तज्ज्ञ डॉक्टर चा प्रताप,फ्रॅक्चर डाव्या पायाला,ऑपरेशन केलं उजव्या पायाचं

27 डिसेंबर 2024 | उत्तरप्रदेश: सुलतानपूर जिल्ह्यातील एका हाडांचे तज्ज्ञ डॉक्टरांची मोठी हलगर्जी उघड झाली आहे. डॉक्टरांवर आरोप आहे की त्यांनी एका वृद्ध महिलेला डाव्या पायाला दुखापत असतानाही चुकीच्या पायावर, म्हणजे उजव्या पायावर शस्त्रक्रिया केली. शस्त्रक्रियेनंतर महिलेला ऑपरेशन थिएटरमधून बाहेर आणले असता, तिच्या कुटुंबीयांनी डाव्या पायाऐवजी उजव्या पायावर शस्त्रक्रिया झाल्याचे पाहून धक्का बसला. या प्रकरणानंतर डॉक्टरांनी पुन्हा महिलेला ऑपरेशन थिएटरमध्ये पाठवून योग्य पायावर शस्त्रक्रिया केली. ही लापरवाही सध्या मोठ्या वादाचा विषय ठरत आहे, आणि रुग्णालय प्रशासन आपली बाजू मांडण्याचा प्रयत्न करत आहे.

नेमके काय घडले?

कन्हई पोलीस स्टेशन हद्दीतील सिकरी कानूपूर गावातील भुईला देवी यांच्या डाव्या पायाला दुखापत झाली होती. त्यामुळे त्यांना चालताना अडचण येत होती. एक्स-रे काढल्यावर समजले की डाव्या पायाला फ्रॅक्चर झाले आहे. डॉक्टरांनी शस्त्रक्रियेचा सल्ला दिला आणि भुईला देवी यांना सुलतानपूरच्या नगर भागातील एका खासगी रुग्णालयात दाखल करण्यात आले. गुरुवारी डॉक्टरांनी त्यांना डाव्या पायावर शस्त्रक्रिया करण्यासाठी ऑपरेशन थिएटरमध्ये पाठवले.

फ्रॅक्चर डाव्या पायाला,ऑपरेशन केलं उजव्या पायाचं Sultanpur doctor p k Pande operates wrong leg — भुईला देवी Sultanpur doctor p k Pande operates wrong leg

शस्त्रक्रियेनंतर महिलेला बाहेर आणल्यावर कुटुंबीयांनी पाहिले की डाव्या पायाऐवजी उजव्या पायावर शस्त्रक्रिया करण्यात आली होती.

हे पाहून कुटुंबीय हादरले आणि त्यांनी रुग्णालय प्रशासनाकडे याबाबत स्पष्टीकरण मागितले.

रुग्णालय प्रशासनाची बाजू

या निष्काळजीपणामुळे रुग्णालयात खळबळ उडाली. ऑपरेशन करणारे डॉक्टर पी.के. पांडेय घटनास्थळावरून फरार झाले आहेत, तर रुग्णालय प्रशासन प्रकरणाचा बचाव करत आहे. रुग्णालय संचालक डॉ. आशुतोष श्रीवास्तव यांनी सांगितले की, भुईला देवी यांच्या डाव्या पायाच्या गुडघ्याच्या वाटीला दुखापत झाली होती आणि त्यावर शस्त्रक्रिया करण्यात आली, तर उजव्या पायाला सूज व रक्त गोठले होते, त्यामुळे ते काढण्यात आले. त्यांनी चुकीच्या ऑपरेशनचा आरोप खोटा असल्याचे सांगितले.

तपास आणि कारवाईची मागणी

या प्रकरणामुळे कुटुंबीय व स्थानिक नागरिक संतप्त झाले आहेत. डॉक्टरांच्या निष्कळजीपणावर कडक टीका होत आहे,

आणि रुग्णालयाविरुद्ध कठोर कारवाईची मागणी केली जात आहे.स्थानिक अधिकाऱ्यांकडेही प्रकरणाची सखोल चौकशी करण्याची मागणी होत आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.