Train Travel Insurance जगातील प्रत्येक प्रवासात अपघाताचा धोका असतो.अशा परिस्थितीत, प्रवास विम्याचे संरक्षण खूप महत्वाचे आहे, परंतु भारतातील बहुतेक लोक त्याकडे दुर्लक्ष करतात. ओडिशातील बालासोर येथे झालेल्या भीषण रेल्वे अपघातानंतर प्रवास विम्याचे महत्त्व समजून घेणे अत्यंत आवश्यक आहे. तथापि, प्रत्येक सार्वजनिक वाहतूक सेवा लोकांना आनंददायी आणि सुरक्षित प्रवास प्रदान करते. ट्रेनमध्ये तिकीट बुक करण्यापूर्वी प्रवास विमा पर्याय उपलब्ध आहे आणि प्रवासी केवळ 35 पैसे भरून 10 लाखांचे विमा संरक्षण घेऊ शकतात. ओडिशातील बालासोर येथे 02/06/2023 शुक्रवारी संध्याकाळी तीन गाड्यांची जोरदार धडक झाली.या भीषण दुर्घटनेत शेकडो बळी गेले.बहनगा रेल्वे स्थानकाजवळ हा अपघात झाला.किमान 288 लोकांचा मृत्यू तर सुमारे 1000 प्रवासी जखमी झाल्याची माहिती समोर आली होती.त्यामुळे प्रवास करताना वीमा संरक्षण किती महत्वाचं आहे हे यातून स्पष्ट होतं.गरीब मध्यमवर्गासाठीतर हे जास्तच महत्वाचं ठरतं कारण नंतरचा खर्च आणि अनर्थ आपल्याला झेपणारा नसतो.
त्यामुळे ही माहिती अत्यंत महत्वाची आहे.ती आपल्या मित्रांसोबत देखील शेअर करा अन वीमा संरक्षण घ्यायला कधीच विसरू नका.मात्र, हा रेल्वे प्रवास विमा रेल्वे देत नसून विमा कंपन्या देतात.हे ही लक्षात ठेवलं पाहिजे.ही सुविधा ऑनलाइन तिकीट बुकिंगवर उपलब्ध आहे आणि ती ऐच्छिक आहे म्हणजे तुमची इच्छा असल्यास तुम्ही प्रवास विमा घेऊ शकता. या ट्रॅव्हल इन्शुरन्सशी संबंधित फायदे आणि अपघात झाल्यास क्लेम कसा मिळवायचा ते आता जाणून घेऊया.
ट्रेन प्रवास विम्याचे संरक्षण कसे मिळवायचे
जेव्हा तुम्ही IRCTC वेबसाइटवरून रेल्वे तिकीट ऑनलाइन बुक करता तेव्हा तुम्हाला तिकीट बुकिंग दरम्यान
प्रवास विमा घेण्याचा पर्याय देखील मिळतो, ज्याची किंमत फक्त 35 पैसे आहे.
तुम्ही हा पर्याय निवडल्यास तुम्हाला प्रवासादरम्यान 10 लाख रुपयांचे विमा संरक्षण मिळते.
प्रवासादरम्यान, जर दुर्दैवाने तुमचा अपघात झाला, तर विमा कंपनीकडून 10 लाख रुपये दिले जातात.
तथापि, दाव्याची रक्कम वेगवेगळ्या अपघातांमध्ये प्रवाशाच्या नुकसानीच्या प्रकारावर अवलंबून असते.
IRCTC वेबसाइटवर उपलब्ध माहितीनुसार, रेल्वे अपघात रेल्वे कायदा,
1989 च्या कलम 123, 124 आणि 124A अंतर्गत कक्षेत ठेवण्यात आलेलं आहे.
जेव्हाही आपण IRCTC कडून तिकीट घेतो तेव्हा 1000000 चा विम्याचा पर्याय असतो फक्त 35 पैशांमध्ये आपल्यापैकी बरेच जण त्यावर क्लिक करतात परंतु त्यानंतर मेलवर एक फॉर्म येतो ज्यामध्ये नॉमिनीचा तपशील आणि त्यांचा संपूर्ण तपशील पत्ता सर्व काही असतो.हे सर्व न चुकता भरायचे आहे, क्वचितच कोणी हा फॉर्म भरतात.तुम्ही कदाचित आजपर्यंत हा फॉर्म भरलेले नसेलही.
पण आता आपल्याला त्याचे महत्त्व कळत आहे, म्हणूनच आता रेल्वे तिकीट बुक करताना केवळ विम्याचा पर्याय घेतला पाहिजे असे नाही,
तर त्यानंतर IRCTC कडून येणारा फॉर्म देखील भरला पाहिजे.
अपघात झाल्यास तुम्हाला किती नुकसान भरपाई मिळेल?
जर एखाद्या प्रवाशाने ट्रेनचे तिकीट बुक करताना प्रवास विमा घेतला आणि दुर्दैवाने अपघात झाला तर विम्याचा दावा भरला जातो.अपघातात प्रवाशाचा मृत्यू झाल्यास 10 रुपयांचा संपूर्ण दावा प्राप्त होतो. अपघातात कायमचे अपंगत्व आल्यास 10 लाख रुपये, अंशत: अपंगत्व आल्यास 7.5 लाख रुपये आणि जखमी झाल्यास रुग्णालयात उपचारासाठी 2 लाख रुपये दिले जातात.
एक लक्षात घेणं गरजेचं की रेल्वे प्रवास विम्याचे संरक्षण तेव्हाच मिळते जेव्हा तुम्ही आयआरसीटीसी साइटवरून तिकिटे बुक करता.याबद्दल अधिक माहिती, तुम्ही तिकीट बुक करताना IRCTC च्या वेबसाइटवर मिळवू शकता.
वंचित च्या शाखामहासचिव अक्षय भालेराव यांची निर्घृण हत्या
आता 500 रुपयांच्या नोटेबाबत मोठा खुलासा, RBIचं टेन्शन वाढलं!
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा..
First Published by Team Jaaglya Bharat on 05, JUN 2023, 16:50 PM
WebTitle – Train Travel Insurance 10 lakh
