रत्नागिरी : वंचित बहुजन आघाडीचे जिल्हाध्यक्ष विकास उर्फ अण्णा जाधव यांच्यावर प्राणघातक हल्ला झाल्याने रत्नागिरीतील गुहागर तालुक्यात खळबळ उडाली आहे. नरवण फाटा येथील एका हॉटेलमध्ये जेवण करत असताना तिघा अज्ञात व्यक्तींनी त्यांच्यावर धारदार शस्त्रांनी वार केले.
वंचित च्या जिल्हाध्यक्ष अण्णा जाधव यांच्यावर प्राणघातक हल्ला
अण्णा जाधव हे नरवण फाट्याजवळील एका हॉटेलमध्ये जेवत असताना दुचाकीवर आलेल्या तिघांनी हॉटेलमध्ये घुसून त्यांच्यावर सपासप वार केले. यावेळी त्यांनी अण्णा जाधव यांच्या चारचाकी गाडीचीही तोडफोड केली आणि गाडीच्या काचा फोडल्या. हल्ल्यानंतर आरोपी घटनास्थळावरून पळून गेले.
जखमी जाधव रुग्णालयात
या हल्ल्यात अण्णा जाधव बचावले असले तरी त्यांच्या हाताला गंभीर दुखापत झाली आहे. त्यांना तातडीने ग्रामीण रुग्णालयात दाखल करण्यात आले आहे. सध्या त्यांच्यावर उपचार सुरू आहेत, आणि त्यांच्या प्रकृतीत सुधारणा होत असल्याचे समजते.
घटनास्थळी खळबळ
या हल्ल्यामुळे नरवण फाटा आणि आजूबाजूच्या परिसरात तणावाचे वातावरण निर्माण झाले आहे.
हल्ल्याची माहिती मिळताच पोलीस घटनास्थळी दाखल झाले असून आरोपींचा शोध घेतला जात आहे.
राजकीय वातावरण तापले
महाराष्ट्र विधानसभा निवडणुकीसाठी मतदान अवघ्या दोन दिवसांवर आले असताना हा हल्ला घडल्याने राजकीय वातावरण अधिक तापले आहे. वंचित बहुजन आघाडीच्या नेत्यावर झालेल्या हल्ल्यामागे नेमके कोण आहे आणि याचा उद्देश काय आहे, याचा शोध घेण्याची मागणी होत आहे.
परिसरातील तणाव
हल्ल्याच्या पार्श्वभूमीवर पोलिसांनी सुरक्षेत वाढ केली आहे. स्थानिक नागरिक आणि राजकीय नेत्यांनी या हल्ल्याचा तीव्र निषेध व्यक्त केला असून, दोषींवर कठोर कारवाईची मागणी केली आहे.
महाराष्ट्र विधानसभा निवडणूक जिंकण्यासाठी सध्या सर्व पक्ष आपापल्या प्रचारात गुंतले आहेत. अशा परिस्थितीत वंचित बहुजन आघाडीच्या नेत्यावर प्राणघातक हल्ला होणे धक्कादायक असून, यामुळे निवडणुकीच्या वातावरणात चिंता वाढली आहे.
Support Jaaglyabharat.com
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on NOV 17,2024 | 19:59 PM
WebTitle – ratnagiri-attack-on-vanchit-bahujan-aghadi-leader-anna-jadhav
