समीर वानखेडे ला बॉलिवूडवर हल्ला करायला आवडतं - अनुराग कश्यप

अनुराग कश्यप ची एक जुनी मुलाखत व्हायरल होत आहे. या व्हिडिओ मध्ये तो बोलत आहे की, एनसीबीच्या समीर वानखेडेला “बॉलिवुडवर आक्रमण करणे आवडते”. शाहरुख खान चा मुलगा आर्यन खान च्या तथाकथित ड्रग्ज केस मध्ये प्रकाश झोतात आलेले NCB अधिकारी, समीर वानखेडे हे बॉलीवूडमधील व्यक्तींवर ड्रग्ज छापे टाकण्यासाठी ओळखले जातात.समीर वानखेडे हे आयआरएस अधिकारी असून ते एनसीबीमध्ये सामील होण्यापूर्वी आधी सीमाशुल्क विभाग आणि नंतर कर विभागात होते.

2011 मध्ये कस्टमचे तत्कालीन उपजिल्हाधिकारी समीर वानखेडे यांनी शाहरुख खानची चौकशी केली होती आणि त्याला अंदाजे 1.5 लाख.रु.च्या कस्टम ड्युटीसह दंड केला होता.

“बॉलिवुडवर आक्रमण करणे आवडते”

अलीकडे, समीर वानखेडे यांचा उल्लेख असणारी अनुराग कश्यप ची एक जुनी मुलाखत व्हायरल होत आहे,

या व्हिडिओ मध्ये तो बोलला आहे की, एनसीबीच्या समीर वानखेडे ला “बॉलिवुडवर आक्रमण करणे आवडते”.

“काही ठराविक वृत्तमाध्यमांकडे तपासाची माहिती NCB द्वारे अधिकृतपणे समोर येण्यापूर्वीच आलेली असते आणि नंतर NCB ती नाकारते. तुम्ही हा अजेंडा लक्षात घेतला का? प्रभारी अधिकारी समीर वानखेडे आहेत. कोण आहेत हे समीर वानखेडे? हा तो माणूस आहे जो सेवा कर विभाग आणि सीमाशुल्क विभागाकडे होता.आणि ज्याला बॉलीवूडवर हल्ला करायला आवडते.

हा तोच माणूस होता ज्याने माझे बँक खाते दोन वर्षांसाठी गोठवले होते जेव्हा मी त्याला न्यायालयात खेचले तेव्हा माझ्या न्यायालयीन सुनावणीच्या 15 मिनिटे आधी, दोन वर्षांनी मला अडचणीत टाकल्यानंतर माझे बँक खाते अचानक डी-फ्रीझ करण्यात आले आणि मला एक उदाहरण बनवले जात असल्याचे माझ्या तोंडावर सांगण्यात आले.हा माणूस नेहमीच स्वत:ला बॉलिवूडशी जोडून घेतो. कोणताही मीडिया शोधा त्यात तुम्हाला त्याने केलेल्या टिप्पण्या देताना दिसतील.त्याला अशा कमेंट पास करायला आवडतात.”

Watch the whole interview with Faye D’ Souza here: