मध्य प्रदेशातील खरगोन जिल्ह्यातील निमराणी येथे हिंदू तरुणाची विशिष्ट दाढी पाहून मॉब लिंचिंगचे प्रकरण समोर आले आहे. चार दिवसांपूर्वी एका कारखान्याबाहेर एका तरुणाला चोरीच्या संशयावरून जमावाने बेदम मारहाण केल्याचे सांगितले जात आहे. या घटनेचा व्हिडिओ व्हायरल झाल्यानंतर पोलिसांनी चारही आरोपींविरुद्ध गुन्हा दाखल केला आहे. एवढेच नाही तर याप्रकरणी पोलिस स्टेशन प्रभारी यांनाही उशिरा कारवाई केल्याने निलंबित करण्यात आले असून या प्रकरणाची चौकशी करण्यात येत आहे.
हिंदू तरुणाला दाढी पाहून मारहाण; धर्म जाणून घेण्यासाठी अंतर्वस्त्रे काढली
जिल्ह्यातील निमराणी येथे ढोलकीचे काम करणाऱ्या एका व्यक्तीला चोरीच्या संशयावरून लोकांनी बेदम मारहाण केली.
यानंतर पोलिसांनी गुन्हा दाखल करून आदित्य नामक एका तरुणाला अटक केली.
व्हिडिओ व्हायरल झाल्यानंतर पोलिसांनी आदित्यच्या वतीने एफआयआर नोंदवला
आणि एसटी एससी कायद्यासह आयपीसीच्या इतर कलमांखाली लिंचिंग करणाऱ्या आरोपींविरुद्ध गुन्हा नोंदवला.
व्हायरल झालेल्या व्हिडिओनुसार, तरुणाच्या चेहऱ्यावर दाढी असल्याने त्याला मारहाण करण्यात आली.
व्हिडिओमध्ये वारंवार त्याचे नाव विचारून तो एका विशिष्ट धर्माचा असल्याचे म्हणत त्याला मारले जात होते.
एका विशिष्ट धर्माची बतावणी करून तिच्या मुलाला जबरदस्तीने कपडे उतरवताना दिसल्याचा आरोप पीडित तरुणाच्या आईने केला आहे.
तर पीडितने त्याचे नाव आणि जात सांगितली होती.तरीही मारहाण होत राहिली असे कळते.
पोलिसांनी आता या प्रकरणाचा तपास सुरू केला आहे.
व्हायरल झालेल्या या व्हिडीओमध्ये एक जमाव दाढीवाल्या व्यक्तीला काठ्यांनी मारहाण करत आहे. व्हिडीओमध्ये स्पष्टपणे ऐकू येत आहे की, तरुणाला मारहाण होत असताना त्याचे नाव वारंवार विचारले जात आहे. एवढेच नाही तर त्याला विशिष्ट धर्माचे असल्याचे सांगून मारले जात आहे. मात्र, मार खाणारा पीडित तरुण आपले नाव पुन्हा पुन्हा सांगत आहे. यासोबतच त्याने त्याला मारणाऱ्या लोकांना त्याचा धर्म आणि जात याबद्दलही सांगितले, पण जमावाने त्याच्यासोबत मॉब लिंचिंग केले.
मिळालेल्या माहितीनुसार, 3 ऑगस्टच्या रात्री निमराणी येथील नर्मदा फूड प्रोसेसिंग कंपनीमध्ये चोरीच्या आरोपात ढोल वाजवण्याचे काम करणाऱ्या तरुणाला लोकांनी बेदम मारहाण केली होती. व्हायरल झालेल्या व्हिडीओबाबत पीडित तरुणाच्या भावाला कळल्यावर त्याने खरगोन येथील खलटाका पोलीस चौकीत तक्रार नोंदवायचा प्रयत्न केला, मात्र त्याची तक्रार नोंदविण्यास पोलिसानी नकार दिला.जेव्हा हे प्रकरण वाढू लागले तेव्हा नंतर खलटाका पोलिस चौकीत एफआयआर लिहिण्यात आला.
पीडित तरुणाच्या भावाने पोलिसांना दिलेल्या तक्रारीत लिहिले आहे की,
03.08.22 रोजी सकाळी 11.00 वाजता कालू केवट आणि बटी पाचोले माझ्याकडे आले आणि त्यांनी सांगितले की,
सोशल मीडियावर तुझ्या भावासोबत मारहाणीचा व्हिडिओ व्हायरल होत आहे.
या व्हिडिओमध्ये नर्मदा फूड प्रोसेसिंग कंपनी निमरानीचे कर्मचारी त्याला लाठ्या आणि बेल्टने मारहाण करताना दिसत आहेत.
मी लोकांकडून त्यांची नावे व पत्ते जाणून घेतले असता नर्मदा फूड प्रोसेसिंग कंपनीतील
रितेश शर्मा, रामनिवास चौधरी, बबलू दौडवे, चेतन पाटील व इतरांनी मारहाण करून जीवे मारण्याची धमकी दिल्याचे समोर आले,
तसेच पोलिस ठाण्यात तक्रार दिल्यास मला व कुटुंबीयांनाही जीवे मारण्याची धमकी दिली जात आहे.
हिंदू तरुणाला दाढी पाहून मारहाण; धर्म जाणून घेण्यासाठी अंतर्वस्त्रे काढली
दरम्यान,पीडित तरुणाच्या आईने सांगितलं की, माझा मुलगा ढोलकी वाजवण्याचे काम करतो. तो घटनेच्या दिवशी खलघाट येथे ढोल वाजवायला गेला होता. तेथून घरी येताना त्याने घरी येण्यासाठी शॉटकटचा मार्ग स्वीकारला. तो त्या कारखान्याजवळून जात असता काही वाद झाला. त्यावेळी तो दारू प्यायला असल्याने काही लोकांनी त्याला कारखान्याजवळ पाहून त्याच्या दिशेने धाव घेतली. जमावाने त्याला पकडले. जमावाने त्याला मारहाण करून त्याचे कपडे काढून घेतले.
त्याची अंतर्वस्त्रे काढून तपासण्यात आले की तो मुस्लिम आहे की हिंदू. त्याने त्या लोकांना आपले नाव, पत्ता आणि जातही सांगितली होती. तो म्हणत होता की तो हिंदू आहे. त्यानंतरही ते लोक त्याला मारत राहिले, विशेष म्हणजे ही मारहाण होत असताना पोलिसही तिथे उपस्थित होते, मात्र त्यानंतरही त्यांनी कोणतीही कारवाई केली नसल्याचा आरोप आईने केला आहे. पोलिसांसमोरही जमाव माझ्या मुलाला मारत राहिला.पोलिस बघ्याची भूमिका घेत उभे राहिले.
पोलिस स्टेशन प्रभारीविरुद्ध चौकशीचे आदेश
खरगोनचे पोलिस अधीक्षक धरमवीर सिंह यांनी सांगितले की, एका तरुणाला मारहाण केल्याची बाब त्यांच्या निदर्शनास आली आहे. त्याचे व्हिडिओही सोशल मिडियात व्हायरल झाले आहेत. पीडित तरुणाचा शोध घेतल्यानंतर त्याच्या कुटुंबीयांच्या वतीने व्हिडिओमध्ये मारहाण करताना दिसत असलेल्या लोकांविरुद्ध गुन्हा दाखल करण्यात आला आहे. ही घटना निदर्शनास आल्यानंतर चौकी प्रभारींविरुद्ध निष्काळजीपणाच्या चौकशीचे आदेशही देण्यात आले आहेत. याप्रकरणी एसडीओ तपास करत आहेत.
28 तास लटकलेल्या अवस्थेत साधू चा मृतदेह; भाजप आमदारासह तिघांवर गुन्हा दाखल
पा रंजित यांच्या धम्मम चित्रपटात दाखवलेला बुद्ध वादाचा विषय का ठरू लागलाय?
गुगल जाहिरातीसाठी क्षमस्व! साईट मेंटेनन्ससाठी त्या गरजेच्या आहेत,आशा आहे आपण समजून घ्याल.सहकार्य कराल.
(आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा)
First Published by Team Jaaglya Bharat on AUG 07,2022, 18:38 PM
WebTitle – hindu-youth-beaten-for-seeing-his-beard-stripped-of-his-underwear-to-find-out-his-religion
