पैसे वाटपाच्या आरोपावरुन विनोद तावडे यांनी शरद पवार यांचे मानले आभार

मुंबई: भाजपचे राष्ट्रीय सरचिटणीस विनोद तावडे यांच्यावर विरारच्या एका हॉटेलमध्ये पैसे वाटल्याचा आरोप झाला आहे. क्षितीज ठाकुर आणि त्यांच्या कार्यकर्त्यांनी तावडे यांना घेरत हा आरोप केला होता. यासंबंधी पोलीस ठाण्यात तीन गुन्ह्यांची नोंद झाली आहे. मात्र, या प्रकरणावर विनोद तावडे यांनी आता पुन्हा एकदा भाष्य केले आहे.

यावेळी बोलताना विनोद तावडे म्हणाले की, “आम्ही विरोधकांच्याच हॉटेलात जाऊन पैसे वाटतो, इतके भाजपचे लोक मूर्ख नाहीत.

माझ्याकडे एक पैसाही सापडलेला नाही. विरोधकांकडून केले जाणारे हे आरोप पूर्णपणे खोटे आहेत.”

याशिवाय, त्यांनी खासदार सुप्रिया सुळे यांच्या आरोपांवरही भाष्य केले.

सुळे यांनी तावडे यांच्याकडे 5 कोटी रुपये असल्याचे म्हटले होते.

यावर प्रतिक्रिया देताना तावडे म्हणाले, “सुप्रिया सुळे यांनी माझ्याकडे 5 कोटी रुपये असल्याचे खोटे बोलले. आधी त्यांनी माझे पाच कोटी रुपये परत द्यावेत.”

तसेच, त्यांनी ज्येष्ठ नेते शरद पवार यांचे आभार मानले.

यावेळी तावडे म्हणाले की , “शरद पवार हे परिपक्व नेते आहेत. ते मला जवळून ओळखतात. मी असा प्रकार करणार नाही, हे त्यांना चांगले माहीत आहे. त्यामुळे त्यांनी माझ्यावर विश्वास ठेवला, याबद्दल मी त्यांचे आभार मानतो.”

शरद पवार यांची प्रतिक्रिया

शरद पवार यांनी या प्रकरणावर सांगितले, “विनोद तावडे यांच्यावर कोणता गुन्हा दाखल झाला आहे, याची मला माहिती नाही. त्यामुळे मी माहिती घेतल्यानंतरच काही बोलू शकेन.”

अजित पवारांवर शरद पवारांचा निशाणा

बारामतीतील मालेगाव बुद्रुक येथील मतदान केंद्रावर शरद पवार यांनी मतदानाचा हक्क बजावला.

यावेळी त्यांनी राष्ट्रवादी काँग्रेसचे उपमुख्यमंत्री अजित पवार यांच्यावर टीका केली.शरद पवार म्हणाले की, “राज्याचं उपमुख्यमंत्री पद चार वेळा देऊनही अजित पवार यांच्यावर अन्याय झाल्याचं म्हणणं कितपत योग्य आहे?” अशा शब्दांत त्यांनी अजित पवारांवर निशाणा साधला.

Support Jaaglyabharat.com

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.