सोमनाथ सुर्यवंशी मृत्यूप्रकरणी पोस्टमॉर्टम आणि विसेरा अहवालात फरक - फडणवीस

26 मार्च 2025 : मुंबई |परभणी जिल्ह्यातील सोमनाथ सूर्यवंशी (Somnath Suryavanshi) यांच्या मृत्यूच्या प्रकरणात नवीन माहिती समोर आली होती. सोमनाथ सूर्यवंशी यांचा मृत्यू पोलिसांच्या मारहाणीत झाल्याचे न्यायदंडाधिकाऱ्यांच्या अहवालात म्हटले गेले. त्यानंतर परभणी जिल्ह्यातील पोलीस ठाण्यातील मारहाणीचे प्रकरण पुन्हा चर्चेत आले. आंबेडकरी समाजाने सोमनाथ सूर्यवंशी यांना न्याय मिळावा म्हणून अनेक आंदोलने केली.आता अहवालावर मुख्यमंत्री देवेंद्र फडणवीस यांनी सभागृहात भाष्य केले असून माहिती देताना,सोमनाथ सुर्यवंशी मृत्यूप्रकरणी पोस्टमॉर्टम आणि विसेरा अहवालात फरक असल्याचे फडणविसांनी म्हटले आहे.

न्यायमूर्ती अचलिया समितीची नियुक्ती

विधानसभेच्या अध्यक्षांना संबोधित करताना मुख्यमंत्री देवेंद्र फडणवीस म्हणाले की, “या प्रकरणात काही गंभीर मुद्दे उपस्थित झाले आहेत. सोमनाथ सुर्यवंशी च्या मृत्यूसंदर्भातील पोस्टमॉर्टम अहवाल आणि विसेरा अहवाल यात विसंगती आढळून आली आहे. पोस्टमॉर्टमदरम्यान विसेरा हा प्रिजर्व केला जातो. पोस्टमॉर्टम अहवाल शरीराच्या बाह्य तपासणीवर आधारित असतो, तर अंतिम अहवाल विसेरा तपासणीनुसार तयार केला जातो.”

त्यांनी पुढे असे म्हटले की , “सध्या पोस्टमॉर्टम अहवाल आणि विसेरा अहवाल यात विसंगती दिसून येत आहे. आतापर्यंत ज्यांनी ज्यांनी या संदर्भात रिपोर्ट दिले त्यांनी पोस्टमॉर्टम अहवालाचाच आधार घेतला आहे. विसेरा अहवालाचा कोणीही विचार केलेला नाही. परंतु आता आम्ही न्यायमूर्ती अचलिया यांच्या समितीची नियुक्ती केली असून यासंबंधी टर्म्स ऑफ रेफरन्सही दिले आहेत.”

मुख्यमंत्री देवेंद्र फडणवीस यांनी जोर देत म्हटले की, “जर अचलिया समितीच्या अहवालात असे निष्कर्ष निघाले की सोमनाथ सुर्यवंशीचा मृत्यू पोलिसी मारहाणीमुळे किंवा त्याच्यामुळे मृत्यू झाला, असं न्यायमूर्ती अचलिया समितीच्या रिपोर्ट मध्ये आलं,तर विसेरा मध्ये काय आहे हे ही बाजूला ठेवू, संबंधित पोलिसांविरुद्ध कठोर कारवाई केली जाईल. या प्रकरणात पोलिस इन्स्पेक्टरसह चार जणांना आधीच निलंबित करण्यात आले आहे. अचलिया समितीच्या अहवालानुसार त्यांविरुद्ध मनुष्य वधाचा गुन्हाही दाखल केला जाईल.” ..”आता त्यातला प्रश्न एवढाच आहे की विसेरा आणि मूळ रिपोर्ट यात विसंगती आहे.”

पोस्टमॉर्टम आणि विसेरा अहवालातील मूलभूत फरक

मुख्यमंत्री देवेंद्र फडणवीस यांनी दिलेल्या स्पष्टीकरणावर राष्ट्रवादी काँग्रेसचे आमदार जितेंद्र आव्हाड यांनी तांत्रिक फरक स्पष्ट करताना म्हटले की , ” मुख्यमंत्र्यांशी वाद घालायचा माझा हेतू नाही, परंतु पोस्टमॉर्टम अहवाल आणि विसेरा अहवाल यात मूलभूत फरक आहे.

पोस्टमॉर्टम हा मृत्यूनंतर लगेच केलेला शरीराचा सर्वंकष तपासणीचा अहवाल असतो,

तर विसेरा अहवाल मध्ये शरीरातील द्रव पदार्थांची तपासणी केली जाते.” हा बेसिक फरक आहे,

“मला माहिती नाही तुम्हाला काय सांगण्यात आलेले आहे.संतोष सूर्यवंशीच्या केसमध्ये पोस्टमॉर्टम अहवालात स्पष्ट नमूद केले आहे की

मारहाणीमुळे आणि मारहाणीच्या धक्क्यामुळे त्यांचा मृत्यू झाला.

विसेरा अहवालात जे अवयव काढण्यात आले असतील,अवयव काही डॅमेज झाले नसतील,

एखादा मुका फटका (मुक्कामार) असा बसतो की त्याच्यामुळे तात्काळ मृत्यू होऊ शकतो. त्यामुळे त्याच्यामुळे मृत्यू होत नाही असे होत नाही,

विसेरा केवळ शरीरातील द्रव पदार्थ आणि अवयवांच्या तपासणीपुरता मर्यादित असतो.

त्यामुळे मला वाटतं याच्यात कुठेतरी गफलत होत आहे.त्यामुळे असं होऊ नये की संतोष सूर्यवंशीना न्याय मिळणार नाही.“

न्यायदंडाधिकाऱ्यांच्या अहवालातील धक्कादायक माहिती

परभणीतील हिंसाचार प्रकरणी न्यायालयीन कोठडीत असलेल्या सोमनाथ सूर्यवंशींच्या मृत्यूमुळे राज्यभरात मोठी खळबळ उडाली होती. पोलिसांच्या अमानुष मारहाणीत सोमनाथ सूर्यवंशींचा मृत्यू झाल्याचा आरोप सातत्याने करण्यात आला होता. मात्र, प्रशासनाने हृदयविकाराचा झटका येऊन त्यांचा मृत्यू झाल्याचा दावा केला होता. यानंतर, शवविच्छेदनाच्या प्राथमिक अहवालावरून पोलिसांच्या मारहाणीमुळेच सोमनाथ सूर्यवंशींचा मृत्यू झाल्याचे स्पष्ट झाले. यानंतर परभणीत एका पोलीस अधिकाऱ्यासह दोन पोलीस कर्मचाऱ्यांना निलंबित करण्यात आले. घटना घडल्यानंतर जवळपास सुमारे दोन महिन्यांनंतर ही कारवाई करण्यात आली होती. आता न्यायदंडाधिकाऱ्यांच्या चौकशी अहवालातून धक्कादायक माहिती समोर आली,मात्र आता न्यायमूर्ती अचलिया समितीची नियुक्ती नंतर काय निष्कर्ष येतो आणि यात पोलिसांवर नेमकी काय कारवाई होते हे पाहणे महत्त्वाचे ठरणार आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.