छाबरा : देशभरात धर्मांतराच्या घटनांमध्ये सातत्याने वाढ होत आहे. राजस्थानमधील बारां येथून ताजे प्रकरण समोर आले आहे. येथील एका गावात हिंदू दलित कुटुंबातील 250 लोकांनी हिंदू धर्माचा त्याग करून बौद्ध धर्म स्वीकारला. हिंदू-दलित कुटुंबाने आपल्या घरातून देवदेवतांच्या मूर्ती आणि चित्रांचे बेथली नदीत विसर्जन केले. बारां येथील भुलोन गावात पंधरवड्यापूर्वी तथाकथित उच्च जातीय हिंदू समाजाच्या लोकांनी हिंदू-दलित तरुणांवर केलेल्या हल्ल्यात 250 दलित कुटुंबे दुखावली असून हिंदू धर्माचा त्याग करून बौद्ध धर्माचा अंगीकार करत असल्याचे त्यांनी जाहीर केले.यावेळी प्रत्येकाने आपल्या घरातून देवदेवतांच्या मूर्तींचे विसर्जन करण्यात आले. तसेच यावेळी राजस्थान राज्य सरकारच्या विरोधात हिंदू दलितांच्या संतापाचा उद्रेक झाला.
राष्ट्रपतींपर्यंत न्यायाची याचना केली, मात्र यावर कोणत्याही प्रकारची कारवाई नाही
जिल्हा बैरवा महासभा युवा मोर्चाचे अध्यक्ष बालमुकंद बैरवा यांनी सांगितलं की, 5 ऑक्टोबर रोजी भुलोण गावात राजेंद्र व रामहेत ऐरवाल यांच्या हस्ते माँ दुर्गेची आरती करण्यात आली होती,यामुळे संतप्त झालेल्या सरपंच प्रतिनिधी राहुल शर्मा आणि लालचंद लोढा यांनी दोन्ही हिंदू दलित तरुणांना मारहाण केली होती. या मारहाणीच्या विरोधात दलित हिंदू समाजातील लोकांनी आपल्यावर अन्यायासाठी थेट राष्ट्रपतींपासून जिल्हा प्रशासनापर्यंत न्यायाची याचना केली, मात्र यावर कोणत्याही प्रकारची कारवाई झाली नाही,तसेच पोलिसांनीही सरपंच प्रतिनिधीवर कोणतीही कारवाई केली नाही.
250 हिंदू-दलित कुटुंबांनी हिंदू धर्माचा त्याग करून स्वीकारला बौद्ध धर्म
त्यामुळे भेदभावाने संतप्त झालेल्या कुटुंबीयांनी व ग्रामस्थांनी शुक्रवारी गावातून मोर्चा काढला. संताप रॅली काढण्यात आली.
त्याचवेळी बेथली नदीवर पोहोचून दलित हिंदू समाजातील लोकांनी आपल्या घरातील देव देवतांच्या मूर्ती बाहेर काढून,
नदीत विसर्जित करून डॉ.भीमराव आंबेडकर यांच्या 22 प्रतिज्ञा घेतल्या व हिंदू धर्म सोडून बौद्ध धर्म स्वीकारण्याची शपथ घेतली.
दलित हिंदू कुटुंबाला सातत्याने जीवे मारण्याच्या आणि गावाबाहेर काढण्याच्या धमक्या दिल्या जात असून,
आरोपींना लवकर अटक न झाल्यास उपविभागीय कार्यालयावर प्रचंड निदर्शने करण्यात येणार असल्याचे बैरवा यांनी सांगितले.
त्याचबरोबर राज्यातील कायदा आणि सुव्यवस्थेची स्थिती ठप्प झाल्याचा आणि दलितांवरील अत्याचाराच्या घटनांमध्ये वाढ झाल्याचा आरोप त्यांनी केला. यावेळी रमेश मराठा, बद्रीलाल बैरवा (छिपाबरोड), चित्रलाल बैरवा, पवन, रामहेत बैरवा, महेंद्र मीना (तुर्कीपाडा) आदी उपस्थित होते.
ही बातमी तुम्हाला मराठी मिडियामध्ये कुठेही दिसणार नाही,फक्त जागल्याभारत वर दिसेल.
मनसर येथे महाराष्ट्रातील सर्वात मोठे प्राचीन बुद्ध विश्व विद्यापीठ
लुम्बिनी मध्ये लिप्यांतर केल्यामुळे बुद्धांचे जन्मस्थळ निश्चित झाले- प्रा.इंगळे
(आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा)
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on OCT 22,2022, 16:10 PM
WebTitle – 250 people from Dalit Hindu families converted their religion to Buddhism
