कोर्टाने कायद्याच्या विद्यार्थ्याची याचिका फेटाळली — “मिडियामध्ये फेमस व्हायची हौस आहे का?” दिली तंबी

नवी दिल्ली 08-11-2025 — सर्वोच्च न्यायालयाने आज एका तिसऱ्या वर्षाच्या कायद्याच्या विद्यार्थ्याची याचिका फेटाळून लावत त्याला कडक शब्दांत फटकारले. या विद्यार्थ्याने 1950 च्या संविधान (अनुसूचित जाती) आदेशाला — जो राष्ट्रपतींनी जारी केलेला आहे आणि ज्यात अनुसूचित जातींची यादी निश्चित केली आहे — त्या घटनेतील तरतुदीला आव्हान देणारी जनहित याचिका दाखल केली होती.

न्यायमूर्ती सूर्यकांत आणि न्यायमूर्ती जॉयमल्य बागची यांच्या खंडपीठाने या प्रकरणाची सुनावणी केली. सुनावणीदरम्यान न्यायमूर्ती सूर्यकांत यांनी याचिकाकर्त्यास (जो स्वतःच न्यायालयात उपस्थित होता) उद्देशून सांगितले की, अभ्यासावर लक्ष देण्याऐवजी तो “फुकटच्या याचिका” दाखल करत आहे.

सुनावणीच्या सुरुवातीला न्यायालयाने विचारले की याचिकाकर्ता काय करतो?

त्यावर त्याने सांगितले की तो कायद्याच्या तिसऱ्या वर्षात शिकतो.

यावर न्यायमूर्ती सूर्यकांत म्हणाले — “अजून कायद्याचे शिक्षण पूर्णही झालेले नाही आणि इतक्या जुन्या आदेशाला आव्हान देण्याची गरज तुला का वाटली?”

कोर्टाने कायद्याच्या विद्यार्थ्याची याचिका फेटाळली — “मिडियामध्ये फेमस व्हायची हौस आहे का?” दिली तंबी

न्यायालयाने पुढे कठोर शब्दांत तंबी दिली अन म्हटले —

“तुला माध्यमांमध्ये झळकण्याची हौस लागली आहे का? कायद्याचे शिक्षण पूर्ण होण्याआधीच याचिका दाखल करत आहेस. हा आदेश 1950 चा आहे आणि आपण 2025 मध्ये आहोत — आता अचानक तुला वाटले की हा आदेश आव्हान देण्यासारखा आहे?”

जेव्हा विद्यार्थ्याने “हो” असे उत्तर दिले, तेव्हा न्यायमूर्तींनी त्याला कडक शब्दांत बजावले —

“आधी जा आणि आपला अभ्यास पूर्ण कर. अन्यथा आम्ही मोठा दंड ठोठावू आणि कडक टिप्पणी करू.”

विद्यार्थ्याने युक्तिवाद करताना सांगितले की, “मी पीडित व्यक्ती आहे…”

तेव्हा न्यायमूर्ती सूर्यकांत यांनी त्याला मध्येच थांबवत सांगितले की, ही याचिका संपूर्णतः निरर्थक आहे.

न्यायालयाने आपल्या आदेशात नमूद केले —

“याचिकाकर्ता, जो स्वतःला कायद्याचा विद्यार्थी म्हणवतो, त्याने अभ्यासावर लक्ष केंद्रित करण्याऐवजी लोकप्रियता मिळवण्यासाठी ही याचिका दाखल केली आहे. असे दिसते की तो माध्यमांमध्ये प्रसिद्धी मिळवण्याच्या हव्यासाने प्रेरित आहे आणि कोणतेही संशोधन किंवा ठोस माहिती न घेता अपूर्ण आणि दिशाहीन याचिका दाखल केली आहे. त्यामुळे ही याचिका फेटाळण्यात येत आहे.”

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.