नवी दिल्ली : उत्तर प्रदेशातील बुलंदशहरमध्ये एका 60 वर्षीय दलित महिलेची शेळी शेतातून गेली म्हणून महिलेला जातिवाचक शिवीगाळ करत बेदम मारहाण करण्यात आल्याची धक्कादायक घटना घडली आहे.
शेतातून शेळी गेली म्हणून शेत मालकाने महिलेला काठीने मारहाण करत शिवीगाळ केली.असा आरोप पीडित दलित महिलेने केला आहे. या हल्ल्याचा व्हिडिओ सोशल मीडियावर व्हायरल झाला असून, सोशल मिडियात संतापाची लाट उसळली असून पीडितेला न्याय मिळावा, अशी मागणी होत आहे. फुटेजमध्ये हल्लेखोर असहाय्य महिलेला अमानुषपणे मारहाण करताना आणि जातीवाचक शिवीगाळ करताना दिसत आहे.
शेतातून शेळी गेली म्हणून एका 60 वर्षीय दलित महिलेला जातिवाचक शिवीगाळ करत बेदम मारहाण
पोलिसांनी दिले कारवाई करण्याचे आश्वासन
या घटनेच्या अनुषंगाने स्थानिक प्रशासनाने या प्रकरणाची चौकशी सुरू केली आहे.
पोलिसांनी गुन्हा दाखल केला असून दोषीवर तत्काळ कारवाई करण्याचे आश्वासन दिले आहे.
21 व्या शतकातही या गोष्टी भारतात घडत आहेत
भारतातील दलितांना होत असलेला भेदभाव आणि हिंसाचार या घटनेने पुन्हा एकदा अधोरेखित केला आहे.
या घटनेने देशाच्या काही भागात दलितांना दररोज होणाऱ्या हिंसाचार आणि भेदभावाला पुन्हा एकदा अधोरेखित केले आहे.
या वर्षी फेब्रुवारीमध्ये गुजरातमधील गांधीनगरमधून अशीच एक लाजिरवाणी घटना समोर आली होती,
एक गावात लग्नाच्या वरातीत घोडीवरून जात असताना दलित वरावर हल्ला करण्यात आला होता.
या घटनेत वर सुमारे 100 जणांसह लग्नाच्या मिरवणुकीत घोडीवर स्वार होऊन गावात वधूच्या घरी जात असताना मोटारसायकलवरून आलेल्या एका जातीयवादी व्यक्तीने त्याला थांबवून घोडीवरून खाली खेचले आणि कानाखाली मारली. इतर आरोपींनी वराच्या जातीसंबंधित शिवीगाळही केली आणि त्याला घोडीवर बसवण्यास आक्षेप घेतला, तसेच शिव्या देत असे म्हटले की फक्त ‘उच्च’ जातीतील लोकच लग्नात घोडीवर स्वार होऊ शकतात.
21 व्या शतकातही या गोष्टी भारतात घडत आहेत.
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on APR 01,2024 | 12:15 PM
WebTitle – 60-Year-Old Dalit Woman Attacked with Caste-Based Abuse Over Stray Goat in Uttar Pradesh
