पोलिसांची थर्ड डिग्री;‘प्रायव्हेट पार्टमध्ये पेट्रोल टाकलं’,आरोपी कोर्टात कोसळला

चित्रपटात आपण अनेकदा पोलिसांच्या थर्ड डिग्रीबद्दल पाहिलं ऐकलेलं असतं,मात्र कधी कधी प्रत्यक्षात घडणाऱ्या गोष्टीही कल्पनेच्या पलिकडे भयानक असू शकतात अशीच एक चक्रावून टाकणारी घटना बिहारच्या भागलपूर कोर्टात शनिवारी घडली. चोरीच्या आरोपाखाली पोलिसांनी पकडलेल्या एका तरुणाला (रोशन झा बिहार roshan jha bihar )कोर्टात हजर करण्यात आले. मात्र, जजसमोर उभं राहताच आरोपी रडतच कोसळला आणि पोलिसांनी केलेल्या अमानुष त्रासाची कहाणी सांगू लागला. त्याने आरोप केला की पोलिसांनी गुन्हा कबूल करवण्यासाठी त्याला थर्ड डिग्री टॉर्चर केलं. गुन्हा कबूल केल्यानंतरही दोन तास त्याला बेदम मारहाण केली. इतकंच नव्हे, तर त्याच्या प्रायव्हेट पार्टमध्ये पेट्रोल टाकलं आणि आई बहिणीवरून अपमानास्पद शिवीगाळ केली.

काय घडलं नेमकं?

ही घटना भागलपूरच्या अकबरनगर पोलीस ठाण्याशी संबंधित आहे. माहितीप्रमाणे, 8 डिसेंबरला फोन स्नॅचिंगची तक्रार दाखल झाली होती.
तक्रारीत असा आरोप होता की, फोन चोरणाऱ्या आरोपीने त्या फोनद्वारे एक लाख रुपयांचे ट्रांझेक्शन केले होते.
याप्रकरणी अकबरनगर पोलिसांनी रोशन झा आणि त्याच्या एका मित्राला अटक केली. (रोशन झा बिहार roshan jha bihar )

पोलिसांवर थर्ड डिग्री टॉर्चर केल्याचा आरोप

आरोपी रोशन झा (रोशन झा बिहार roshan jha bihar ) याने कोर्टात सांगितले की, अटक केल्यानंतर पोलिसांनी त्याला व त्याच्या मित्राला अमानुषपणे मारहाण केली.
त्यांनी मारहाणीमुळे गुन्हा कबूल केला, तरीही पोलिसांनी थांबण्याऐवजी थर्ड डिग्री टॉर्चर सुरूच ठेवलं.
त्याने आरोप केला की, “पोलिसांनी माझ्या प्रायव्हेट पार्टमध्ये पेट्रोल टाकलं आणि मला आई-बहिणीवरून शिव्या दिल्या.”

यावेळी आरोपीने या प्रकाराची माहिती न्यायाधीशांसमोर मांडताच न्यायालयामध्ये काही क्षणांसाठी शांतता पसरली.

मेडिकल तपासणीचे आदेश

घटनेची गंभीरता लक्षात घेता एसीजेएम (अॅडिशनल चीफ ज्युडिशियल मॅजिस्ट्रेट) यांनी तातडीने वैद्यकीय समितीची स्थापना करून आरोपीच्या आरोपांची चौकशी करण्याचे आदेश दिले.

पोलिसांच्या भूमिकेवर तपास

सिटी एसपी डॉ. के रामदास यांनीही या प्रकरणाची गंभीर दखल घेतली आहे. त्यांनी सांगितले की, “आरोपीने केलेले आरोप अतिशय गंभीर आहेत. चौकशीत दोषी आढळणाऱ्या पोलिसांवर कठोर कारवाई केली जाईल.”

सध्या आरोपीवर गुन्हा दाखल असून पोलिसांकडून घडलेल्या त्रासाबद्दल मेडिकल तपास सुरू करण्यात आला आहे. जखमी आरोपीच्या आरोग्याची तपासणी करून अहवाल कोर्टात सादर केला जाणार आहे.

ही घटना पोलिसांच्या अमानुष वर्तनावर गंभीर प्रश्नचिन्ह उपस्थित करते. न्यायालय आणि प्रशासनाकडून या प्रकरणाचा सखोल तपास केला जात असून न्याय मिळेल अशी अपेक्षा व्यक्त होत आहे.

Support Jaaglyabharat.com, – Your Small Contribution, A Big Step Towards Change!

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.