आनंदाची बातमी : मानवी इतिहासात मोठं यश ,रशियाने तयार केली कॅन्सरची लस; नागरिकांना मोफत देणार पुतिन सरकार

आनंदाची बातमी : मानवी इतिहासात मोठं यश ,रशियाने तयार केली कॅन्सरची लस; नागरिकांना मोफत देणार पुतिन सरकार : रशियन आरोग्य मंत्रालयाने मोठी घोषणा केली आहे की त्यांनी कॅन्सरवर एक लस विकसित केली आहे. या लसीचे वितरण पुढील वर्षाच्या सुरुवातीला रशियन नागरिकांना मोफत करण्यात येईल. विशेष म्हणजे ही लस कॅन्सरग्रस्त रुग्णांना दिली जाणार नाही, तर लोकांना कॅन्सरपासून वाचवण्यासाठी दिली जाणार आहे.

रशियाने तयार कॅन्सरची लस

रशियन आरोग्य मंत्रालयाच्या रेडिओलॉजी मेडिकल रिसर्च सेंटरचे महासंचालक आंद्रेई काप्रिन यांनी ही माहिती दिली आहे. तथापि, या लसीबाबत अनेक प्रश्न अजूनही अनुत्तरित आहेत, जसे की ही लस नेमक्या कोणत्या प्रकारच्या कॅन्सरवर प्रभावी ठरणार आहे, आणि या लसीचे नाव काय असेल?

https://twitter.com/GlobeEyeNews/status/1869083024903807118

लसीचे प्री-क्लिनिकल ट्रायल पूर्ण

गामालेया नॅशनल रिसर्च सेंटर फॉर एपिडेमियोलॉजी अँड मायक्रोबायोलॉजीचे संचालक अलेक्झांडर गिंट्सबर्ग यांनी या लसीविषयी अधिक माहिती दिली आहे. त्यांनी रशियन वृत्तसंस्था ‘तास’शी बोलताना सांगितले की या लसीचे प्री-क्लिनिकल ट्रायल पूर्ण झाले आहे. यामध्ये दिसून आले आहे की ही लस ट्युमरचा वाढ होणे आणि मेटास्टेसिसचा धोका कमी करते.

याआधी रशियन राष्ट्राध्यक्ष व्लादिमीर पुतिन यांनी सांगितले होते की रशियन वैज्ञानिक कॅन्सरवर लस विकसित करण्याच्या अत्यंत जवळ आले आहेत. त्यांनी असेही स्पष्ट केले की ही लस लवकरच रुग्णांसाठी उपलब्ध होईल.

तथापि, अजूनही हे स्पष्ट झालेले नाही की ही लस कोणत्या प्रकारच्या कॅन्सरवर प्रभावी ठरेल.

तसेच, या लसीला नेमके नाव काय दिले जाईल, हेही उघड करण्यात आलेले नाही.

इतर देशांच्या प्रकल्पांची माहिती

रशिया व्यतिरिक्त, अनेक देश कॅन्सरच्या लसीवर काम करत आहेत.

उदाहरणार्थ, ब्रिटिश सरकारने वैयक्तिकृत कॅन्सर उपचारासाठी जर्मनीस्थित बायोएनटेक कंपनीसोबत करार केला आहे.

AI चा वापर कसा झाला?

गिंट्सबर्ग यांनी यापूर्वी सांगितले होते की आर्टिफिशियल न्यूरल नेटवर्कच्या मदतीने वैयक्तिकृत कॅन्सर लस तयार करण्यासाठी लागणारा वेळ एका तासाहूनही कमी असू शकतो. फार्मास्युटिकल कंपन्या मॉडर्ना आणि मर्क अँड कंपनी देखील प्रयोगात्मक कॅन्सर लस विकसित करत आहेत.

एका अभ्यासानुसार, तीन वर्षांच्या या उपचारानंतर ‘मेलानोमा’ नावाच्या घातक त्वचाविकारामुळे मृत्यू होण्याचा धोका अर्धा होतो.

Support Jaaglyabharat.com, – Your Small Contribution, A Big Step Towards Change!

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.