सैफ अली खानवर हल्ला करणारा निघाला बांगलादेशी; तपासात धक्कादायक माहिती समोर

मुंबई: सैफ अली खानवर हल्ला करणारा निघाला बांगलादेशी; तपासात धक्कादायक माहिती समोर : बॉलिवूड अभिनेता सैफ अली खान यांच्या वांद्रे येथील निवासस्थानी घडलेल्या हल्ल्याप्रकरणी 72 तासांच्या शोध मोहिमेनंतर आरोपीला अखेर मुंबई पोलिसांनी अटक केली आहे. आरोपीला ठाण्यातील कासारावडवली येथून ताब्यात घेण्यात आले असून चौकशीत तो बांगलादेशचा रहिवासी असल्याचे उघड झाले आहे. आरोपीचे नाव मोहम्मद शरीफुल इस्लाम शहजाद (30) असून तो सुमारे पाच ते सहा महिन्यांपूर्वी मुंबईत आला होता.

सैफ अली खानच्या घरात हल्ला कसा घडला?

वांद्रे पश्चिमेतील ग्रँड रेसिडेन्सी हॉटेलजवळील सद्गुरु शरण इमारतीच्या 11व्या आणि 12व्या मजल्यावर सैफ अली खान आपल्या कुटुंबीयांसोबत राहतात. मध्यरात्री दोनच्या सुमारास मोहम्मद शरीफुलने धारदार शस्त्राने सैफवर सहा वार केले आणि तिथून पळ काढला. घटनास्थळी पोलीस पोहोचले असता त्यांनी सीसीटीव्ही फुटेजच्या आधारे आरोपीचा माग काढण्यास सुरुवात केली.

आरोपीचे भारतातील अवैध वास्तव्य

तपासादरम्यान समोर आले की, आरोपीने आपले नाव विजय दास असे सांगून मुंबईसह ठाणे, भिवंडी भागात काम केले होते. आरोपी वांद्रे स्थानकातून दादर स्थानकावर पोहोचला आणि नंतर एका मोबाईल दुकानातून हेडफोन खरेदी केला. त्याच्यावरील संशय पाठीवरील बॅगमुळे आला.

सैफ अली खानवर हल्ला करणाऱ्या बांगलादेशी घुसखोराची ओळख पटली

आरोपीचा मूळ पत्ता राजाबरीया नॉलसिटी, जिल्हा झलोकाठी, बांगलादेश आहे. चौकशीत आरोपीने चोरीच्या उद्देशाने सैफ अली खानवर हल्ला केल्याचे कबूल केले आहे. हल्ल्यानंतर तो एका लेबर कॅम्पमध्ये परतला होता. पोलिसांनी त्याच लेबर कॅम्पवर धाड टाकून मोहम्मदला अटक केली.

मोठ्या कंपनीच्या लेबर कॅम्पमध्ये आरोपी

तपासामध्ये समोर आले की आरोपी एका मोठ्या कंपनीच्या लेबर कॅम्पमध्ये हाऊसकिपिंग वर्कर म्हणून काम करत होता. इतक्या मोठ्या कंपनीत काम करणारा व्यक्ती बॉलिवूड अभिनेत्याच्या घरात चोरी करतो आणि परत लेबर कॅम्पमध्ये जातो, ही बाब खूपच धक्कादायक आहे.

पुढील तपास सुरू

मुंबई पोलिसांनी आरोपीविरोधात गुन्हा दाखल करून त्याच्याविरोधात कडक कारवाई करण्याचे संकेत दिले आहेत. पोलिसांनी नागरिकांना सतर्क राहण्याचे आवाहन केले आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.