षात आल्यास आम्ही सर्व आवश्यक उपाययोजना करू.
फ्रान्समध्ये दंगल उसळली पण तरुण मुलाची आई म्हणते, ‘मी फक्त एका व्यक्तीला दोष देते…’
हत्याकांडानंतर पहिल्या मीडिया मुलाखतीत, नाहेल एम Nahel M ची आई, मौनियाने फ्रान्स 5 टेलिव्हिजनला सांगितले:
“मी सर्व पोलिसांना दोष देत नाही, मी एका व्यक्तीला दोष देते: ज्याने माझ्या मुलाचा जीव घेतला.”
त्या म्हणाल्या की, 38 वर्षीय जबाबदार अधिकारी, ज्याला ताब्यात घेण्यात आले होते आणि ज्याच्यावर हत्याकांडाचा आरोप आहे,
“त्याने एक अरब चेहरा, एक किशोरवयीन मूल पाहिले आणि त्याने त्याचा जीव घेतला”.
पोलिसांच्या गोळीबारात ठार झालेला फ्रांस मधिल 17 वर्षीय नाहेल एम कोण आहे?
नहेलने गेली तीन वर्षे पायरेट्स ऑफ नॅनटेरे रग्बी क्लबसाठी खेळत होता. ओव्हले सिटोयेन नावाच्या संघटनेद्वारे चालवल्या जाणार्‍या, शाळेत शिक्षणासाठी धडपड करणार्‍या किशोरवयीन मुलांसाठी तो एकीकरण कार्यक्रमाचा भाग होता.या कार्यक्रमाचा उद्देश वंचित भागातील लोकांना शिकाऊ उमेदवारी मिळवून देणे हा होता आणि नाहेल इलेक्ट्रिशियन बनण्याचे प्रशिक्षण घेत होता.
त्याच्या हत्येचा आरोप असलेला अधिकारी, ज्याने आपल्या जीवाला धोका आहे असे वाटल्याने त्याने गोळीबार केल्याचे सांगितले,
त्याला ताब्यात घेण्यात आले असून तो मनुष्यवधाच्या आरोपाखाली कोठडीत आहे.
फ्रेंच-अल्जेरियन कुटुंबातून आलेला नाहेल Nahel M, या वर्षी फ्रान्स मधील दुसरी व्यक्ती आहे जी वाहतूक थांबादरम्यान
पोलिसांच्या गोळीबारात ठार झाली आहे. गेल्या वर्षी अशाप्रकारे जवळपास १३ जणांचा मृत्यू झाला होता.
पोलिसांना शस्त्र चालवण्याचे अमर्याद अधिकार
उजव्या गटांनी 2017 कायद्यातील बदलावर टीका केली आहे ज्याने पोलिस अधिकाऱ्यांना बंदूक वापरण्याचे नियम शिथिल केले होते.
अधिकृत आकडेवारीचा हवाला देत, ले मॉन्डे वृत्तपत्राने नोंदवले आहे की कायद्याच्या या बदलानंतर
चालत्या वाहनांवर पोलिसांकडून झालेल्या गोळीबाराची वार्षिक संख्या सातत्याने जास्त आहे.
प्रचारक रोकाया डायलो यांनी बीएफएमटीव्हीला सांगितले की, जास्त गोळीबार करणे म्हणजे मृत्यू होण्याचा धोका जास्त असतो,
विशेषत: अरब आणि इतर (कृष्णवर्णीय) रंगाच्या लोकांना.
रॉयटर्स वृत्तसंस्थेला आढळले की 2017 पासून रहदारी थांबवताना प्राणघातक पोलिस गोळीबारात बळी पडलेले बहुसंख्य कृष्णवर्णीय किंवा अरब होते.
मुस्लिम विरोधी मुद्दा?
काही लोक मुस्लिम विरोधाशी संबंध जोडत आहेत, काहीजण गुन्हेगार म्हणत आहेत,
फ्रेंच ट्रॅफिक पोलिसांनी नहेल एमला न थांबल्यामुळे आणि धोकादायकपणे गाडी चालवल्याबद्दल गोळ्या झाडल्या. यानंतर संपूर्ण फ्रान्समध्ये दंगली उसळल्या. काही लोक या घटनेला मुस्लीमविरोधी तर काही जण मृताला वाँटेड गुन्हेगार म्हणत आहेत. एका अहवालात असे सुचवण्यात आले आहे की त्याच्यावर 15 गुन्हे दाखल आहेत.याअगोदरही पोलिसांनी त्याला 5 वेळा अडवल्याचे समजते,फ्रान्समध्ये खोट्या लायसन्स प्लेटच्या आधारे ड्रायव्हिंग केल्याचा आरोप त्याच्यावर ठेवण्यात आला होता.
जानेवारी-मार्च 2023 या कालावधीत त्याच्या अंमली पदार्थ विभागाच्या अधिका-यांसोबत अनेक चकमकी झाल्या. त्याचवेळी नाहेलची वागणूक चांगली होती, असे त्याचे मित्र आणि आई सांगतात. नहेलच्या आजीचा एक व्हिडिओही सोशल मीडियावर व्हायरल झाला आहे.त्याला इलेक्ट्रिशियन बनण्याची इच्छा होती. त्याचा कोणताही गुन्हेगारी रेकॉर्ड नसताना त्याच्या यापूर्वीही पोलिसांसोबत चकमकी झाल्या होत्या. नेहमीच्या ट्रॅफिक तपासणीदरम्यान तो थांबला नाही या निर्णयामुळे त्याला जीव गमवावा लागला.
न्यायाची मागणी
या घटनेमुळे संपूर्ण फ्रान्समध्ये निषेधाची लाट उसळली असून न्यायासाठी च्या मागण्या जोरात होत आहेत. काहींनी उपेक्षित समुदायांवरील पोलिसांच्या हिंसाचाराचा मुद्दा अधोरेखित केला असताना, नाहेलचे कुटुंब वकील, यासिन बौझरो, केवळ वर्णद्वेषाच्या दृष्टीकोनातून घटनेकडे पाहण्याऐवजी न्याय मिळविण्यावर लक्ष केंद्रित केले पाहिजे यावर भर देतात.
मणिपूर दोन महिने झाले असेच जळत आहे हेही लक्षात असू द्यात.
माहिती आवडली तर फेसबुक,व्हाटसेप ग्रुपवर शेअर करा,धन्यवाद !!
FAQs
Q1: फ्रान्समध्ये हिंसाचार का सुरू आहे?
नाहेल एम या १७ वर्षीय तरुणावर गोळीबार केल्याने फ्रान्समध्ये निदर्शने झाली आहेत. या घटनेमुळे पोलिसांच्या जबाबदारीबद्दल चिंता निर्माण झाली आहे आणि आंदोलक नाहेल एमला न्याय देण्याची मागणी करत आहेत.
Q2: Nahel M कोण होता नाहेल नहेल एम बद्दल माहिती ?
नाहेल एम हा फ्रान्सच्या नॅनटेरे येथील 17 वर्षांचा टेकवे डिलिव्हरी चालक होता. पोलिसांच्या गोळीबारात तो ठार झाला.
Shekhar Nikam
analyst blogger
click here
चंद्रशेखर ला भेटण्यासाठी बजरंग पुनिया, साक्षी मलिक ने बांधला काळा धागा
CCTV footage भीम आर्मी प्रमुख चंद्रशेखर आझाद वर प्राणघातक हल्ला, गोळीबार
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा....
First Published by Team Jaaglya Bharat on 01 JULY 2023, 16:42 PM
WebTitle – Why is France burning? Why did the police kill 17-year-old Nahel M?
